ပုစွန်သည် “ဟလာလ်” ဖြစ်ပါသလား

ကဏ္ဍ – Halal/Haram
မာလိကီ၊ ရှာဖိအီ၊ ဟမ်ဗလီ လမ်းစဉ်များ၏ အီမာမ်ကြီးများထံတွင် ပုစွန်သည် သံသယမရှိ “ဟလာလ်” ဖြစ်သည်။ အဘယ်ကြောင့်ဆိုသော ထိုအီမာမ်ကြီးများ၏ထံတွင် အချို့ခြွင်းချက်ရှိသော တိရစ္ဆာန်အနည်းငယ်မှအပ ကျန်ရေသတ္တ၀ါအားလုံး “ဟလာလ်”ဖြစ်သည်။
 
ဟနဖီလမ်းစဉ်အရ ရေသတ္တ၀ါတစ်မျိုးမျိုးအား “ဟလာလ်” ဖြစ်မဖြစ် ဆုံးဖြတ်ရာတွင် အခြေခံစည်းကမ်းမှာ … အကြင်ရေနေတိရစ္ဆာန်သည် ငါးအုပ်စုမှဖြစ်လျှင် “ဟလာလ်”ဖြစ်ပြီး ငါးအုပ်စုမှမဟုတ်လျှင် “ဟလာလ်” မဟုတ်တော့ပါ။ ထို့ကြောင့် ပုစွန်သည် ငါးအုပ်စုတွင် ပါဝင်/မပါဝင် အလျင်လေ့လာပြီးမှ “ဟလာလ်” ဖြစ်မဖြစ်ကို ဆုံးဖြတ်ရပါမည်။
 
အကယ်၍လေ့လာစမ်းစစ်ချက်အရ ပုစွန်သည်ငါးအုပ်စုတွင်ပါဝင်ပါက ဟနဖီတို့ထံတွင် “ဟလာလ်”ဖြစ်ပြီး ငါးအုပ်စုတွင်မပါဝင်ပါက “ဟလာလ်” ဟုမပြောနိုင်ပါ။
 
သို့ဆိုလျှင် ပုစွန်သည်ငါးအုပ်စုတွင်ပါဝင်ပါသလား။ ဤသည်နှင့်ပတ်သက်၍ ပညာရှင်များထံတွင် အဖြေနှစ်မျိုးဖြစ်နေ၍ အကွဲအလွဲရှိပါသည်။ ခေတ်သစ်သတ္တဗေဒပညာရှင်များ (Zoologist) ၏ထံ၌ ငါးကိုဤသို့ ဖွင့်ဆိုကြသည်။
 
“ငါးဆိုသည်မှာ ကျောရိုးပါသော ရေသတ္တ၀ါဖြစ်ပြီး ရေထဲ၌နေ၍ ရေယက်များဖြင့်ကူးခတ်ကာ ပါးဟက်ဖြင့်အသက်ရှုသည်။”
 
အထက်ပါဖွင့်ဆိုချက်အရ ပုစွန်သည် ငါးအမျိုးအစားထဲမှမဟုတ်တော့ပါ။ ပုစွန်တွင်ကျောရိုးမပါသလို ပါးဟက်ဖြင့်လည်းအသက်ရှုခြင်းမပြုလုပ်ပါ။ ထို့ကြောင့် ပုစွန်သည်သီးခြားရေသတ္တ၀ါတစ်မျိုးသာဖြစ်သည်။
 
အခြားတစ်ဖက်တွင် အရဗီဘာသာစကား၌နာမည်ကျော် ပညာရှင်များဖြစ်သည့် အိဗ်နုဒုရိုင်းဒ်၊ ဖေရိုဇ်အာဗာဒီ၊ ဇုဗိုက်ဒီ၊ ဒမီရီတို့က ပုစွန်ကို ငါးအုပ်စုတွင်ထည့်သွင်း၍ ငါးတစ်မျိုးဟုသတ်မှတ်ကြသည်။
 
ပုစွန်သည် ငါးကဲ့သို့ဖြစ်သည်။ ပုစွန်သည်အနီရောင်ရှိသည့်ငါးငယ်တစ်မျိုးဖြစ်သည်။ ထိုဘာသာစကားအဘိဓာန်များကိုအခြေခံ၍ဟနဖီပညာရှင်များစွာတို့က ပုစွန်ကိုငါးအုပ်စုတွင်ထည့်သွင်းလိုက်ကြသည်။ ထိုသို့ငါးအုပ်စုတွင်ထည့်သွင်းလိုက်သည့်အတွက်ပုစွန်မှာ “ဟလာလ်”ဖြစ်သည်ဟု “ဖသ်ဝါ” ဓမ္မသတ်ဆုံးဖြတ်ကြပါသည်။
 
