ခါလိဒ်ဗင်န် ဝလိဒ်

ကဏ္ဍ – Profile

(ကျော်ကျော်ဝင်း)

အလ္လာဟ့် ဓါးတော်

(d.21 A.H)

တမန်တော်မြတ် ဆွလ္လလ္လာဟုအလိုင်းဟိဝစလ္လမ်က မိန့်တော်မူခဲ့သည်။ ‘အသင်တို့အနက် အမှောင် ခေတ်ကာလက အကောင်းဆုံးသောသူသည် အလ္လာဟ်အရှင်မြတ်အား သိရှိပြီးနောက် အကောင်းဆုံးသော သူတွေပင်ဖြစ်သည်။’ ယခုလို တမန်တော်မြတ်ကြီး၏ သိပ်သည်းကျစ်လျစ်သော မိန့်ဆိုချက် မှန်ကန်ကြောင်း ကျွန်ုပ်တို့သူရဲကောင်းကြီး ခါလိဒ်ဗင်န်ဝလိဒ် (ရသွေ့) က ကောင်းစွာသက်သေပြနိုင်ခဲ့သည်။

ခါလိဒ်ဗင်န်ဝလိဒ်သည် အစ္စလာမ်သာသနာကို လက်မခံခင်က ဖြစ်ပွားခဲ့သော အူဟွဒ်စစ်ပွဲတွင် မွတ်စလင်တို့အား အထိနာအောင်စွမ်းဆောင်နိုင်ခဲ့သူ ဖြစ်သည်။ ခါလိဒ်သခင် အစ္စလာမ်သာသနာကို လက်ခံယုံကြည်ပြီးနောက် သာသနာတော်အတွက် ဖြစ်ပွားခဲ့သော မူဆေလီမာ(အစ္စလာမ့် အရေခြုံများ နှင့်ဖြစ်ပွားခဲ့သော)တိုက်ပွဲ၊ ဆီးရီးယားဒေသရှိ ရောမ အင်ပါယာနှင့်ဖြစ်ပွားခဲ့သော ယာမူက် စစ်ပွဲများကဲ့သို့ အမှားနှင့်အမှန်ကို ပိုင်းခြားပေးခဲ့သော တိုက်ပွဲများ၏ ကွပ်ကဲခဲ့ သူတစ်ဦးဖြစ်သည်။

ထို့ကြောင့် သမိုင်းကိုလေ့လာသူတစ်ဦးအနေဖြင့် ခါလိဒ်ဗင်န် ဝလိဒ်ကဲ့သို့ ဗျုဟာမြောက်တွေးခေါ်တတ်သော မဟာစစ်ဗျူဟာရှင်နှင့်စစ်ဦးစီးကဲ့သို့ ဂုဏ်ရည် တူသူကို လူ့သမိုင်းတွင် တွေ့ရှိနိုင်ရန် ခဲယဉ်းကြောင်း တွေ့မြင်ရပေမည်။

တစ်စုံတစ်ဦးသောသူက ကြီးမားသောအောင်မြင်မှုကို စွမ်းဆောင်ခဲ့ပုံ၊ အောင်မြင်မှုကို ဆွတ်ခူးနိုင်ဖို့ စွမ်းဆောင်ခဲ့ပုံတို့အနက် အချို့ကို ကောက်နှုတ်တင် ပြရသော်-

ကျွန်ုပ်တို့သူရဲကောင်းကြီးသည် အစ္စလာမ်သာသနာဝင်မဖြစ်ခင်က ဖြစ်ပွားခဲ့သော အူဟွဒ်စစ်ပွဲတွင် မိမိ၏ပါရမီကို ထုတ်ဖော်ပြသနိုင်ခဲ့သည်။ ထိုစစ်ပွဲသည် အစ္စလာမ့်အစောပိုင်းကာလက ဖြစ်ပွားခဲ့သော အပြင်းထန်ဆုံး တိုက်ပွဲတစ်ပွဲဖြစ် သည်။

