မြန်မာနိုင်ငံသားများနှင့်သက်ဆိုင်သော ဗီဇာလိုအပ်ချက် ပြောင်းလဲမှုမရှိဟု အမေရိကန်သံရုံး ထုတ်ပြန်

သမ္မတသစ်ဒေါ်နယ်ထရမ့် တက်လာပြီးနောက်ပိုင်း ရွှေ့ပြောင်းအခြေချသူများဆိုင်ရာမူဝါဒများနှင့်ပတ်သက်၍ အပြောင်းအလဲများရှိနေသော်လည်း မြန်မာနိုင်ငံသားများနှင့် သက်ဆိုင်သော ဗီဇာလိုအပ်ချက်များအတွက် မည်သည့်ပြောင်းလဲမှုမျှမရှိကြောင်း ပြည်ထောင်စုသမ္မတမြန်မာနိုင်ငံဆိုင်ရာ အမေရိကန်သံရုံး ကောင်စစ်ဌာန(U.S. Embassy Rangoon Consular Section) ၏ Facebook စာမျက်နှာမှတစ်ဆင့် တင်ပြခဲ့သည်။
 
တရားဝင်အမြဲတမ်းနေထိုင်ခွင့်ရရှိထားသော သက်တမ်းရှိသေးသည့် Green Card ကိုင်ဆောင်ထားသူ မြန်မာနိုင်ငံသားများသည် အမေရိကန်ပြည်ထောင်စုသို့ လွတ်လပ်စွာ ခရီးသွားလာနိုင်ကြောင်းနှင့် တရားဝင်အမြဲတမ်းနေထိုင်ခွင့်အခြေအနေကို ဆက်လက်ထိန်းထားရန်အတွက် မည်သည့်ပြောင်းလဲချက်မျှ မရှိပါကြောင်း သတင်းထုတ်ပြန်ခဲ့ခြင်းဖြစ်သည်။
 
“အကယ်၍ သင်သို့မဟုတ် သင့်မိသားစုအတွက် ဗီဇာလျှောက်ထားလိုပါက ဗီဇာနှင့်ပတ်သက်သောအချက်အလက်များနှင့် အင်တာဗျူးရက်ချိန်းရယူရန် ညွှန်ကြားချက်များရရှိရန်အတွက် ကျေးဇူးပြု၍ အမေရိကန်သံရုံး၏ အင်တာနက်စာမျက်နှာ https://mm.usembassy.gov/visas/ တွင်တိုက်ရိုက်ကြည့်ရှုပါ” ဟု လည်း အင်္ဂလိပ်/မြန်မာ ဘာသာစကားနှစ်မျိုးဖြင့်လမ်းညွှန်ထားသည်ကိုလည်း တွေ့ရသည်။
 
သမ္မတသစ်ဒေါ်နယ်ထရမ့်က အီရန်၊ အီရတ်၊ လစ်ဗျား၊ ဆိုမာလီယား၊ ဆူဒန်၊ ယီမင်အပါအ၀င် ဆီရီးယားနိုင်ငံမှဒုက္ခသည်များကို ပြည်ဝင်ခွင့် အကန့်အသတ်မရှိပိတ်ပင်လိုက်ကြောင်း လွန်ခဲ့သည့် ဇန်န၀ါရီ ၂၇ ရက် က အမိန့်ကြေညာချက်ထုတ်ပြန်ခဲ့သည်။ ယင်းကြေညာချက်နှင့်ပတ်သက်၍ အမေရိကန်ပြည်သူများအကြား သဘောထားကွဲလွဲမှုများရှိနေပြီး နိုင်ငံအနှံ့ဆန့်ကျင်ဆန္ဒပြမှုများနှင့် ရင်ဆိုင်နေရသည်။
ဉာဏ်အလင်း
ယခုလထုတ် ဉာဏ်အလင်း မဂ္ဂဇင်း အတွဲ(၁) အမှတ်(၃) ကို Download ရယူရန် –
Mediafire – http://bit.ly/2jBaW9S
pCloud – http://bit.ly/2l0FGNP
Dropbox – http://bit.ly/2jHxCAE