အကယ်၍ ခေတ်သစ်သတ္တဗေဒပညာရှင်များ၏ “ငါး”ဟူသည့်ဖွင့်ဆိုချက်နှင့် ၎င်းတို့၏လေ့လာဆန်းစစ်ချက်တို့ကိုလက်ခံပါက ပုစွန်သည်ငါးအုပ်စုတွင်မပါဝင်ပါ။ သို့ဆိုလျှင် ဟနဖီစည်းကမ်းအရ ငါးမဟုတ်သည့်အတွက် မစားပိုင်တော့ပါ။
 
ဤနေရာတွင် မေးခွန်းတစ်ခုပေါ်လာပါသည်။ ရေသတ္တ၀ါများတွင်မည်သည့်အမျိုးအစားက ငါးအုပ်စုတွင်မပါဝင်၍ မည်သည့်အမျိုးအစားက ငါးအုပ်စုတွင်ပါဝင်ပါသနည်း။ ဤသို့အမျိုးအစားသတ်မှတ်ရာတွင် သတ္တဗေဒပညာကိုအခြေခံသည့်လေ့လာဆန်းစစ်ချက်ကို လက်ခံရမည်လား။ သို့မဟုတ် အရဗီအခေါ်အဝေါ်ဘာသာစကားကျွမ်းကျင်သည့်ပညာရှင်များ၏မှတ်ချက်ကို လက်ခံရမည်လား။
 
ရှရီအသ်တရားတော်၏အချို့သောသတ်မှတ်မှုများမှာ လူအများတို့၏ “အုရ်ဖ်” အသုံအးနှုံးအတိုင်းသတ်မှတ်ပါသည်။ ဤသည်နှင့်ပတ်သက်၍ မူရင်းအခေါ်အဝေါ်ဖြစ်သည့် အရဗ်တို့၏အသုံးအနှုံးကိုသာ အတည်ပြုပါသည်။
 
“အုရ်ဖ်” အများသုံးအနှုံးသည့် အခေါ်အဝေါ်တွင် အကွဲအလွဲဖြစ်လာပါက တရားတော်အရ အရဗ်တို့၏အသုံးအနှုံးကိုသာအတည်ပြုရပါမည်။ အထက်တွင်ဖော်ပြခဲ့သည့် အရဗီအဘိဓာန်ပညာရှင်တို့၏ ဆန်းစစ်ချက်အရ ပုစွန်သည်ငါးတစ်မျိုးဖြစ်သည်ဟုသိရသည်။ ထို့ကြောင်အရဗီအဘိဓာန်ပညာရှင်တို့၏ ဆန်းစစ်ချက်အတိုင်း၊ အရဗ်တို့၏အသုံအနှုံးအတိုင်း ပုစွန်ကို ငါးအမျိုးအစားဟုပင်သတ်မှတ်ရပါမည်။ သို့ဆိုလျှင် ပုစွန်စားခြင်းမှာ “ဟလာလ်” ဖြစ်မည်။
 
ဤသို့အကွဲအလွဲရှိသော “မတ်စ်အလဟ်”မျိုးတွင် တရားတော်အရအများသုံးသည့် “အုရ်ဖ်” အခေါ်အဝေါ်ဘာသာစကားအသုံးအနှုံးအပေါ်သာအခြေခံရပါမည်။ အခြားပညာရပ်ဖြင့်လေ့လာဆန်းစစ်မှုအပေါ် အခြေမခံပါ။ ထိုအခြေခံမူအပေါ်ထောက်ရှု၍ မော်လာနာအရ်ှရဖ်အလီထာန၀ီသခင်ကြီးက ပုစွန်သည် “ဟလာလ်” ဖြစ်ကြောင်း ဖသ်ဝါဓမ္မသတ်ဆုံးဖြတ်ထားပါသည်။ ထာန၀ီသခင်ကြီးက ဓမ္မသတ်မေးမြန်းချက်တစ်ခုကို ဤသို့ဖြေဆိုထားပါသည်။
 
ငါးအမျိုးအစားအားလုံးမှာ “ဟလာလ်”ဖြစ်ကြောင်း အားလုံးတညီတညွတ်တည်း လက်ခံထားကြသည်။ ယခုပုစွန်မှာငါးအမျိုးအစားတွင်ပါဝင်/မပါဝင်ဆိုသည့်အချက်သာ သံသယဖြစ်နေသည်။
 