စစ်ဖြစ်ရခြင်း၏ အဓိကအကြောင်းရင်းမှာ ဗဒရ်စစ်ပွဲတွင် ကာဖိရ်အင်အားတစ်ထောင်ကျော်တို့က အင်အားချိနဲ့နေသည့် မွတ်စလင်တပ်သား သုံးရာကျော်ရှေ့တွင် မရှုမလှအတုံးအရုံး ဆုံးရှုံးခဲ့ရသည်ကို မကျေနပ်ကြဘဲ ကလဲ့စား ချေလိုခြင်းကြောင့် ဖြစ်ပွားခဲ့ခြင်းဖြစ်သည်။ အူဟွဒ်စစ်ပွဲတွင် တမန်တော်မြတ်က လေးသည်တော်တပ်စုအား တောင်ကုန်းတစ်ခုပေါ်တွင် နေရာချထားပေးပြီး၊ မွတ်စလင်တပ်အား အနောက်ဖက်မှကာကွယ်ပေးရန်စီမံခဲ့သည်။ အဆိုပါ မြားတပ်စုအား မည်သို့သောအခြေအနေတွင်မဆို နေရာလုံးဝမရွှေ့ဖို့ကိုလည်း အမိန့်ထုတ်ပြန်ခဲ့သည်။ သို့သော် စစ်ပွဲတွင် မွတ်စလင်တို့ အရေးသာသော အခြေအနေ သို့ရောက်ရှိသောအခါ မြားတပ်စုသည် ဝမ်းသာအားရဖြစ်ပြီး မိမိတို့၏ တာဝန်အား မေ့လျော့ကာ တပ်စွဲထားသည့်နေရာမှ ဆင်းသက်လာခဲ့ကြသည်။ ထိုအခြေအနေကို ပါရမီရှင် ခါလိဒ်က အခွင့်ကောင်းယူ၍ မိမိတပ်ကိုချက်ချင်း စုရုံးပြီး တောင်ကုန်း ပတ်လည်မှ မွတ်စလင်တပ်ကို ညှပ်ပြီးတိုက်ခိုက်ခဲ့သည်။ ထို့ကြောင့် မွတ်စလင်များ မကျဆုံးသင့်ဘဲနှင့်ကျဆုံးခဲ့ရတော့သည်။ တမန်တော်မြတ်ကိုယ်တော်တိုင် ထိခိုက်ဒဏ်ရာ ရခဲ့သည်။ ကိုယ်တော် မြတ်၏ ဦးရီးတော်သူ ဟမ်ဇာသခင် အပါအဝင် ကျော်ကြားလှသော အဆွေတော်ကြီးများ ကျဆုံးခဲ့သည်။

ဟစ်ဂျရတ်ပြုပြီး (၈)နှစ်အကြာ တစ်နေ့တွင် ခါလိဒ်ဗင်ဝလိဒ်သည် ဘာသာ သာသနာအသစ်(မွတ်စလင်)နှင့် ပတ်သက်၍ စဉ်းစားသုံးသပ်ခဲ့သည်။ ‘သာသနာက လျင်မြန်စွာပျံ့နှံ့နေပြီ၊ ထိုပုဂ္ဂိုလ်က တမန်တော်အစစ်ဖြစ်ဖို့ အသေ အချာဘဲ၊ ငါက ဘာလို့ အချိန်ဆွဲနေတာလဲ၊ အစ္စလာမ်ကို လက်ခံဖို့ ဘာတွေ တွေဝေနေတာလဲ’ ဟုမိမိကိုယ်ကို ဝေဖန်သုံးသပ်နေခဲ့သည်။ ထို့နောက် ချက်ချင်းပင် တမန်တော်မြတ်၏ အဆွေတော်တစ်ဦးထံသွားရောက်၍ မိမိအား မဒီနဟ်ရွှေ မြို့တော်သို့ ခေါ်ဆောင်သွားရန် မေတ္တာရပ်ခံခဲ့သည်။ ယင်းနောက် မိမိကဲ့သို့ သဘောထားရှိသူ ပုဂ္ဂိုလ်နှစ်ဦးနှင့်ဆုံတွေ့ပြီးနောက် မဒီနဟ်မြို့သို့ထွက်ခွာခဲ့သည်။ မဒီနဟ်မြို့သို့ရောက်သောအခါ အစ္စလာမ်သာသနာကို သက်ဝင်ယုံကြည်ကြောင်း မြွက်ဟကြေညာခဲ့သည်။ အစ္စလာမ် သာသနာကို လက်ခံပြီးပြီးချင်း ခါလိဒ်သခင်သည် တမန်တော်မြတ်အား မိမိသည် ယခင်က အစ္စလာမ်နှင့်မွတ်စလင်မ်တို့အပေါ် ကျူးလွန်မိခဲ့သော ပြစ်မှု များအတွက် အလ္လာဟ်အရှင်မြတ်ထံတော်တွင် လွတ်ငြိမ်း ချမ်းသာခွင့်ရရှိစေရန် ဆုမွန်ဒုအာ တောင်းခံပေးဖို့ မေတ္တာရပ်ခံခဲ့သည်။ တမန်တော်မြတ်က ‘အစ္စလာမ်ကို သက်ဝင်ယုံကြည်ခြင်းဖြင့်  အတိတ်ကာလက မှားယွင်းခဲ့သည့် မှားယွင်းမှုများအားလုံးကို မဟာကရုဏာရှင်ဖြစ်တော်မူသော အလ္လာဟ်အရှင်မြတ်က လွတ်ငြိမ်းချမ်းသာခွင့် ပေးပြီးသားဖြစ်ကြောင်း’ ရှင်းပြခဲ့သည်။ သို့သော် ခါလိဒ်သခင်က အကြိမ်ကြိမ်မေတ္တာရပ်ခံခဲ့သဖြင့် အဆုံး၌ တမန် တော်မြတ်က ၎င်းင်း၏အတိတ်ကာလက မှားယွင်းမှုများကို လွတ်ငြိမ်းချမ်းသာ ခွင့်ပေးပါရန် အလ္လာဟ်အရှင်မြတ်ထံ ဒုအာတောင်းပေးခဲ့သည်။

