လက်ဝဲလား၊ လက်ယာလား

ကဏ္ဍ – Political Science
 
နိုင်ငံရေးစာအုပ်တွေထဲပဲဖြစ်ဖြစ်၊ သတင်းတွေနားထောင်နေတုန်းမှာပဲဖြစ်ဖြစ်၊ နိုင်ငံရေးဆွေးနွေးပွဲတွေ၊ ဟောပြောပွဲတွေမှာပဲဖြစ်ဖြစ် “လက်ဝဲ၊ လက်ယာ” ဆိုတဲ့အသုံးအနှုံးကို မကြားချင်မှအဆုံး ကြားဖူးကြမှာပါ။
 
အဲဒီလက်ဝဲနဲ့လက်ယာဆိုတာ နိုင်ငံရေးအသုံးအနှုံးတွေဖြစ်ပြီး နိုင်ငံရေးသမားဆိုသူတွေက သူတို့ရပ်တဲ့ဘက်ကို ရွေးချယ်ကြတာဖြစ်ပါတယ်။ အင်္ဂလိပ်လို Left-wing သို့မဟုတ် Left ၊ Right-wing သို့မဟုတ် Right လို့ခေါ်ပါတယ်။ လက်ဝဲ၀ါဒယိမ်းတဲ့လက်ဝဲ၀ါဒီကို Leftist လို့ခေါ်ပြီး လက်ယာဝါဒယိမ်းတဲ့လက်ယာဝါဒီကိုတော့ Rightist လို့ခေါ်ပါတယ်။ နိုင်ငံရေးအကြောင်းဖောဖောသီသီပါတဲ့စာအုပ်တွေပဲဖြစ်ဖြစ် နိုင်ငံရေးသိပ္ပံအကြောင်းရေးသားထားတဲ့စာအုပ်ပဲဖြစ်ဖြစ် ဖတ်မယ်ဆိုပါစို့။ လက်ဝဲ၊ လက်ယာဘာလဲမသိထားဘူးဆိုရင်တော့ ကျွဲပါးစောင်းတီးဖြစ်နေမှာအသေအချာပါပဲ။
 
ဒီလက်ဝဲ၊ လက်ယာဆိုတဲ့အသုံးအနှုံးက ပြင်သစ်တော်လှန်ရေး(၁၇၈၇-၁၇၉၉) နဲ့အတူ ၁၇၈၉ ခုနှစ်လောက်မှာပေါက်ဖွားလာတာပါ။ ဒီတော့ပြင်သစ်တော်လှန်ရေး အကြောင်း နည်းနည်းပြောဖို့လိုလာပါပြီ။ စာဖတ်သူကိုယ်တိုင် ၁၈ ရာစုရောက်နေတယ်လို့ စိတ်ထဲတွေးကြည့်လိုက်ပါ။ ကိုယ့်ဘေးနားပတ်ချာလည်ရှိနေသူတွေက ငတ်ပြတ်နေတဲ့ တောင်သူလယ်သမားဆင်းရဲသားတွေ သို့မဟုတ် မျိုးရိုးမြင့်မြတ်တယ်ဆိုတဲ့ ဖက်ရှင်အဆန်းတွေဝတ်ထားတဲ့ ဆွေကြီးမျိုးကြီးတွေ ချည်းပါပဲ။ ခုနှစ်နှစ်တာစစ်ပွဲ (Seven Years War – 1754/56–1763) မှာ ပြင်သစ်ဦးဆောင်တဲ့တပ်တွေက တစ်ဖက်၊ ဗြိတိသျှဦးဆောင်တဲ့တပ်တွေကတစ်ဖက် အကြီးအကျယ်တိုက်ခိုက်ကြပါတယ်။ အဲဒီစစ်ပွဲကုန်ကျစားရိတ်တွေကို ကာမိဖို့အတွက် ပြင်သစ်ဘုရင်က တောင်သူလယ်သမားဆင်းရဲသားတွေရဲ့အခွန်ကို မြှင့်လိုက်ပါတယ်။ ပြင်သစ်လူဦးရေ ၉၇ရာခိုင်နှုန်းက တောင်သူလယ်သမားတွေပါ။
အဲဒီလိုအခွန်တိုးမြှင့်လိုက်ခြင်းကို တောင်သူလယ်သမားတွေက လုံးဝမကျေနပ်ကြပါဘူး။ ပြင်သစ်ပြည်တစ်လွှားနဲ့ အထူးသဖြင့် ပဲရစ်မြို့မှာ အစာရေစာပြတ်လပ်မှုတွေ၊ အဓိကရုဏ်းတွေပေါ်ပေါက်လာပါတယ်။ ဒီတော့ ပြင်သစ်ပြည့်ရှင် ဘုရင် သေဠာသ လူဝီ (၁၆ယောက်မြောက်လူဝီ) က ပြင်သစ်လူတန်းစားသုံးလွှာဆီက ကိုယ်စားလှယ်တွေကို အသီးသီးဖိတ်ခေါ်လိုက်ပါတယ်။ လူတန်းစားသုံးလွှာထဲမှာ (၁) ခရစ်ယာန်ဘုန်းတော်ကြီး (၂) မှူးမျိုးမတ်နွယ် သို့မဟုတ် အထက်တန်းလွှာ (၃) ကျန်သာမန်ပြည်သူ တို့ပါဝင်ပါတယ်။
 
