၂၀၁၇ တွန်ကီကမ္ဘာ့အိဂ်ျသေမာခရီးစဉ်

ဉာဏ်​အလင်း လစဉ်ထုတ် အွန်လိုင်း မဂ္ဂဇင်း အတွဲ (၁)၊ အမှတ် (၃) ရဲ့ ကိုယ်တွေ့ခရီးသွားဆောင်းပါး ဖြစ်ပါတယ်။

(M.အောင်မြတ်ဦးရေးသည်)

ဘင်္ဂလားဒေ့ရ်ှနိုင်ငံ ဒက္ကာမြို့အစွန် တွန်ကီရပ်ကွက်မှာ နှစ်စဉ်နှစ်တိုင်းဆိုသလို ဇန်န၀ါရီလအစပိုင်းရက်တွေမှာ သဗ်လီးဂ်ဂျမာအသ်ရဲ့ ကမ္ဘာ့အိဂ်ျသေမာစုရုံးမှုကြီးတစ်ခုဖြစ်လေ့ရှိပါတယ်။ သဗ်လီးဂ်လုပ်ငန်းရဲ့ကျယ်ပြန့်မှုအားကောင်းမှုတွေကြောင့် တွန်ကီအိဂ်ျသေမာကို သဗ်လီးဂ်လုပ်ငန်းထဲမှာတစ်တပ်တစ်အား ပါဝင်ကြိုးပမ်းနေတဲ့ တစ်ကမ္ဘာလုံးက အီမာန်ရှင်ဒါအီတွေ တက်ရောက်ကြပါတယ်။

နှစ်ပေါင်းများစွာအရင်ထဲကဖြစ်လေ့ရှိတဲ့ တွန်ကီကမ္ဘာ့အိဂ်ျသေမာအတွက် ထုံးစံအတိုင်းဘင်္ဂလားဒေ့ရ်ှနိုင်ငံ သဗ်လီးဂ်အကြီးအကဲရှုရာများထံမှ ဖိတ်စာရောက်ရှိလာတာနဲ့ ဒက္ကာမြို့ကို ခရီးထွက်ဖို့ အစီအစဉ်လုပ်ဖြစ်ခဲ့ပါတယ်။

လူဦးရေထူထပ်လွန်းတဲ့ ဘင်္ဂလားဒေ့ရ်ှနိုင်ငံဟာ အိဂ်ျသေမာတက်ရောက်ဖို့အတွက်မိမိတို့နိုင်ငံကို နှစ်ခြမ်းခွဲလိုက်ပါတယ်။ ပထမတစ်ခြမ်းမှာပါတဲ့ ခရိုင်သုံးဆယ်ကျော်ဟာ ပထမအကြိမ်အိဂ်ျသေမာမှာတက်ရောက်ခွင့်ရရှိပြီး ဒုတိယအခြမ်းမှာပါတဲ့ ခရိုင်တွေကတော့ ဒုတိယအိဂ်ျသေမာမှာ တက်ရောက်ခွင့်ရရှိပါတယ်။
ဇန်န၀ါရီ ၁၃ ရက်နေ့ ညနေစမှာဖြစ်တဲ့အတွက် ၁၂ရက်နေ့ သွားမယ်လို့ဆုံးဖြတ်ပြီး ဗီဇာလက်မှတ်ကြိုးပမ်းခဲ့ပေမယ့် လက်မှတ်အခက်အခဲဖြစ်နေတာကြောင့် တစ်ရက်စောပြီး အင်္ဂါနေ့မှာ နိုဗိုလေကြောင်းနဲ့ ဒက္ကာမြို့ကိုခရီးစတင်ခဲ့ပါတယ်။
ခရီးသည် ၄၀ ကျော်သာဆန့်တဲ့နိုဗိုလေကြောင်းပိုင် ပန်ကာနှစ်လုံးတပ်ဂျက်လေယာဉ်လေးဟာ ရန်ကုန်ကနေ ဒက္ကာမြို့ကို နှစ်နာရီခွဲကျော်ကြာအောင် ပျံသန်းခဲ့ပါတယ်။ လေယာဉ်ပေါ်မှာပဲ အဆွရ်ဆွလားသ်ကိုဝတ်ပြုခဲ့ရပြီး မဂ်ရိဗ်အဇာန်ပြီးတဲ့အချိန်လောက် ဒက္ကာအပြည်ပြည်ဆိုင်ရာလေဆိပ်အဆောက်အအုံထဲရောက်ရှိပါတယ်။ ရန်ကုန်မှာအပူချိန်ပြင်းနေပေမယ့် လေယာဉ်ပေါ်ကဆင်းတာနဲ့ ဒက္ကာရဲ့အေးစက်နေတဲ့ လေစိမ်းတွေနဲ့ အရဲဖုထအောင်ကိုက်တဲ့ခြင်တွေက ဆီးကြိုနေပါတယ်။

