အကြမ်းဖက်ခြင်းဆိုသည်မှာ …

အတွဲ(၁) အမှတ်(၄) မျက်နှာဖုံးဆောင်းပါး
 
(စတီဗင်ရေးသည်)
 
ယနေ့ ကမ္ဘာကြီးတွင် အကြမ်းဖက်ခြင်း (Terrorism) ကို မကြားဖူးသူမရှိသလောက်ပင်။ သမိုင်းဦးအချိန်မှစ၍ ယနေ့အချိန်ထိ အသုံးပြုနေဆဲ။ ရာဇ၀တ်မှု သို့မဟုတ် ဘာသာရေးအထွဋ်အမြတ်ကိစ္စတစ်ခုအဖြစ်ဆောင်ရွက်ခြင်း၊ ဖိနှိပ်ချုပ်ချယ်ခံရခြင်းကို တုံ့ပြန်ကာ လက်စားချေတိုက်ခိုက်ခြင်း၊ စက်ဆုပ်ရွံရှာဖွယ်လုပ်ရပ်မျိုးဖြင့်အကောင်အထည်ဖော်ခြင်း အစရှိသဖြင့် အကြမ်းဖက်ခြင်းကို ပုံစံအမျိုးမျိုးဖြင့် ပုံဖော်ကြသည်။ ခေတ်မီတိုးတက်လာသည်နှင့်အမျှ အကြမ်းဖက်ကို အသေအချာဗျူဟာချကာ ကျူးလွန်လာကြသည်။
 
အကြမ်းဖက်ခြင်းကို ထိရောက်စွာနှိမ်နှင်းနိုင်ဖို့ရာ ကြိုတင်သိရှိခြင်း၊ ဆိုလိုသည်မှာ တင်ကြိုသတင်းရရှိရန်အရေးကြီးသည်။ အကြမ်းဖက်လုပ်ရပ်များသည် ကမ္ဘာတစ်လွှားတိုးမြင့်ဖြစ်ပေါ်နေပြီး လိုချင်သည်ကို ထိထိရောက်ရောက်ရအောင်ယူသည့်နည်းလမ်းအဖြစ် အသုံးချလာကြသည်ကို တွေ့ရှိရသည်။ သို့သော်အကြမ်းဖက်သည့်နည်းလမ်းသည် အကျိုးနည်းခြင်းဖြင့်သာအဆုံးသတ်ရလေ့ရှိကြောင်း သာဓကများစွာက ညွှန်းဆိုနေသည်။
 
ကမ္ဘာ့ကုလသမဂ္ဂအဖွဲ့ချုပ်က အကြမ်းဖက်တိုက်ခိုက်ခြင်း၏ အနက်အဓိပ္ပါယ်ကို ၁၉၉၂ ခုနှစ်တွင်ဖွင့်ဆိုခဲ့သည်။ ဤဖွင့်ဆိုချက်သည် အများလက်သင့်ခံထားသည့် Academic ဖွင့်ဆိုချက်လည်းဖြစ်သည်။ “စိုးရိမ်ထိတ်လန့်မှုဖန်တီးရန်အလို့ငှာ ကြမ်းကြုတ်ရက်စက်သည့် အကြမ်းဖက်လုပ်ရပ်ကို အဖန်တလဲလဲအသုံးပြုခြင်း။ ကျူးလွန်သူများအနက် တစ်ကိုယ်တော်လျှို့ဝှက်ကြေးစား သို့မဟုတ် အုပ်စု(များ) သို့မဟုတ် အစိုးရကိုယ်တိုင်ပါဝင်နိုင်သည်။ ကျူးလွန်ရသည့်ရည်ရွယ်ချက်မှာ တမူထူးခြားသည့်ရာဇ၀တ်မှု သို့မဟုတ် နိုင်ငံရေးဆိုင်ရာ အကြောင်းတရားများပေါ်တွင် မူတည်သည်။ လုပ်ကြံသတ်ဖြတ်ခြင်းနှင့် အကြမ်းဖက်ခြင်း၏ ကွာခြားချက်မှာ အကြမ်းဖက်ခြင်း၏ တိုက်ရိုက်ပစ်မှတ်သည် အဓိကပစ်မှတ်ထားခြင်းခံရသူတစ်ဦးထဲကို ရည်ရွယ်ခြင်းမဟုတ်ပေ။ (ဆိုလိုသည်မှာ အစိုးရ သို့မဟုတ် ပါတီအဖွဲ့အစည်း သို့မဟုတ် အုပ်စုတစ်စုစုကို မကျေနပ်သော် ယင်းသူတို့ကို တိုက်ရိုက်ပစ်မှတ်ထားမတိုက်ခိုက်ဘဲ အပစ်မဲ့အရပ်သား(များ)ကို ပစ်မှတ်ထားသည်၊ ၀န်ကြီးဌာနအဆောက်အအုံကို ပစ်မှတ်ထားသည်)
 