အဲဒီလို ပြင်သစ်မှာ အုန်းအုန်းကြွပ်ကြွပ်ဖြစ်နေတုန်း ဘုရင်ကိုသစ္စာခံလိုသူတွေနဲ့ ဘုရင်စနစ်ကိုတော်လှန်လိုသူတွေပါဝင်တဲ့ အခုန လူတန်းစားသုံးလွှာကို နိုင်ငံတော်ညီလာခံတစ်ခုကျင်းပပေးပြီး ဆွေးနွေးငြင်းခုန်စေခဲ့ပါတယ်။ အဲဒီလိုဆွေးနွေးငြင်းခုန်ကြတော့ တစ်ယောက်တစ်နေရာကနေ ကြုံသလိုအော်ဟစ်ငြင်းခုန်နေကြတာ အဆင်မပြေတာကြောင့် တစ်နည်းတစ်ဖုံပုံစံပြောင်းဖို့ အကြောင်းဖန်လာပါတယ်။
 
အဲဒီမှာ ညီလာခံထိပ်ဆုံးဗဟိုမှာထိုင်နေတဲ့ ဘုရင်နဲ့အပေါင်းအပါတွေက သူ့တို့ရဲ့ညာဘက်အခြမ်းမှာ ဘုရင်ကို သစ္စာရှိသူတွေကိုထိုင်စေပြီး ဘယ်ဘက်အခြမ်းမှာ ဘုရင်စနစ်ကိုတော်လှန်လိုသူတွေကို ထိုင်စေခဲ့ပါတယ်။
တိုတိုတုပ်တုပ်ပြောရမယ်ဆိုရင် ဘုရစ်စနစ်ကိုတော်လှန်လိုသူ ဆင်းရဲသားအုပ်စုက ၉၇ရာခိုင်နှုန်းရှိလေတော့ သူတို့တတွေဟာ တင်းနစ်ကွင်းတစ်ခုမှာ စုရုံးပြီး ကျမ်းသစ္စာကျိန်ဆိုလိုက်ကြပါတယ်။ အဲဒါကို ဘုရင်ကို ပလ္လင်ပေါ်မှဆွဲချရေး (ဘုရင်နန်းချရေး) တင်းနစ်ကွင်းကျမ်းသစ္စာ (Tennis Court Oath) လို့ သမိုင်းပညာရှင်တွေက ခေါ်ဆိုခဲ့ပါတယ်။ အဲဒီနောက်ပိုင်းမှာတော့ အရေးအခင်းကြီးအကြီးအကျယ်ဖြစ်ပါတော့တယ်။ နေရာတကာမှာ အဓိကရုဏ်းတွေ ထိန်းမနိုင်သိမ်းမရပေါ်ပေါက်လာပြီး ခေါင်းဖြတ်သတ်တာတွေလည်း ဖြစ်လာပါတယ်။ မိန်းမတစ်အုပ်က ဘုရင်နဲ့ မိဖုရားကို နေအိမ်အကျယ်ချုပ်နဲ့ဖမ်းဆီးလိုက်ကြပါတယ်။ တော်လှန်ရေးခေါင်းဆောင်တွေက ဘုရင်စနစ်ကိုအားပေးထောက်ခံသူတွေနဲ့ ဘုရင်ဖက်က နာသူတွေမှန်သမျှကို သတ်ဖြတ်ပါတယ်။ နောက်တော့ ဘုရင်နဲ့ မိဖုရားကိုပါသတ်ဖြတ်လိုက်ကြတယ်။ ဒီလိုသတ်ဖြတ်တာတွေ အားမရတဲ့အဆုံးမှာ သွေးဆာပြီး ထွက်ပေါက်လိုနေတဲ့ ဆင်းရဲသားလူအုပ်စုကြီးဟာ အချင်းချင်းစတင်သတ်ဖြတ်ကြပါတော့တယ်။ အဲဒီလိုသွေးချောင်းစီးတမျှ သတ်ဖြတ်နေကြတဲ့ ဖြစ်စဉ်တွေကြားထဲကနေ ဥရောပတစ်ခွင်လုံး ဖိန့်ဖိန့်တုန်အောင် ကြောက်ရတဲ့ စစ်ခေါင်းဆောင်ကြီးတစ်ယောက်ပေါ်ထွန်းလာပါတော့တယ်။ အဲဒါကတော့ အရပ်ပုပြတ်ပြတ်နဲ့ မြာပွေသူ ပထမမြောက်နပိုလီယံ ဘိုနာပတ် (Napoleon Bonaparte the First) ပါပဲ။
 