တစ်ကမ္ဘာလုံးက ဧည့်သည်တွေတဖွဲဖွဲလာရောက်နေပြီဖြစ်တာကြောင့် ဒက္ကာမရ်ကဇ်က အ(တ်)စ်သစ်က်ဘားလ် ကြိုဆိုရေးအဖွဲ့ကို လေဆိပ်ထဲမှာ စည်းကမ်းတကျချထားပါတယ်။ နိုင်ငံခြားသားတွေကို ကြိုဆိုနှုတ်ဆက်ခြင်း၊ လူဝင်မှုကြီးကြပ်ရေးကောင်တာကိုအမြန်ဆုံးဖြတ်စေခြင်း၊ ပစ္စည်းတွေကိုစနစ်တကျထုတ်ယူစေခြင်း၊ အိဂ်ျသေမာကွင်းကိုသွားဖို့ ဘတ်စ်ကားကြီးများစီစဉ်ပေးခြင်း စတဲ့ကိစ္စရပ်များကို စိတ်ရှည်လက်ရှည်ပြုလုပ်ပေးကြပါတယ်။

ကြာသာပတေးနေ့အဆွရ်ဆွလားသ်ပြီးကနေစတင်ခဲ့တဲ့ အစီအစဉ်တွေဟာ တနင်္ဂနွေနေ့မနက် မနက် လူသိန်းပေါင်း များစွာရဲ့စုပေါင်းဆုမွန်ဒိုအာနဲ့ အဆုံးသတ်ခဲ့ပါတယ်။ သဗ်လီးဂ်ဂျမာအသ်ရဲ့ဌာနေ မရ်ကဇ်နေဇာမွဒ္ဒီးန် အိန္ဒိယမှနေထိုင်တဲ့ ကမ္ဘာ့တာဝန်ခံတွေ၊ ပါကစ္စတန်ရိုင်ဝန်ဒ်မရ်ကဇ်က တာဝန်ရှိလူကြီးတွေ၊ ထင်ရှားတဲ့ပညာရှင်တွေ၊ လူဟောင်းတာဝန်ခံတွေ အစုံအလင်တက်ရောက်ကြပါတယ်။

သဗ်လီးဂ်ဂျမာအသ်ကြိုးပမ်းမှုဖြစ်နေတဲ့ကမ္ဘာ့နိုင်ငံပေါင်း ၁၅၀ကျော်က မွတ်စလင်ဒါအီတွေ၊ နိုင်ငံအသီးသီးက သဗ်လီးဂ်လုပ်ငန်းတာဝန်ခံရှုရာလူကြီးတွေအပါအ၀င် နိုင်ငံခြားသားတွေတက်ရောက်ကြပါတယ်။ ဟဂ်ျခရီးစဉ်မှာကဲ့သို့ နိုင်ငံတိုင်းကို မိမိတို့နိုင်ငံအမည်နဲ့တကွ သီးသန့်ယာယီတဲတွေထိုးပြီး နေရာထိုင်ခင်းစီစဉ်ပေးပါတယ်။ ထုံးစံအတိုင်းနေရာတကာနောက်ဆုံးမှာနေရတဲ့မွေးရပ်မြေ မြန်မာပြည်ကတော့ တွန်ကီအိဂ်ျသေမာမှာလည်း နောက်ဆုံးမှာသာနေရာရပါတယ်။ ဘေးနားတစ်ဝိုက်မှာတော့ အိန္ဒိယ၊ သီရိလင်္ကာ၊ နီပေါစတဲ့ အိမ်နီးချင်းနဲ့ ဒေသတွင်းနိုင်ငံတွေရဲ့ ယာယီတဲတွေကိုတွေ့ရပါတယ်။

