ကန္တာရခရီးသည် ကနူးဒ် ဟုမ်ဘိုး

ဉာဏ်အလင်းအတွဲ(၁) အမှတ်(၆) ကဏ္ဍ – Biography
 
ကနူးဒ်ဟုမ်ဘိုးရဲ့နာမည်အရင်းက Knud Valdemar Gylding Holmboe ဖြစ်ပါတယ်။ ဒိန်းမတ်လူမျိုးဂျာနယ်လစ်၊ စာရေးဆရာ၊ နယ်မြေသစ်ရှာဖွေသူ ဟုမ်ဘိုးကို ၁၉၀၂ ခုနှစ် ဧပြီလ ၂၂ ရက်မှာ မွေးဖွားခဲ့ပါတယ်။ သူဟာ၁၉၂၁ ခုနှစ်မှာ ပရိုတက်စတင့်ကနေ ကက်သလစ်ဘာသာသို့ကူးပြောင်းခဲ့ကာ မြောက်အာဖရိကကိုရောက်ပြီးနောက်ပိုင်း ၁၉၂၉ ခုနှစ်မှာတော့ အစ္စလာမ်ဘာသာကိုထပ်မံကူးပြောင်းခဲ့ပါတယ်။ အစ္စလာမ်ကိုကူးပြောင်းခဲ့ပြီး ခြောက်နှစ်အကြာမှာ လစ်ဗျားနိုင်ငံတစ်လွှားသွားရောက်ခဲ့တဲ့ ခရီးစဉ်အကြောင်း မှတ်တမ်းစာအုပ်ပြုစုခဲ့ပြီး ကျော်ကြားခဲ့ပါတယ်။ စာအုပ်ထဲမှာ သူ့ရဲ့ခရီးစဉ်တစ်လျှောက်တွေ့ကြုံရတဲ့ အဖြစ်အပျက်တွေကိုမှတ်တမ်းတင်ထားတာပါ။ အထူးသဖြင့် အီတလီကိုလိုနီနယ်ချဲ့တွေရဲ့ဒေသခံတွေအပေါ် နိုင်ထက်စီးနင်းပြုမှု၊ ရက်စက်ကြမ်းကြုတ်မှုတွေမှုကို ဖော်ထုတ်ရေးသားထားတာပါ။
 
ကနူးဒ်ဟုမ်ဘိုးဟာ ဂုဏ်သရေရှိ ဒိန်းမတ်ကုန်သည်မိသားစုကနေ မွေးဖွားလာတဲ့အကြီးဆုံးသားဖြစ်ပါတယ်။ သူ့ရဲ့ဇာတိကတော့ ဒိန်းမတ်နိုင်ငံ ဂျက်လန်း (Jutland) ကျွန်းဆွယ် ဟိုဆန်းမြို့(Horsens) ဖြစ်ပါတယ်။ ငယ်စဉ်ကလေးဘ၀ကတည်းက ဘာသာတရားနဲ့ အတွေးအခေါ်ဘာသာရပ်အပေါ် အင်မတန်စိတ်ဝင်စားခဲ့တာကြောင့် လူဇင်ဘတ်နိုင်ငံမြောက်ပိုင်းရှိ ကလာဗော (Clervaux) ဘုရားကျောင်းကို အသက် ၂၀ အရွယ်မှာသွားရောက်ခဲ့ပြီး ၁၉၂၁ ခုနှစ်မှာ ကက်သလစ်ဘာသာကို ကူးပြောင်းယုံကြည်ခဲ့တာဖြစ်ပါတယ်။
 