ဒီလောက်ဆိုရင် လက်ဝဲလက်ယာအသုံးအနှုံးကို ရှင်းလောက်ပြီးနဲ့တူပါတယ်။
 
အစဉ်အလာအားဖြင့်တော့ လက်ဝဲ၀ါဒီတွေဟာ အပြောင်းအလဲလိုလားသူတွေဖြစ်ပြီး လက်ယာဝါဒီတွေကတော့ အမိန့်နာခံသူတွေလို့ ဆိုရမှာပါ။ လက်ဝဲလက်ယာကို ဖွင့်ဆိုတဲ့ အနက်တွေဟာ သက်ဆိုင်ရာနိုင်ငံ၊ သက်ဆိုင်ရာပါတီတွေအပေါ်မူတည်ပြီး ခေတ်အလိုက်ပြောင်းလဲနေပါတယ်။ အကုန်လုံးကို ၀ါးလုံးရမ်းသလို သိမ်းကြုံးပြောရမယ်ဆိုရင်တော့ လက်ဝဲအုပ်စုမှာ ကွန်မြူနစ်တွေ၊ အမျိုးသမီးအခွင့်အရေးဝါဒီတွေ၊ မင်းမဲ့ဝါဒီတွေ၊ သာတူညီမျှဝါဒီတွေ၊ လောကီရေးရာဝါဒီ (စီကျူလာ)တွေ၊ ဘာသာမဲ့ဝါဒီတွေ အစရှိသဖြင့်ပါဝင်ပါတယ်။ လက်ယာအုပ်စုမှာတော့ ဖက်ဆစ်တွေ၊ နာဇီလက်သစ်တွေ၊ တစ်ယူသန်ဘာသာရေးသမားတွေ၊ ဘုရင်စနစ်ကိုလက်ခံသူတွေ၊ လူမျိုးခွဲခြားရေးဝါဒီတွေနဲ့ အခြေခံဝါဒီတွေပါဝင်ပါတယ်။
 
ဆိုခဲ့တဲ့ထဲက အများစုကတော့ အစွန်းရောက်တွေပေါ့။ ဒီဘက်ခေတ်နိုင်ငံရေးသမားအများစုကတော့ အဲဒီလိုအစွန်းမရောက်ကြဘူးလို့ ယူဆရပါတယ်။ အလယ်အလတ်ဝါဒီတွေအားကောင်းလာပါပြီ။ အလယ်အလတ်လက်ဝဲ၀ါဒီ (Moderate Left သို့မဟုတ် Centre-Left) အုပ်စုထဲမှာ လစ်ဘရယ်ဝါဒီ(Liberal)တွေပါဝင်ပြီး အလယ်အလတ်လက်ယာဝါဒီ (Moderate Right သို့မဟုတ် Centre-Right) အုပ်စုထဲမှာတော့ ကွန်ဆာဗေးတစ် ရှေးရိုးဝါဒီ(Conservative)တွေပါဝင်ပါတယ်။
 