သောကြာနေ့ ဂျွမ်မာဆွလာသ်မှာတော့ လူပင်လယ်ကြီးဟာ ရက်ရက်စက်စက်များလာပါတယ်။ စတိတ်စင်မြင့်ပေါ်မှာ အိန္ဒိယနေဇာမွဒ္ဒီးန်မရ်ကဇ်က ကြွလာတဲ့ကမ္ဘာ့တာဝန်ခံလူကြီးတွေကိုတွေ့ရပြီး စတိတ်အောက်မှာတော့ နိုင်ငံတကာဧည့်သည်တော်တွေအတွက်အထူးအစီအစဉ်လုပ်ပေးထားပါတယ်။ လူသိန်းပေါင်းများစွာ တပြိုင်နက်တည်း တစ်ချိန်တည်းရှေ့ဆောင်ဆရာတစ်ပါးတည်းရဲ့အနောက်မှာ ပြိုင်တူဂျွမ်မာဆွလားသ်ဝတ်ပြုရတဲ့ ကြည်နူးမှုကတော့ ပြောမပြတတ်အောင်ပါပဲ။

ဒီလောက်များပြားလှတဲ့နိုင်ငံတကာဧည့်သည်တွေကို စနစ်တကျပြုစုမှု၊ နေရာထိုင်ခင်းစီစဉ်ပေးမှု၊ ရိုးရာအစားအသောက်တွေနဲ့ အနီးစပ်ဆုံးကျွေးမွေးမှုမှာတော့ ဘင်္ဂါလီတွေကို မချီးကျူးဘဲမနေနိုင်ပါဘူး။ ရှိုက်ခ်ယာစီးန်တို့လိုရေနံသူဌေးအာရပ်တွေ၊ ရှိုက်ခ်ရဂျဗ်တို့လို ဘာသာစကားမျိုးစုံတတ်တဲ့ အာရပ်ပညာရှင်တွေတောင် အများနည်းတူမြေကြီးပေါ်မှာ ဖျာခင်းပြီး အိပ်နေတဲ့မြင်ကွင်းကိုတွေ့ရတော့ တမန်တော်မြတ် ဆွလ္လလ္လာဟုအလိုင်းဟိဝစလ္လမ်မိန့်ခဲ့တဲ့ အာရပ်တွေဟာ အာရပ်မဟုတ်သူထက်သာပိုမွန်မြတ်မှုမရှိ၊ သတ်က်ဝါသာလျင် အဆုံးအဖြတ်ခံယူရမည့်အရာဆိုတဲ့ မိန့်ခွန်းကိုသတိရမိပါတယ်။