ခါလိဒ်သခင် အီမာန်ရှင်ဖြစ်လာမှုကြောင့် မွတ်စလင်တို့အဖို့ ထူးချွန်ထက်မြက်သည့် စစ်သူရဲကောင်းတစ်ဦး၊ ပါရမီရှင်တစ်ဦး၊ ရဲရင့်ထက်မြက်သော စစ်ဦးစီးတစ်ဦးကိုပါ ပိုင်ဆိုင်ခွင့်ရသွားကြသည်။ မွတ်စလင်ဖြစ်သွားသော ခါလိဒ် သခင် ပထမဦးဆုံး ရင်ဆိုင်ခဲ့ရသည့်တိုက်ပွဲမှာ အာရေဗျကျွန်းဆွယ် မြောက်ပိုင်း နယ်နမိတ်ရှိ ဘာဇင်တိုင်းရောမတို့နှင့် ဖြစ်ပွားခဲ့သော ‘မူသာရ်’ စစ်ပွဲပင်ဖြစ်သည်။ စစ်ဆိုသည့်အတိုင်း အလွန်အန္တရာယ်ကြီးမားသောကြောင့် တမန်တော်မြတ်က မွတ်စလင်တပ်အတွက် စစ်ဦးစီးသုံးဦးကို ခန့်အပ်ပြီး၊ တစ်ဦးကျသွားပါက တစ်ဦး ဆက်ခံရန် စီမံခဲ့သည်။ ထိုစစ်ပွဲဖြစ်ရခြင်း အကြောင်းမှာ ဘာဇင်တိုင်းရောမခေါင်း ဆောင်တို့သည် ဆီးရီးယားဒေသတွင် သာသနာပြု ရန်သွားရောက်ကြသော မွတ်စလင်အချို့နှင့် အစ္စလာမ်ဘက်သို့ကူးပြောင်းလာ သူများကို သတ်ဖြတ်ခဲ့ သောကြောင့်ဖြစ်သည်။

ဘာဇင်တိုင်းတို့က လက်တစ်ဆုပ်စာမျှရှိသော မွတ်စလင်တပ်နှင့်ရင် ဆိုင်ရန် ကြီးမားတောင့်တင်းသော စစ်အင်အားကို ပိုင်ဆိုင်ကြောင်း ကြေညာခဲ့သည်။ သို့သော် မွတ်စလင်တပ်သားများမှာ စစ်တိုက်ဖို့အတွက် တွန့်ဆုတ်တတ် သူများမဟုတ်ကြ(မွတ်စလင်မ်တိုင်းသည် အလ္လာဟ်အရှင်မြတ် နှစ်သက်လက်ခံ ဖို့အတွက် မိမိတို့အသက်ကိုစွန့်လွှတ်၍ ဂျန်နသ်နိဗ္ဗာန်ကို ဆွတ်ခူးရန် အမြဲမျှော် လင့်လျက်ရှိကြသည်)။