ဂျာနယ်လစ်တစ်ယောက်အနေနဲ့ ပညာသင်ကြားပြီးနောက် ဒိန်းမတ်ပြည်တွင်းသတင်းစာတော်တော်များများမှာ သတင်းတွေစရေးပါတယ်။ ၁၉၂၄ခုနှစ်အရောက်မှာတော့ ဘာသာရေးအသိပညာကို နက်နက်နဲနဲဆက်လက်ရှာဖွေ ဆည်းပူးနိုင်ဖို့အတွက် မော်ရိုကိုနိုင်ငံကို ခရီးထွက်သွားပါတော့တယ်။ အဲဒီမှာ ဘာသာရေးပညာရှင်ရှိုက်ခ်တစ်ပါးနဲ့ တွေ့ဆုံခဲ့ပြီးနောက် အစ္စလာမ်ဘာသာကို သက်ဝင်ယုံကြည်ခဲ့တာပါ။ သူ့ရဲ့ပထမဆုံးစာအုပ်ဖြစ်တဲ့ “Between the Devil and the Deep Sea. A Dash by Plane to Seething Morocco” လို့အမည်ရတဲ့စာအုပ်ကို ဒိန်းမတ်ဘာသာသို့ ပြန်ဆိုပြီး ၁၉၂၄ ခုနှစ်မှာပဲ ပုံနှိပ်ဖြန့်ချိခဲ့ပါတယ်။
 
ဒိန်းမတ်ပြန်ရောက်တော့ မော်ရိုကိုမှာရခဲ့တဲ့အတွေ့အကြုံတွေအပေါ်အခြေခံပြီး စာအုပ်နှစ်အုပ်ဆက်လက်ရေးသားပါတယ်။ ၁၉၂၅ ခုနှစ်မှာ အရှေ့အလယ်ပိုင်းနိုင်ငံတွေဖြစ်တဲ့ တူရကီ၊ ဆီရီးယား၊ ပါလက်စတိုင်း၊ အီရတ်၊ ပါရှား တို့ကို ဖြတ်သန်းပြီး ခရီးတစ်ခုစထွက်ခဲ့ပါတယ်။ ၁၉၂၇ ခုနှစ်မှာ ဘော်လကန်ဒေသကို ဖြတ်သန်းခဲ့ပြီးနောက် အလ်ဘေးနီးယားနိုင်ငံရောက်တော့ ဒေသခံပြည်သူလူထုအပေါ် အီတလီစစ်သားတွေက နိုင်ထက်စီးနင်း မတရားကျူးလွန်နေတာကို မျက်ဝါးထင်ထင်မြင်တွေ့ခဲ့ရပါတယ်။ အီတလီပြည်ပြေး ကက်သလစ်ဘုန်းကြီးတစ်ပါးကို အာဏာရှင်မူဆိုလီနီရဲ့စစ်သားတွေက အလ်ဘေးနီးယားမှာ ကြိုးဒဏ်ပေးသတ်ဖြတ်ထားတာကိုလည်း ဓာတ်ပုံရိုက်ကူးခဲ့ပါတယ်။ အဲဒီဓာတ်ပုံကို ကမ္ဘာအရပ်ရပ်က သတင်းစာတွေက အဖြစ်အပျက်ဆောင်းပါးနဲ့အတူယှဉ်တွဲဖော်ပြခဲ့ပြီးနောက် အီတလီအာဏာပိုင်တွေရဲ့ မျက်မုန်းကျိုးခြင်းကိုခံခဲ့ရပါတော့တယ်။
 
ဒိန်းမတ်နိုင်ငံမှာ စီးပွားရေးအကျပ်အတည်းရင်ဆိုင်ရတာကြောင့် ၁၉၂၈ ခုနှစ်မှာ မိသားစုကိုခေါ်ပြီး မော်ရိုကိုကို ဒုတိယအကြိမ်သွားရောက်ခဲ့ကာ အပီးအပိုင်ရွှေ့ပြောင်းအခြေချခဲ့ပါတယ်။ သူနဲ့အတူ ဇနီးဖြစ်သူ နိုရာနဲ့ အဲဒီနှစ်အစောပိုင်းမှာမွေးဖွားခဲ့တဲ့ သမီးဖြစ်သူ အိုင်ရှာတို့လည်း အတူလိုက်ပါခဲ့ပါတယ်။ သူ့ရဲ့နာမည်ကိုလည်း အလီအဟ်မဒ် အလ်-ဂီဆေရီ (Ali Ahmed el Gheseiri) လို့ ပြောင်းလဲခဲ့ပါတယ်။
 