ငါးဆိုသည့်ထူးခြားသည့်အရည်အချင်းတစ်ခုခုသတ်မှတ်ပြီး ထိုအရည်အချင်းပျောက်ဆုံးသည်နှင့်ငါးအဖြစ်မှ လျှောကျပျောက်ဆုံးသွားသည်ဟူ၍ မည်သည့်အထောက်အထားမျှမရှိပါ။ ယခုကျွမ်းကျင်သည့်ပညာရှင်များ၏ထင်မြင်ချက်သာကျန်ရှိတော့သည်။ အကယ်၍ထိုပညာရှင်များ၏ ထင်မြင်ချက်ကွဲလွဲလျှင် အမိန့်သည်လည်းကွဲလွဲမည်ဖြစ်သည်။ ဤသည်နှင့်ပတ်သက်၍ အိမာမ်မုဟမ္မဒ်၏ကွဲလွဲမှုကို ရှာမီကျမ်းရှင်ကလည်းဖော်ပြထားပါသည်။ ကျွန်ုပ်ထံတွင် ဒမီရီ၏ ဟယာသွလ်ဟိုင်ဝါန်ကျမ်းအသင့်ရှိနေသည်။ ထိုကျမ်းတွင်တိရစ္ဆာန်များ၏ မျိုးရိုးဗီဇများကိုပါအသေးစိတ်ဖော်ပြထားပါသည်။ ထိုကျမ်းတွင် “ပုစွန်သည် အလွန်သေးသော ငါးတစ်မျိုးဖြစ်သည်” ဟု ဖြစ်သည်။ မခ်ဇန်ကျမ်းတွင် ဆေးနှင့်သက်ဆိုင်သည့်အရာများကို အခြေခံလေ့လာဆန်းစစ်မှုများပါဖော်ပြထားပါသည်။ ထိုကျမ်းရှင်က ပုစွန်ကိုငါးမျိုးစိပ်တွင်ထည့်သွင်းဖော်ပြထားသည့်အတွက် “ဟလာလ်”ဖြစ်ရန်အလွန်ပင်နီးစပ်ပါသည်။ ထိုကျမ်းတွင်ပါဖော်ပြပါရှိသည့်အတွက် ပို၍ပင်ခိုင်မာသွားပါသည်။ ထို့ကြောင့် ကျွန်ုပ်အနေနှင့် ပုစွန်မှာငါးအုပ်စုတွင်ဖြစ်ကြောင်း လုံးဝစိတ်ချယုံကြည်ပါသည်။ (အင်မ်ဒါဒွလ်ဖသာဝါ တွဲ – ၄၊ စာ – ၁၀၃)
 
ဤသည်မှာ ပညာရှင်တို့၏ ဆန်းစစ်ချက်သာဖြစ်သည်။ လေ့လာသိရှိနိုင်ရန်အကျယ်တ၀ံ့ဖော်ပြလိုက်ခြင်းဖြစ်သည်။ အထက်တွင်ဖော်ပြခဲ့သည့် ဆန်းစစ်ချက်များအရ အကွဲအလွဲရှိသော မတ်စ်အလဟ်ဆိုသည်မှာ ထင်ရှားနေပါသည်။ အကွဲအလွဲရှိသောအရာကို ရှောင်ကြဉ်ခြင်းသည်သာအကောင်းဆုံးဖြစ်သည်။ အချို့ပညာရှင်များ၏လေ့လာဆန်းစစ်မှုကို လက်ခံ၍ ပုစွန်စားသုံးသူကိုအပြစ်တင်ခြင်း၊ အကြပ်ကိုင်ခြင်းများမပြုလုပ်သင့်ပါ။ အဘယ်ကြောင့်ဆိုသော်အခြားဓမ္မသတ်ဆုံးဖြတ်ချက်ဖြင့် စားသုံးရန်အခွင့်ရှိနေခြင်းကြောင့်ဖြစ်သည်။
(မော်လ၀ီ ကာရီ ရဟ်မသွလ္လာဟ် (အဇီဇီ၊ ပြင်ခရိုင်) ရေးသည်)
 
မူရင်း – ဟလာလ်/ဟရာမ်၊ စားပိုင်/မစားပိုင် တိရစ္ဆာန်များနှင့် အစားအသောက်များ စာအုပ်မှ။
 
မတ်လထုတ် အတွဲ(၁) အမှတ်(၄) Download ရယူရန် –
Mediafire – http://bit.ly/2mE2MPq
pCloud – http://bit.ly/2m6cB5B
Dropbox – http://bit.ly/2lqzmnz