မြန်မာ့ လူ့အခွင့်အရေးနှင့် ငြိမ်းချမ်းရေးအတွက် ကနေဒါက ဒေါ်လာ ၈.၈သန်း ထောက်ပံ့

ကနေဒါဝန်ကြီးချုပ် ဂျပ်စတင် ထရူဒူးက မြန်မာနိုင်ငံ၏ ငြိမ်းချမ်းရေးလုပ်ငန်းစဉ်ကို ထောက်ခံအားပေးကြောင်းနှင့် လူသားချင်းစာနာထောက်ထားသည့် အကူအညီအထောက်အပံ့များပေးမည်ဖြစ်ကြောင်း ကနေဒါနိုင်ငံသို့ ရောက်နေသော မြန်မာ နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် တွေ့ဆုံစဉ်က ပြောကြားလိုက်သည်။
 
ထို့အပြင် ဝန်ကြီးချုပ်က ဇွန်လ ၇ ရက် အစောပိုင်းက ထားဝယ်မြို့အနီးပျက်ကျခဲ့သော တပ်မတော်သယ်ယူပို့ဆောင်ရေးလေယာဉ်ပေါ်တွင် လိုက်ပါစီးနင်းခဲ့သူများအတွက် ဝမ်းနည်းကြေကွဲကြောင်း ပြောကြားခဲ့သည်။
 
နိုင်ငံ့ခေါင်းဆောင်နှစ်ဦးသည် မြန်မာနိုင်ငံဒီမိုကရေစီးအသွင်ကူးပြောင်းရေးလုပ်ငန်းစဉ်နှင့် ယင်းလုပ်ငန်းစဉ်အား ကနေဒါမှ ကူညီရေးအတွက် ဆွေးနွေးခဲ့ကြသည်။ မြန်မာနိုင်ငံအနေဖြင့် လူ့အခွင့်အရေး၊ အထူးသဖြင့် အမျိုးသမီးနျှင့် လူငယ် အခွင့်အရေး၊ တိုင်းရင်းသားလူနည်းစုနှင့် ရိုဟင်ဂျာအပါအဝင် ဘာသာရေးလူနည်းစု အုပ်စုများအား အကာအကွယ်ပေးရေး စသည်တို့ကို အရှိန်တိုးမြှင့်လုပ်ဆောင်ရန် ကနေဒါဝန်ကြီးချုပ်က တိုက်တွန်းပြောဆိုသွားခဲ့သည်။ ၎င်းအပြင်ခေါင်းဆောင်နှစ်ဦးသည် ကောင်းမွန်သောအစိုးရ၊ ဖွံ့ဖြိုးရေးဆိုင်ရာပူးပေါင်းဆောင်ရွက်ရေး၊ လူသားချင်းစာနာထောက်ထားရေး၊ စီးပွားရေးဖွံ့ဖြိုးတိုးတက်ရေးနှင့် ဒေသတွင်း လုံခြုံရေးကိစ္စရပ်များကိုလည်း ဆွေးနွေးခဲ့ကြသည်။
 
ဆွေးနွေးပွဲအပြီးတွင် လူသားချင်းစာနာထောက်ထားသည့် ကိစ္စရပ်များ၊ ငြိမ်းချမ်းရေးနှင့် တည်ငြိမ်ရေးကိစ္စရပ်များဆောင်ရွက်ရန် အထောက်အပံ့အနေဖြင့် အမေရိကန်ဒေါ်လာ ၈.၈ သန်း ပေးအပ်မည်ဟု ဝန်ကြီးချုပ်က ကြေညာသည်။ ယင်းထောက်ပံ့ငွေကို လူအခွင့်အရေး၊ ငြိမ်းချမ်းရေးတည်ဆောက်ရေး၊ နိုင်ငံအတွင်းလုပ်ဆောင်နေသော ငြိမ်းချမ်းရေးဆွေးနွေးပွဲတွင် အမျိုးသမီးများပိုမိုပါဝင်လာရေးအတွက် အထောက်အကူဖြစ်စေမည်ဖြစ်သည်။ ထို့အပြင် ထိခိုက်လွယ်သော လူထုအတွက် အရေးပေါ် အစားအသောက်ထောက်ပံ့ရေး၊ နေရာထိုင်ခင်းစီစဉ်ရေးနှင့် ကျန်းမာရေးစောင့်ရှောက်မှုများ ပါဝင်သည့် အသက်ကယ်ဝန်ဆောင်မှုများဆောင်ရွက်ရာတွင်လည်း အသုံးပြုနိုင်မည်ဖြစ်သည်။
 
ဆယ်စုနှစ်ပေါင်းများစွာကြာမြင့်သည့် ပြည်တွင်းစစ်ပွဲအဆုံးသတ်ရေးအတွက် အားလုံးပါဝင်ပြီး ရေရှည်ခံမည့် ငြိမ်းချမ်းရေးဆောင်ရွက်ချက်ကို ကနေဒါနိုင်ငံက ထောက်ခံအားပေးထားသည်။
 
“ကနေဒါနဲ့ မြန်မာအကြားဆက်ဆံရေးဟာ နေ့စဉ်နဲ့အမျှတိုးတက်နေပါတယ်။ မြန်မာပြည်သူတွေ စစ်မှန်တဲ့ငြိမ်းချမ်းရေးနဲ့ တည်ငြိမ်မှုရစေဖို့အတွက် ဒီနိုင်ငံကို ကျနော်တို့ ကူညီထောက်ပံ့သွားမှာပါ။ အထူးသဖြင့် တိုင်းရင်းသားနဲ့ ဘာသာရေးလူနည်းစုအုပ်စုတွေ၊ အမျိုးသမီးနဲ့ ကလေးသူငယ်တွေအပါအဝင် ထိခိုက်လွယ်တဲ့ လူအုပ်စုတွေ အားလုံးပါဝင်ပြီး လူ့အခွင့်အရေးကိုလေးစားသော၊ မြန်မာပြည်သူအားလုံးရဲ့လိုအပ်ချက်ကို ပြည့်မှီသော ငြိမ်းချမ်းရေးလုပ်ငန်းစဉ်ကို ကျနော်တို့ အားပေးပါတယ်” လို့ ဝန်ကြီးချုပ် ဂျပ်စတင် ထရူဒူးက ပြောကြားခဲ့သည်။
 
Ref: http://pm.gc.ca

အတွဲ (၁) အမှတ် (၆) ကို Download ရယူရန်

Mediafire – http://bit.ly/2qzk7YZ
pCloud – http://bit.ly/2rp2r17
Dropbox – http://bit.ly/2pNIeG7