နှစ်နှစ်အကြာ ၁၉၃၀ ခုနှစ်မှာတော့ ဇနီးသည်ဖြစ်သူက ကလေးနဲ့အတူ ဒိန်းမတ်ကိုပြန်သွားဖို့ဆုံးဖြတ်ခဲ့ပါတယ်။ ကနူးဒ်ဟုမ်ဘိုးကတော့ ဆဟာရသဲကန္တာရကိုဖြတ်ပြီး မော်ရိုကနေ အီဂျစ်ကိုခရီးနှင်ဖို့ စီမံကိန်းဆွဲနေခဲ့ပါတယ်။ အဲဒီခရီးစဉ်ဟာ သူ့ကို လူသိများကျော်ကြားစေခဲ့တဲ့ခရီးစဉ်ဖြစ်ပါတယ်။ ၁၉၂၉ ခုနှစ်မှာ ကန္တာရတစ်လွှား ချက်ပလက် (Chevrolet) ကားလေးနဲ့ ခရီးနှင်ခဲ့ပြီး တောလမ်းတွေကို ပတ်မောင်းကာ ရွာတွေနဲ့ ဒေသခံတိုင်းရင်းသားတွေကို ရှာဖွေစူးစမ်းလေ့လာခဲ့ပါတယ်။ မြောက်အာဖရိက ကျူးကျော်ကိုလိုနီတွေမှာ ဒေသခံတိုင်းရင်းသားတွေပေါ် ဥရောပသားတွေရဲ့ရက်စက်ကြမ်းကြုတ်မှုကို မြင်ပြီး ဟုမ်ဘိုးတစ်ယောက် အတော်လန့်သွားခဲ့ပါတယ်။
လစ်ဗျားမှာလည်း လစ်ဗျားမွတ်စလင်လူထုအပေါ် အီတလီကိုလိုနီစစ်သားတွေရဲ့ရက်စက်ယုတ်မာမှုကို မြင်တွေ့ခဲ့ပါတယ်။ ဟုမ်ဘိုးက မြင်တွေ့သမျှကို ချရေးပြီး ဓာတ်ပုံဝေေ၀ဆာဆာနဲ့ မှတ်တမ်းသဖွယ်ရေးသားဖြန့်ချိလိုက်ပါတော့တယ်။ သူ့ရဲ့လုပ်ဆောင်ချက်ကြောင့် အီတလီအာဏာပိုင်တွေ အရေးမယူမဖြစ်အရေးယူလိုက်ရပြီး နိုင်ငံအရှေ့ပိုင်း ဒါနာမြို့မှာ အဖမ်းခံရကာလစ်ဗျားနိုင်ငံကနေ ပြည်နှင်ဒဏ်ပေးခံလိုက်ရပါတယ်။
 
အီဂျစ်ရောက်တော့ လစ်ဗျားက ကိုလိုနီတွေကိုတိုက်ထုတ်ဖို့ တော်လှန်ရေးတပ်ဖွဲ့တစ်ဖွဲ့ ဖွဲ့စည်းဖို့ကြိုးစားခဲ့ပါတယ်။ ဒါပေမဲ့ အီတလီသံအမတ်က အီဂျစ်မှာရှိတဲ့ အင်္ဂလိပ်အာဏာပိုင်တွေကို သတင်းပေးခဲ့တာကြောင့် ဟုမ်ဘိုးကို ဖမ်းဆီးပြီး ကိုင်ရိုထောင်ထဲထည့်လိုက်ပါတယ်။ တစ်လအကြာမှာ ဒိန်းမတ်ကိုပြန်ပို့လိုက်ပါတော့တယ်။
 
