နိုက် တမ်ပလာ ဂိုဏ်း (The Knights Templars)

ကဏ္ဍ – History

နိုက် တမ်ပလာ ပွဲကျောင်းသား ဘာသာရေးဂိုဏ်း (The Order of the Knights Templars) သည် ခရူးစိတ်စစ်ပွဲကာလတွင် စတင်ပေါ်ပေါက်ခဲ့သည်။ ဤဂိုဏ်းပေါ်ပေါက်လာရခြင်း၏ ရည်ရွယ်ချက်မှာ ခရစ်ယာန်သာသနာအတွက် တိုက်ခိုက်ရန်ဖြစ်သော်လည်း အချိန်ကြာမြင့်လာသည်နှင့်အမျှ တမ်ပလာတို့သည် ကျယ်ပျံ့လှသောအာဏာကိုပိုင်ဆိုင်လာခြင်း၊ မိစ္ဆာဒိဋ္ဌိအယူများကျင့်သုံးလာခြင်းနှင့် ပစ္စည်းဥစ္စာပိုင်ဆိုင်မှုတိုးပွားစေရန် အရင်းရှင်စနစ်တစ်ခုကို ထူထောင်ခဲ့ခြင်းတို့ကြောင့် ကျောင်းတော် (Church) နှင့် ငြိစွန်းမှုများရှိလာခဲ့သည်။

တမ်ပလာများနှင့်ပတ်သက်သည့် ကောလဟလများနှင့် မျက်မြင်ကိုယ်တွေ့ပြန်ပြောင်းပြောပြချက်များကြောင့် ကျောင်းတော်က နှစ်ပေါင်းများစွာကြာအောင် စုံစမ်းစစ်ဆေးမှုများပြုလုပ်ခဲ့သည်။ ယင်းဘာသာရေးဂိုဏ်းသည် ယနေ့ စေတန်မကောင်းဆိုးဝါးဂိုဏ်းသားများ (Satanic Sects) ကဲ့သို့သော (ခရစ်ယာန်) ဘာသာပျက်စေသည့် အောက်လမ်းမှော်ပညာများ၊ တားမြစ်ထားသည့် ပဉ္စလက်အတတ်များကျင့်သုံးသည်ဟု တပ်အပ်စွပ်စွဲခံခဲ့ရ၏။ ထို့နောက်တွင် နိုက်တမ်ပလာ ဘာသာရေးဂိုဏ်းသည် ဖျက်သိမ်းခံခဲ့ရပြီးနောက် တရားမ၀င်အသင်းအဖွဲ့အဖြစ် ကြေညာခြင်းခံလိုက်ရသည်။ ဂိုဏ်းဖျက်သိမ်းခြင်းနှင့် ဂိုဏ်းဝင်တို့အားဖမ်းဆီးထိန်းသိမ်းခြင်း စသည်များလုပ်ဆောင်ရန် ပြင်သစ်ဘုရင်နှင့် ပုပ်ရဟန်းမင်းတို့က ပူးတွဲအမိန့်ထုတ်ပြန်ခဲ့ခြင်းဖြစ်သည်။ တမ်ပလာဂိုဏ်းသားများကို ရုံးတင်စစ်ဆေးခြင်းနှင့် ဂိုဏ်းတစ်ခုလုံးအားမတရားအသင်းကြေညာပြီးဖျက်သိမ်းခြင်း ဖြစ်စဉ်များသည် အလယ်ခေတ်၏ ကျော်ကြားထင်ရှားလှသောဖြစ်ရပ်များအနက်အပါအ၀င်ဖြစ်ကြောင်း သမိုင်းပညာများက ရည်ညွှန်းထားသည်။