စစ်ပွဲအတွင်း မွတ်စလင်စစ်ဦးစီး သုံးဦးစလုံး ရှဟီဒ်ဖြစ်ခဲ့သည်။ အစ္စလာမ့်အောင်လံတော် လဲကျသွားသောခါ သာဗိသ်အိဗ်နုအရ်ကာမ်က အောင်လံတော် မလဲစေရန် ချက်ချင်းထိန်းသိမ်းနိုင်ခဲ့သည်။ ထို့နောက် အောင်လံတော် အား ခါလိဒ်ဗင်ဝလိဒ်ထံလွှဲအပ်ခဲ့သည်၊ အောင်လံတော်ကို လွှဲအပ်ရခြင်းမှာ ခါလိဒ်သခင်သည် စစ်မှုရေးရာတွင် နှံ့စပ်ကျွမ်းကျင်သူ ဖြစ်သောကြောင့် အပ်နှံရခြင်းဖြစ်ကြောင်း ရှင်းပြခဲ့သည်။ ခါလိဒ်သခင်သည် ပထမတွင် သာဗိသ်သည် မိမိထက် အသက်အရွယ်အရရော၊ အစ္စလာမ့်အတွက် စွမ်းဆောင်ချက်များကပါ သာပိုသောကြောင့် တပ်ကို  ဦးဆောင်ထိုက်သူဟုယူဆပြီး ငြင်းဆိုခဲ့သည်။ သာဗိသ်သခင်၏ ထပ်ခါတလဲလဲ တောင်းဆိုမှုနှင့် တပ်သားအားလုံး၏ သဘောတူညီမှုအရ အောင်လံတော်ကို လက်ခံခဲ့သည်။ ကျွန်ုပ်တို့ သိရှိကြသည့်အတိုင်း စစ်ပွဲအခြေအနေမှာ ဘာဇင်တိုင်းတို့၏ အင်အား တောင့်တင်းမှုနှင့် တမန်တော်မြတ်ခန့်အပ်ခဲ့သော စစ်ဦးစီးသုံးဦးလုံး ကျဆုံးသွားသောကြောင့် မွတ်စလင်တို့ အသာစီးမရခဲ့ပေ။ မွတ်စလင်တို့ တပ်မကျိုးဖို့ ထိမ်းသိမ်းရန်နည်းလမ်းမှာ တပ်ကို ပြန်လည်ရုပ်သိမ်းရေးပင် ဖြစ်သည်။ သို့သော် ထိုနည်းလမ်းမှာလည်း ဖြစ်နိုင်ချေနည်းနေပြန်သည်။ အဘယ်ကြောင့်ဆိုသော် မွတ်စလင်တို့အား ရန်သူတို့ကပတ်လည်ဝိုင်းရံထားသောကြောင့်ပင်။ ယခုလိုအခြေအနေတွင် ကျွန်ုပ်တို့သူရဲကောင်းကြီး ခါလိဒ်သခင်၏ ပါရမီနှင့် စွမ်းဆောင်ရည်တို့ကို တွေ့မြင်ရမည်ဖြစ်သည်။ ခါလိဒ်သခင်သည် အလွန်ခက်ခဲ သောအခြေအနေကို ရင်ဆိုင်နေရသော်ငြားလည်း   နေရာယူထားကြသောရဲဘော်များအား  ညာဘက်ခြမ်းနှင့်ဘယ်ဘက်ခြမ်းကို လဲလှယ်ပြီး နေရာယူစေသည်။ ဤသို့ဖြင့် ရန်သူများမှာ မွတ်စလင်တို့အတွက် တပ်ကူများရောက်ရှိလာပြီဟု ထင်မှတ်သွားစေရန် စီမံခဲ့ခြင်းဖြစ်သည်။ ထိုကဲ့သို့ ထိရောက်သော စီမံမှုနှင့် ရဲရဲ ရင့်ရင့် ရင်ဆိုင်တိုက်နေရင်း ခါလိဒ်သခင်သည် ရန်သူဘက်ခြမ်းသို့ ထိုးဖောက် ဝင်ရောက်ပြီး လမ်းကြောင်းတစ်ခုပွင့်သွားစေရန် ကြိုးပမ်းခဲ့သည်။ ထိုလမ်းကြောင်းမှ မွတ်စလင်တပ်အား လွတ်မြောက်သွားစေခဲ့သည်။ ဆွဟီးဗိုခါရီတွင်ဖော်ပြထား ချက်အရ ထိုစစ်ပွဲတွင် ခါလိဒ်သခင်သည် ဓါး(၇)ချောင်းကို အသုံးပြုခဲ့ကြောင်း၊ ထိုဓါး(၇)ချောင်းစလုံး ကျိုးပြတ်သွားသည်အထိ တိုက်ပွဲဝင်ခဲ့ကြောင်း ဖော်ပြထား သည်။