ဂျွမ်မာနေ့မနက်ပိုင်းမှာတော့ နိုင်ငံအသီးသီးက ရောက်ရှိနေသူတွေရဲ့တဲတွေကို ကမ္ဘာ့မရ်ကဇ်က တာဝန်ခံလူကြီးတွေလူခွဲပြီးအမှာစကားလာရောက်ပြောကြားတဲ့ အစီအစဉ်လုပ်ပါတယ်။ မတူကွဲပြားတဲ့ဘာသာစကားမျိုးစုံရဲ့ဘာသာပြန်တာဝန်ကျသူတွေက မိမိတို့နိုင်ငံရဲ့ယာယီတဲတွေမှာတာဝန်ခံတွေကိုကြိုဆိုပြီး အမှာစကားရဲ့အစီအစဉ်ကိုဘာသာစကားအသီးသီးနဲ့ပြန်ဆိုပေးရပါတယ်။ ကျနော်တို့မြန်မာပြည်သားတွေရှိတဲ့နေရာကို တာဝန်ကျသူကတော့ ဘုံဘေမြို့က ပရော်ဖက်ဆာဘိုင်အင်န်အားမ်ဆိုတဲ့ တာဝန်ခံတစ်ဦးဖြစ်ပြီး မြန်မာလိုဘာသာပြန်ကတော့ ကျနော်တာဝန်ကျခဲ့ပါတယ်။

စနေနေ့မနက်ပိုင်းမှာတော့ အိဂ်ျသေမာကွင်းမှာရှိနေတဲ့အလွှာပေါင်းစုံက လူတန်းစားအသီးသီးရဲ့မိမိတို့ပရောက်ဖက်ရှင်နယ်အလိုက် ကျင်လည်ကျက်စားတဲ့လူတွေသီးသန့်စုရုံးမှုဖြစ်ပါတယ်။ သဘောက တစ်ကွင်းလုံးမှာရှိတဲ့ အာလင်မ်များရဲ့ထိုင်ဝိုင်းက သက်သက်၊ တစ်ကွင်းလုံးမှာရှိတဲ့ ခေတ်ပညာကျောင်းသားတွေရဲ့ ထိုင်ဝိုင်းကသက်သက်၊ ခေတ်ပညာကျောင်းဆရာတွေရဲ့ထိုင်ဝိုင်းကသက်သက်၊ အဲဒီလိုပဲ အိဂ်ျသေမာကိုတက်ရောက်လာတဲ့ဆွံ့အနားမကြားဒါအီများရဲ့ထိုင်ဝိုင်းက သက်သက်စီဖြစ်ပါတယ်။ အာလင်မ်သီးသန့်အစီအစဉ်မှာတော့ အာလင်မ်ပေါင်းသုံးသောင်းကျော်ခန့်တက်ရောက်ပြီး စတိတ်ပေါ်ကနေ မော်လာနာစအဒ်ဆွာဟိဗ်ရဲ့အူရ်ဒူလိုဘယာန်နှစ်နာရီတိတိဖြစ်ပါတယ်။ ခေတ်ပညာတတ်ကျောင်းသားတွေမှာတော့ အလီဂရ်တက္ကသိုလ်ရဲ့ပရော်ဖက်ဆာဟောင်းတစ်ဦးဖြစ်ပြီး လက်ရှိနေဇာမွဒ္ဒီန်းမရ်ကဇ်မှာ အရေးကြီးတာဝန်တွေကို ထမ်းဆောင်လျက်ရှိတဲ့ ပရောက်ဖက်ဆာအိက်ဘားလ်ဟာဖီးဇ်ဆွာဟိဗ်ရဲ့အစီအစဉ်ဖြစ်ပါတယ်။ အားလုံးနားလည်နုင်ိမယ့် ဘုံဘာသာစကား အင်္ဂလိပ်နဲ့ပဲ သူကပြောပါတယ်။