ဒိန်းမတ်မှာရှိနေစဉ် ၁၉၃၁ ခုနှစ်မှာ သူ့ရဲ့ခရီးသွားအတွေ့အကြုံတွေအပေါ် အခြေခံပြီး ကန္တာရစွန့်စားခန်း (Desert Encounter) ဆိုတဲ့စာအုပ်ကို ရေးသားပြုစုခဲ့ကာ ကိုလိုနီနယ်ချဲ့တွေကို ဝေဖန်ရှုတ်ချခဲ့ပါတယ်။ သူ့ရဲ့စာအုပ်ကို ဒိန်းမတ်မှာသာမက တခြားဥရောပနိုင်ငံတွေနဲ့ အမေရိကန်ပြည်ထောင်စုမှာပါ ပုံနှိပ်ထုတ်ဝေခဲ့ကြပါတယ်။ ဒါပေမဲ့ အီတလီမှာတော့ ပိတ်ပင်ခြင်းခံရပါတယ်။ လစ်ဗျားမှာ မွတ်စလင်တွေကို လူမျိုးတုံးအောင် သတ်ဖြတ်နေတဲ့အကြောင်းအရင်းတွေဟာ ဟုမ်ဘိုးလက်ချက်နဲ့ ဘူးပေါ်သလိုပေါ်သွားခဲ့တာကြောင့် အီတလီကိုလိုနီဖက်ဆစ်အာဏာရှင်တွေက ဒေါသပုန်ထခဲ့ကြပါတယ်။
၁၉၃၁ ခုနှစ်မေလမှာ စာအုပ်ကိစ္စပြီးသွားတော့ ဆော်ဒီအာရေးဗျနိုင်ငံမက္ကဟ်မြို့ကို ဟာဂ်ျပြုလုပ်ဖို့ စတင်ထွက်ခွာခဲ့ပါတယ်။ (ယနေ့ခေတ်ဂျော်ဒန်နိုင်ငံ) အမ္မာန်မြို့မှာ ကုလားအုတ်တစ်ကောင်ဝယ်ပြီး ဆော်ဒီနယ်စပ် အကာဘာမြို့ကို ခရီးနှင်ခဲ့ပါတယ်။ အဲဒီမှာပြည်ဝင်ခွင့်ရဖို့ စောင့်ဆိုင်းခဲ့ပါတယ်။ ၁၉၃၁ ခုနှစ် အောက်တိုဘာ ၁၁ ရက် ညမှာ ဆော်ဒီအာရေးဗျနယ်စပ်တစ်လျှောက် ကုလားအုတ်စီးပြီး ဟက်အိုအေစစ် (Haql Oasis) အနားမှာ လှည့်ပတ်သွားနေခဲ့ပါတယ်။ နောက်တစ်ရက်အကြာ အလ်-ဟက်နဲ့ ဟူမေဒါအကြား လမ်းမှာ ဒေသခံ ဘက်ဒိုအင်မျိုးနွယ်စုတစ်စု တိုက်ခိုက်တာကိုခံခဲ့ရပါတယ်။ ညသန်းခေါင်ကျော်မှာထွက်ပြေးလွတ်မြောက်ခဲ့ပေမယ့် နောက်ထပ်တစ်ရက်အကြာ ၁၉၃၁ ခုနှစ် အောက်တိုဘာ ၁၃ ရက်မှာ သေနတ်နဲ့ပစ်ခံရပြီး ကွယ်လွန်သေဆုံးခဲ့ပါတယ်။
 
ကနူးဒ် ဟုမ်ဘိုးသေဆုံးခဲ့ရတဲ့အကြောင်းအရင်းအတိအကျကို အခုအချိန်ထိအောင် ရှင်းရှင်းလင်းလင်းမသိရသေးပါဘူး။ အီတလီထောက်လှမ်းရေးက သတ်ဖြတ်ခဲ့တယ်လို့ ယူဆထားကြပေမယ့် အတည်ပြုနိုင်ခြင်းတော့မရှိခဲ့ပါဘူး။
(စတီဗင်)
 
ဉာဏ်အလင်းမဂ္ဂဇင်း အတွဲ(၁) အမှတ်(၆) ကို အောက်ဖော်ပြပါ ကြိုက်နှစ်သက်ရာ Link တစ်ခုကနေ အခမဲ့ Download ရယူနိုင်ပါပြီ။
 
Mediafire – http://bit.ly/2qzk7YZ
pCloud – http://bit.ly/2rp2r17
Dropbox – http://bit.ly/2pNIeG7