ပိုရှင်းအောင်ထပ်ရှင်းဖို့အတွက် နည်းနည်းလေးရှုပ်ပါရစေ။ သင်္ချာနည်းလေးသုံးပြီး နားလည်အောင်ရှင်းပြပါ့မယ်။ AB လို့ အမည်ပေးထားတဲ့ မျဉ်းတစ်ကြောင်းကို ၁၀ မီတာအရှည်နဲ့ဆွဲလိုက်ပါ။ အဲဒီမျဉ်းရဲ့ ဗဟို၊ အစွန်းနှစ်ဖက်မှာ အမှတ်အသားတစ်ခုစီမှတ်လိုက်ပါ။ ပြီးရင် A ဘက်အခြမ်းကနေ စတွက်ပြီး ၂.၅ မီတာနဲ့ ၇.၅ မီတာအကွာအဝေးတို့မှာ အသီးသီးအမှတ်အသားလုပ်လိုက်ပါ။
 
ဒီမျဉ်းကြောင်းပေါ်က အမှတ်အသားတွေနဲ့ လက်ဝဲလက်ယာဝါဒအခွဲတွေကို သတ်မှတ်လို့ရပါတယ်။ AB မျဉ်းကြောင်းရဲ့ ဘယ်ဖက်အခြမ်းက လက်ဝဲအုပ်စုဖြစ်ပြီး ညာဖက်အခြမ်းက လက်ယာအုပ်စုလို့သတ်မှတ်လိုက်ပါ။
 
ဒီတော့ မျဉ်းကြောင်းရဲ့ B အစွန်းမှာ နာဇီဝါဒ (Nazism) နဲ့ ဖက်ဆစ်ဝါဒ (Fascism) ကိုထားနိုင်ပါတယ်။ အစွန်းရောက်လက်ယာဝါဒတွေဆိုပါတော့။ ဟစ်တလာနဲ့ မူဆိုလီနီတို့အပိုင်စားရထားတဲ့နေရာပေါ့။ A ရဲ့အစွန်းမှာတော့ မင်းမဲ့ဝါဒ (Anarchy) နဲ့ ကွန်မြူနစ်ဝါဒ (Communism) ကို ထားနိုင်ပါတယ်။ ဒီနေရာကို အပိုင်စားရသူတွေကတော့ စတာလင်တို့ မော်စီတုန်းတို့ပါပဲ။
မြန်မာနိုင်ငံမှာလည်း လွတ်လပ်ရေးအကြိုခေတ်နဲ့ လွပ်လပ်ရေးနောက်ပိုင်းခေတ်တွေမှာ အလံရောင်စုံတွေ ခေတ်စားလိုက်ပါသေးတယ်။ အလံဖြူ၊ အလံနီ အစရှိသဖြင့်ပေါ့။ အရောင်တွေနဲ့ ၀ါဒတွေကို ခွဲခြားသတ်မှတ်လာကြပါတယ်။ ဥပမာ “အနီ” ရောင်ဟာ ကွန်မြူနစ်ဝါဒကို ကိုးစားပြုတယ်ပေါ့။ အခုနပြောခဲ့တဲ့ AB မျဉ်းကြောင်းပေါ်မှာ မြန်မာနိုင်ငံက ပါတီတွေ (များလွန်းလို့ အတိအကျတောင်မသိတော့)ကို သူတို့ရဲ့ မူဝါဒအလိုက် နေရာချကြည့်ချင်ရင် ချကြည့်လို့ရပါတယ်။ လက်ရှိအာဏာရ အမျိုးသားဒီမိုကရေစီအဖွဲ့ချုပ်ပါတီနဲ့ အတိုက်အခံကြံ့ခိုင်ရေးနှင့်ဖွံ့ဖြိုးရေးပါတီတို့ကရော ဘယ်နေရာကိုအပိုင်စားယူထားကြသလဲဆိုတာ တွက်ကြည့်လို့ရပါတယ်။ ဒီလိုနေရာချကြည့်ဖို့အတွက် လက်ဝဲနဲ့လက်ယာဝါဒတွေက ဘာတွေပြောထားသလဲဆိုတာကိုသိဖို့လိုလာပါတယ်။
 