အကျွေးအမွေးပိုင်းကိုကြည့်မယ်ဆိုရင်လည်း ထောက်ကွက်ဟာကွက်မရှိအောင်စီစဉ်ထားပါတယ်။ ဥရောပ၊ အာရပ်၊ အာဖရိကတွေရဲ့ မနက်စာနာရ်ှသာအစီအစဉ်က ပုံစံတစ်မျိုးဖြစ်ပါတယ်။ လေးယောက်တစ်ဝိုင်းလင်ပန်းကြီးထဲမှာ သံလွင်သီး၊ စွန်ပလွံသီး၊ ပန်းသီး၊ ပေါင်မုန့်၊ ထောပတ်၊ ချီးစ်၊ ငှက်ပျောသီး အစရှိတာတွေပါတဲ့ ဥရောပဆန်တဲ့ နာရ်ှသာဖြစ်ပြီး ကျနော်တို့ အာရှ၊ အာဆီနာရ်ှသာကတော့ ထမင်းကြော်၊ ဆိတ်စွပ်၊ နံပြားဖြစ်ပါတယ်။ မတူကွဲပြားတဲ့နိုင်ငံတွေက လူတွေရဲ့ စိတ်နေစိတ်ထားကိုသဘောပေါက်နားလည်စွာနဲ့ သေသေချာချာစနစ်တကျစီစဉ်ဆောင်ရွက်ထားတာပါ။ ထမင်းစားပြီးတဲ့အခါမှာလည်း လက်ဆေးဖို့ဆပ်ပြာသုံးဖို့ လက်သုတ်ဖို့ သွားကြားထိုးဖို့ကအစ အားလုံးအဆင်သင့်လုပ်ပေးထားပါတယ်။ ဧည့်သည်တွေရဲ့ဖိနပ်တွေကိုကအစ ပြန်လှည့်ပေးထားတဲ့ ဘင်္ဂလားဘင်္ဂလားလူငယ်တွေရဲ့ ခေဒ်မသ်ပြုပုံကိုတော့ စိတ်ထဲစွဲကျန်နေရစ်ခဲ့ရပါတော့တယ်။

တနင်္ဂနွေမနက်မှာတော့ ရှစ်နာရီဆယ့်ငါးမိနစ်တိတိကနေ နောက်ဆုံးအမှာစကားပြောကြားတဲ့အစီအစဉ်ကို မော်လာနာစအဒ်ဆွာဟိဗ်ကစတင်ပြီး ဆယ့်တစ်နာရီတိတိမှာမှ အဆုံးသတ်ခဲ့ပါတယ်။မြန်မာလိုဘာသာပြန်ကတော့ လူကြီးတွေကျန်းမာရေးအခြေအနေကြောင့် ကျနော့်တာဝန်ပဲကျပါတယ်။ စတိတ်ပေါ်ကနေတော့ ဘင်္ဂလားလို တိုက်ရိုက်ဘာသာပြန်လည်းဖြစ်ပါတယ်။

ဆယ့်တစ်နာရီတိတိမှာတော့ သုံးရက်လုံးရဲ့အနှစ်ချုပ်ဖြစ်တဲ့ နောက်ဆုံးဒိုအာရဲ့ အစီအစဉ်ဖြစ်ပါတယ်။လေးဆယ့်ငါးမိနစ်ခန့်ကြာပါတယ်။ တစ်ကမ္ဘာလုံးအေးချမ်းဖို့အမုန်းမီးတွေချူပ်ငြ်ိမ်းဖို့ သတ္တဝါအပေါင်းဘေးသီရန်မခဖို့လူသားအားလုံးဟေဒါယသ်လမ်းမှန်ရရှိဖို့ နှစ်ဘဝနှစ်ဌာနအောင်မြင်ဖို့ အတွက် ကမ္ဘာ့တာဝန်ခံတစ်ဦးဖြစ်တဲ့ မော်လာနာစအဒ်ဆွာဟိဗ်က တောင်းခံပြီး သိန်းနှစ်ဆယ်ကျော်မွတ်စ်လင်တွေကတော့ အာမီန်းလိုက်နေကြပါတယ်။ နှစ်စဉ်နှစ်တိုင်း ဝန်ကြီးချုပ် ရှိုက်ခ်ဟဆီနာ ကိုယ်တိုင် ဒိုအာအစီအစဉ်ကိုတက်ရောက်ပေမယ့် ဒီနှစ်မှာခရီးလွန်နေတဲ့အတွက် မလာနိုင်ခဲ့ပါဘူး။ ဘင်္ဂလားသတင်းစာတွေကတော့ ဝန်ကြီးချုပ်ကော သမ္မတပါ တီဗီက တဆင့် ဆုတောင်းပွဲမှာပါဝင်နေကြတယ်လို့ ဖော်ပြပါတယ်။