ဥပမာ ၁၉၇၂ ခုနှစ် မြူးနစ်အိုလံပစ်တိုက်ခိုက်မှုကို Black September Organization က ကျူးလွန်ခဲ့ပြီး အစ္စရေးကစားသမား ၁၁ ဦးသေဆုံးခဲ့သည်။ အကြမ်းဖက်တိုက်ခိုက်ခံရခြင်း၏ လက်တလောသားကောင်များသည် အစ္စရေးနိုင်ငံသားများဖြစ်သည်။ သို့သော် BSO အဖွဲ့၏ အဓိကပစ်မှတ်သည် ယင်း ၁၁ ဦးမဟုတ်ဘဲ အိုလံပစ်ပြိုင်ပွဲကို ကြည့်ရှုနေသည့် တစ်ဘီလီယံနီးပါးသော ရုပ်သံကြည့် ပရိသတ်များဖြစ်သည်။ ထိုဘီလီယံနှင့်ချီသည့် လူအများစိတ်ထဲတွင် အကြောက်တရားလွှမ်းမိုးရေးသည် အကြမ်းဖက်သမားများ၏ အန္တိမရည်ရွယ်ချက်ပန်းတိုင်ဖြစ်သည်။ BSO အဖွဲ့သည် လူအများဆုံးမြင်နိုင်ချေရှိသည့် အကွက်အကွင်းကို အသေအချာရွေးချယ်ကာ တိုက်ခိုက်သည့် မဟာဗျူဟာကို အသုံးချခဲ့ပြီး ပါလက်စတိုင်း ဒုက္ခသည်များ၏ အကျပ်အတည်းကို ကမ္ဘာကသတိပြုမိလာအောင် အကြမ်းဖက်လုပ်ရပ်ဖြင့် တပ်လှန့်ခဲ့ခြင်းသာဖြစ်သည်။
 
အကြမ်းဖက်သမားများအပေါ် မြင်သည့်အမြင်များလည်းကွဲပြားသည်။ “တစ်စုံတစ်ဦးအတွက် အကြမ်းဖက်သမား (Terrorist) ဖြစ်နေသူသည် အခြားတစ်ယောက်အတွက်တော့ လွတ်လပ်ရေးတိုက်ပွဲဝင်တပ်သား (Freedom Fighter) ဖြစ်သည်” ဆိုသည့် စကားစုကို အကြမ်းဖက်သမားများနှင့် ၎င်းတို့အပေါ်ထောက်ခံသူ၊ စာနာသူများက မြိန်ရေယှက်ရေအသုံးပြုကြလေ့ရှိသည်။ အကြမ်းဖက်တိုက်ခိုက်မှုနှင့် ကျူးလွန်သည့်အကြမ်းဖက်သမားများအပေါ် အားပေးထောက်ခံသည့်အမြင်နှင့် စာနာထောက်ထားသည့်သဘောထားများသည် စိတ်ဓာတ်စစ်ဆင်ရေး ဆိုက်ဝါးမိခြင်းဖြစ်ပြီး ယင်းကို အကြမ်းဖက်မှုအားရွံမုန်းသည့် တာဝန်သိပြည်သူများ၊ မီဒီယာများ၊ အစိုးရနှင့် အစိုးရမဟုတ်သောအဖွဲ့အစည်းများက အပြင်းအထန်ဆန့်ကျင်တိုက်ဖျက်ပစ်ရန် အင်မတန်အရေးကြီးပေသည်။
 
မတ်လထုတ် အတွဲ(၁) အမှတ်(၄) Download ရယူရန် –
Mediafire – http://bit.ly/2mE2MPq
pCloud – http://bit.ly/2m6cB5B
Dropbox – http://bit.ly/2lqzmnz