ဒါကလည်း ပြဿနာတစ်ခုပါ။ လက်ဝဲက ဘယ်အပေါ်မှာ ရပ်တည်သလဲ၊ လက်ယာကဘယ်အပေါ်မှာရပ်တည်သလဲဆိုတာ ခေတ်ကာလအလိုက်၊ သက်ဆိုင်ရာနိုင်ငံအလိုက် ကွဲပြားမှုရှိပါတယ်။ ခြုံငုံပြောရမယ်ဆိုရင် လက်ဝဲပါတီအများစုက အစိုးရထိန်းချုပ်မှုများများရှိဖို့ ထောက်ခံတယ်၊ တန်းတူညီမျှအရေးကိုယုံကြည်တယ်။ လက်ယာပါတီအများစုကတော့ အစိုးရထိန်းချုပ်မှုကိုလျှော့ချလိုကြတယ်၊ လူ့အသိုင်းအ၀ိုင်းအတွက် လူတန်းစားအလွှာခွဲထားခြင်းက အရေးကြီးတယ်လို့ ယူဆကြတယ်။ လက်ဝဲအုပ်စုက လူမှုဘ၀မှာ ဘာသာရေးကိုရှေ့တန်းသိပ်မတင်ဘူး၊၊ LGBT အခွင့်အရေးကိုထောက်ခံတယ်၊ ကိုယ်ကြိုက်ရာကိုယ်ရွေးချယ်ခွင့်ရှိတယ်၊ ကိုယ်ကြိုက်ရာကို ကိုးကွယ်ခွင့်ရှိသလို ဘာမှမကိုးကွယ်ချင်လည်း သူ့အခွင့်အရေးပဲလို့ လက်ကိုင်ပြုထားတယ်။ အားကောင်းတဲ့ဗဟိုအစိုးရတစ်ရပ်ကိုလိုလားတယ်။ လက်ယာအုပ်စုကတော့ လက်ဝဲနဲ့လုံးဝဆန့်ကျင်ဖက်ပါ။ သူတို့တွေက ဘာသာရေးအင်မတန်ကိုင်းရှိုင်းလွန်းတယ်။ LGBT ဆန့်ကျင်တယ်၊ ကိုယ်ဝန်ဖျက်ချပိုင်ခွင့်ကိုဆန့်ကျင်တယ်၊ အစိုးရချုပ်ကိုင်မှုလျှော့နိုင်သမျှလျှော့စေလိုကြတယ်။
 
ဒီလောက်ပါပဲ။ ဒီစာမှာပါသမျှကတော့ လက်ဝဲလက်ယာနိုင်ငံရေးနဲ့ပတ်သက်ပြီး သိသင့်သိထိုက်သမျှ အခြေခံပါ။ ကျန်သွားတာလည်းရှိကောင်းရှိနိုင်ပါသေးတယ်။ တကယ့်လက်တွေ့မှာ ဒီထက်အဆပေါင်းများစွာပိုမိုရှုပ်ထွေးပါတယ်။ ဒါ့အပြင် အနက်ဖွင့်ဆိုချက်တွေကလည်း ခေတ်ကာလ၊ ပါတီ၊ ခေါင်းဆောင်နဲ့ နိုင်ငံအပေါ်မူတည်ပြီး ကွဲပြားပါသေးတယ်။ ဒါပေမဲ့ အခြေခံကျောရိုးအိုင်ဒီယိုလော်ဂျီကတော့ အနည်းနဲ့အများဆိုသလို တူညီပါတယ်။
(မောင်သုညရေးသည်)
 
ယခုလထုတ် ဉာဏ်အလင်း မဂ္ဂဇင်း အတွဲ(၁) အမှတ်(၄) ကို Download ရယူရန် –
Mediafire – http://bit.ly/2mE2MPq
pCloud – http://bit.ly/2m6cB5B
Dropbox – http://bit.ly/2lqzmnz