ထူးထူးခြားခြားတစ်ခုကတော့ ဘင်္ဂလားနယ်စပ် အိန္ဒိယနိုင်ငံ ကလကတ္တားမြို့ က အဖိုးအိုတစ်ဦး မိမိကိုယ်ပိုင်စက်ဘီးကိုနင်းပြီး တွန်ကီအိဂ်ျသေမာကိုပါဝင်ခဲ့ပါတယ်။အနားကပ်ပြီးမေးကြည့်တော့ လမ်းခရီးမှာသုံးညအိပ်ခဲ့ရပြီး စက်ဘီးနင်းလာတာဖြစ်ကြောင်းပြောပြပါတယ်။အဖိုးအိုရဲ့ ဇွဲသတ္တိ ဒီးန်ရဲ့ချစ်စိတ်ကတော့ အံ့မခန်းပါပဲ။

အစီအစဉ်ပြီးတစ်ရက် ဒါကာမြို့ ပေါ်မှာနေပြီး အင်္ဂါနေ့ နေ့ လယ် နိုဗိုလေကြောင်းနဲ့ ရန်ကုန်မရ်ကဇ်က တာဝန်ခံလူကြီးများနှင့်တူတူ ရန်ကုန်မြို့ ကို ချောချောမောမောပြန်လည်ရောက်ရှိခဲ့ပါတယ်။

ဉာဏ်အလင်းအတွက် အခုခရီးစဉ်မှတ်တမ်းအစပိုင်း ကို လေယာဉ်ပေါ်မှာရေးဖြစ်ခဲ့ပြီး ကျန်တဝက်ကို ရန်ကုန်မှာအဆုံးသတ်ဖြစ်ခဲ့ပါတယ်။
အလ္လာဟ်အရှင်အမြတ် တွန်ကီကမ္ဘာ့အိဂ်ျသေမာကိုအကြောင်းခံပြီး ကမ္ဘာတစ်ဝှမ်း အေးချမ်းမှုတွေဖြစ်ပေါ်စေလို့ ဆုမွန်ဒိုအာပြုလိုက်ပါတယ်။ အာမီးန်

လူဦးရေစာရင်း (ပထမအိဂ်ျသေမာ + ဒုတိယအိဂ်ျသေမာ)

တစ်နှစ်ဂျမာအသ် – ၄
လေးလ ဂျမာအသ် – ၅၃၁
ရက် ၄၀ ဂျမာအသ် – ၃၀၅၉
အရဗ် ဂျမာအသ် – ၂၆၅
အင်္ဂလိပ် ဂျမာအသ် – ၄၅၀
ပြည်တွင်းမှပြည်ပသွားမည့် ဂျမာအသ် – ၈၀
ပြည်တွင်းမှပြန်ပသွားမည့် မတ်ဆူရသ်ဂျမာအသ် – ၁၂၆
အိဂ်ျသေမာတက်ရောက်သည့် အရဗ် – ၇၀၀၀
အိဂ်ျသေမာတက်ရောက်သည့် အင်္ဂလိပ် – ၈၅၀၀
တက်ရောက်သည့်နိုင်ငံအရေအတွက် – ၂၀၂
စုစုပေါင်းတက်ရောက်သူဦးရေ – ၃.၅ သန်း

ယခုလထုတ် ဉာဏ်အလင်း မဂ္ဂဇင်း အတွဲ(၁) အမှတ်(၃) ကို Download ရယူရန် –
Mediafire – http://bit.ly/2jBaW9S
pCloud – http://bit.ly/2l0FGNP
Dropbox – http://bit.ly/2jHxCAE