ဗာတီကန်တွင် မြန်မာသံရုံးဖွင့်မည်

ကက်သလစ်ဘာသာဝင်တို့၏ ခေါင်းဆောင် ပုပ်ရဟန်းမင်းကြီး ဖရန့်ဆစ်နှင့် ဥရောပခရီးစဉ်သွားရောက်စဉ်သွားရောက်နေသည့် နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်တို့ ကြာသာပတေးနေ့က တွေ့ဆုံခဲ့ကြပြီး သံတမန်ဆက်ဆံရေးထူထောင်နိုင်ခဲ့ပြီဟု ဆိုသည်။
လွန်ခဲ့သော မတ်လကတည်းက သဘောတူညီထားသည့်အတိုင်း ရန်ကုန်မြို့၌ ပုပ်ရဟန်းမင်းကြီး၏ ကိုယ်စားလှယ်တစ်ဦးခန့်အပ်မှာဖြစ်သလို မြန်မာနိုင်ငံကလည်း ဗာတီကန်တွင် သံရုံးဖွင့်လှစ်သွားမည်ဟုသိရသည်။
 
နိုဘယ်ဆုရှင်ဒေါ်အောင်ဆန်းစုကြည်သည် ရိုဟင်ဂျာများဖိနှိပ်ခံနေရခြင်းနှင့်ပတ်သက်ပြီး နှုတ်ဆိတ်နေသောကြောင့် နိုင်ငံတကာအသိုင်းအ၀ိုင်း၏ ဝေဖန်ခြင်းကိုခံနေရသူဖြစ်သော်လည်း ပုပ်ရဟန်းမင်းကြီးဖရန့်ဆစ်ကမူ အဖိနှိပ်ခံရိုဟင်ဂျာများကိုယ်စား လူသိရှင်ကြားထုတ်ဖော်ပြောကြားခဲ့သူဖြစ်သည်။
 
လူနည်းစု ရိုဟင်ဂျာများသည် ၎င်းတို့ကိုင်စွဲထားသော ယုံကြည်ချက်ကြောင့် ညှင်းပမ်းနှိပ်စက်ခံ၊ သတ်ဖြတ်ခံနေရသည်ဟု လွန်ခဲ့သောဖေဖော်ဝါရီလအတွင်း ပုပ်ရဟန်းမင်းကြီး ဖရန့်ဆစ်က ရှုတ်ချပြောဆိုခဲ့သည်။
 
ဘီလီယံပေါင်း ၁.၃ ချီသော ကမ္ဘာအရပ်ရပ်မှ ကက်သလစ်ဘာသာဝင်တို့၏ ဥသျှောင် ပုပ်ရဟန်းမင်းကြီးနှင့် ဒေါ်အောင်ဆန်းစုကြည်တို့သည် မိနစ် ၂၀ ၀န်းကျင်တွေ့ဆုံခဲ့ကြသည်။ ထို့နောက် ဒေါ်အောင်ဆန်းစုကြည်အား ပန်းများပွင့်နေသော သဲကန္တာရပုံပါသည့် ကြေးတံဆိပ်ပြားတစ်ခု ချီးမြှင့်ခဲ့သည်။
 
Ref and Photo: ncronline
ဉာဏ်အလင်း