ထိုအချိန်တွင် မဒီနဟ်မြို့တော်၌ တမန်တော်မြတ်က အဆွေတော်တို့အား ရှေ့တန်းစစ်မျက်နှာနှင့်ပတ်သက်ပြီး ရရှိထားသမျှ သတင်းအချက်အလက်များ ကို ရှင်းပြနေခဲ့သည်။ စစ်ဦးစီးသုံးဦးလုံး ကျဆုံးသွားကြောင်းကိုလည်း ပြောကြား ခဲ့သည်။ ‘ပြီးတော့’ ဟုဆိုပြီး ကိုယ်တော်က ဆက်လက်မိန့်သည်မှာ ‘အလ္လာဟ့် ဓါးတစ်လက်က အစ္စလာမ့်အောင်လံတော်ကို ထိမ်းသိမ်းခဲ့ပြီး မွတ်စလင်တပ်အား လွတ်မြောက်စေခဲ့တယ်’ ဟုမိန့်တော်မူခဲ့သည်။ ထို့ကြောင့် ကျွန်ုပ်တို့သူရဲကောင်းကြီးအား စိုင်ဖွလ္လာဟ်(အလ္လာဟ့်ဓါးတော်)ဟူသည့် ဘွဲ့ကို တမန်တော်မြတ်က ချီးမြှင့် ခဲ့သည်။