ကံကြမ္မာ၏လှည့်ကွက်ကားဆန်းကျယ်လှ၏။ နိုက်တမ်ပလာ ပွဲကျောင်းသားဂိုဏ်း၏ ဇာတ်လမ်းရှည်ကြီးမှာ ၎င်းတို့၏ ပင်မဂိုဏ်းကြီးဖြိုခွင်းခံလိုက်ရချိန်မှ အမှန်တကယ်အစပြုခဲ့သည်။ ပညာရှင်အများစုလက်ခံထားသည့်အဆိုအရ ဂိုဏ်းသားများသည် မြေအောက်လျှို့ဝှက်အဖွဲ့အစည်းအဖြစ် အသွင်ပြောင်းလှုပ်ရှားခဲ့ကြပြီး တစ်ဆူတည်းသောဘုရားသခင်ကိုးကွယ်သည့် ဘာသာတရားများကို အမုန်းကြီးမုန်းသွားကြတော့သည်။ အထူးသဖြင့် ကျောင်းတော် (Church) ကို မုန်းသည်ကြ၏။ ကာလများကြာမြင့်လေသောအခါ နိုက်တမ်ပလာဂိုဏ်းကို ဖရီးမေဆင် နိုင်ငံတကာလျှို့ဝှက်အသင်း (Freemason/ The Masons) အဖြစ် ယနေ့ခေတ်တွင် လူသိများလာခဲ့သည်။ ဖရီးမေဆင်အသင်းသားများ၏ ဘာသာတရားဆန့်ကျင်ရေးအတွေးအခေါ်များ၊ တော်လှန်ရေးဖြစ်စဉ်များနှင့် နိုင်ငံရေးလှုပ်ရှားမှုများတွင် ထဲထဲဝင်ဝင်ပါဝင်ပတ်သက်မှုများသည် ၎င်းတို့ဆင်းသက်လာသော မိခင်အဖွဲ့အစည်း တမ်ပလာဂိုဏ်း၏ အကျိုးဆက်များဖြစ်၏။

တစ်နည်းပြောရမည်ဆိုလျှင် နိုက်တမ်ပလာတို့သည် ယနေ့အချိန်တိုင် ဖရီးမေဆင်ဆိုသည့် ခေါင်းစဉ်အောက်၌ အင်အားကောင်းကောင်းဖြင့် ရှင်သန်ရပ်တည်နေဆဲဟု ဆိုရပေမည်။ မေဆင်ဂိုဏ်းသားတစ်ဦး ရာထူးကြီးကြီးမားမားအပ်နှင်းခံရပါက တမ်ပလာများချီးမြှင့်သည့်ဂုဏ်ပုဒ်များအတိုင်း ချီးမြှင့်ကြသည်။ ဥပမာဆိုရင်လျှင် “ကျောင်းတော်အားကာကွယ်စောင့်ရှောက်သူ – Guardian of the Temple” ဟူ၏။

အမေရိကန်ပြည်ထောင်စုရှိ ဖရီးမေဆင်ဂိုဏ်းခွဲစုဝေးရာအဆောက်အအုံ (Masonic lodge) များ၌အစည်းအဝေး ကျင်းပတော့မည်ဆိုလျင် နိုက်တမ်ပလာခေါင်းစဉ်ဖြင့် ဖိတ်ကြားလေ့ရှိသည်။ တစ်ဖက်တွင်လည်း မေဆင်ဂိုဏ်းသည် တမ်ပလာတို့၏ ရှေးထုံးဖြစ်သော ဘာသာတရားဆန့်ကျင်ရေးကို ဆက်လက်နှလုံးမူကြသလို အာဏာ၊ ငွေကြေးပိုင်ဆိုင်မှုများအတွက်လည်း မာဖီးယားများကဲ့သို့ ၀ိသမလောဘအင်မတန်ကြီးသည်ဟူ၏။

ရှေ့လတွင်ဆက်လက်ဖော်ပြပါမည်။

မူရင်း – The Knights Templars by Harun Yahya

(မောင်သုညရေးသည်)

ဧပြီလထုတ် ဉာဏ်အလင်း အတွဲ(၁) အမှတ် (၅) ကို အခမဲ့ Download ရယူရန် –
Mediafire – http://bit.ly/2oR54rj
Pcloud – http://bit.ly/2nP162Y
Dropbox – http://bit.ly/2otKFN1