တမန်တော်မြတ် ဝဖာသ်ဖြစ်ပြီးနောက် အဘူဘက္ကရ် (ရသွေ့)သခင်အား ခလီဖဟ် အဖြစ်တင်မြှောက်ခဲ့သည်။ အသစ်စက်စက် ခလီဖဟ်ကြီး ပထမဆုံးရင်ဆိုင်ရသည့် တိုင်ရေးပြည်ရေးမှာ များပြားလှသော သာသနာကို စွန့်လွှတ်သွားသူများနှင့် ကျွန်းဆွယ်တစ်လျှောက် ပေါ်ထွက်လာသော တမန်တော် အတုအယောင်များ အရေးပင်  ဖြစ်သည်။ ၎င်းင်းတို့သည် သာသနာကို အပြီးသတ်မစွန့်ခဲ့သော်လည်း ဇကာသ်(တရားဝင်ဒါနကြေး)ပေးကြဖို့ ငြင်းဆိုခဲ့ကြသည်။ အဘူဘက္ကရ် သခင်က ဇကာသ် ဆိုသည်မှာ သာသနာ၏မဏ္ဍိုင်ကြီးတစ်ရပ်ပင်ဖြစ်သည်၊ ဇကာသ်ကို ငြင်းဆိုသူသည် သာသနာကိုငြင်းပယ်သည်နှင့် အတူတူပင်ဖြစ် ကြောင်း ခံယူခဲ့သည်။ တမန်တော်အတုတို့ အနက် ‘မွတ်စေလီမဟ်’ ဆိုသူသည်လည်း မိမိ ကိုယ်ကို တမန်တော်ဟု ကြေညာခဲ့သူဖြစ်သည်။ အရေးအခင်းကြီးမှာ တဖြည်းဖြည်း ကြီးထွားလာခဲ့သည်။ ခလီဖဟ် ကြီးက ဆုံးဖြတ်ချက်တစ်ခုခုကို မချခဲ့ပါက အစ္စလာမ့်လူ့အဖွဲ့အစည်းကြီး တစ်ရပ်လုံး ပျက်သုန်းရတော့မည့် အန္တရာယ်အတွင်း ကျရောက်တော့မည်ဖြစ်သည်။ ထို့ကြောင့် ခလီဖဟ်ကြီးက တပ်တစ်တပ်ကို ဖွဲ့စည်းပြီး မိမိကိုယ်တိုင် ဦးစီးခဲ့သည်။ ထို့ပြင်ထိုတပ်အား မဒီနဟ်မြို့တွင်း၌သာ တပ်စွဲမထားဘဲ၊ တပ်ခွဲ (၁၁)ခုခွဲ၍ ပြည်နယ်(၁၁)ခုသို့ စေလွှတ်ခဲ့သည်။ တပ်မတစ်ခုစီတွင် တပ်ဦးစီး တစ်ဦးကျ ဦးစီးစေခဲ့သည်။ ထိုတပ်မများအနက် တပ်မတစ်ခုသည် ကျွန်ုပ်တို့ သူရဲကောင်းကြီး ခါလိဒ်သခင်၏ အမိန့်အာဏာအောက်သို့ ရောက်ခဲ့သည်။ ထိုတပ်မသည် ရင်ဆိုင်ခဲ့သမျှသော တိုက်ပွဲတိုင်းကို အောင်မြင်စွာ တိုက်နိုင်ခဲ့သည်။  ခါလိဒ်သခင် ရင်ဆိုင်ခဲ့ရသည့် တိုက်ပွဲများအနက် အစ္စလာမ့်အရေခြုံများနှင့် တမန်တော် အတုအယောင် ‘မွတ်စေလီမဟ်’တပ်နှင့် ရင်ဆိုင်ရသည့် တိုက်ပွဲမှာ အပြင်းထန်ဆုံးဖြစ်သည်။ မွတ်စေလီမဟ်တပ်သည် မြောက်မြားစွာသော သာသနာ့ အရေခြုံများကို စုစည်းထားသော ရန်သူအင်အားစုကြီးပင်ဖြစ်သည်။  ခလီဖဟ်ကြီးက ထိုတပ်ကို ရင်ဆိုင်ဖို့ ခါလိဒ်သခင်ဦးဆောင်သောတပ်ကို တာဝန်ပေးအပ်ခဲ့သည်။ စစ်ပွဲစတင်သောအခါ မွတ်စလင်မ်များ အကျအဆုံးများ ခဲ့သည်။ အခြေအနေကို သိရှိသွားသောခါလိဒ်သည် အနီးနားရှိ တောင်ကုန်း တစ်ခုပေါ်သို့ပြေးတက်ပြီး ရန်သူတို့၏အားနည်းချက်ကို ရှာဖွေကြည့်ရှုခဲ့သည်။ ရန်သူတို့၏အားနည်းချက်ကို မြင်သွားသောအခါ ခါလိဒ်သည် တပ်ကိုအမြန်ပြန် လည်စုစည်းခဲ့သည်။ တိုက်ပွဲသည် အရှိန်အဟုန်ပြင်းစွာဖြစ်ပွားပြီးနောက် မွတ်စေလီမဟ်ကို သတ်ဖြတ်နိုင်ခဲ့သည်။ ဤသို့ဖြင့် ခါလိဒ်သခင်သည် အာရေဗျ ကျွန်းဆွယ်ရှိ သာသနာ့အရေ ခြုံများရန်ကို ချုပ်ငြိမ်းစေခဲ့သည်။

ခလီဖဟ်ကြီးသည် ခါလိဒ်သခင်အား အထက်ဖော်ပြပါ တိုက်ပွဲတစ်ခု တည်းကိုသာ တာဝန်ပေးအပ်ခဲ့ခြင်း မဟုတ်ပေ။ များစွာသော တာဝန် ဝတ္တရားများ ကို ခါလိဒ်သခင်အား ထမ်းဆောင်စေခဲ့သည်။ ခါလိဒ်သခင်သည် ပေးအပ်သည့် တာဝန်ကို ကျေပွန်စွာထမ်းဆောင်နိုင်ခဲ့သည်။ ခါလိဒ်သခင်၏ အတွေ့အကြုံရင့်ကျက်လာမှုနှင့် တွေးခေါ်မြော်မြင်မှုများကို ကောင်းစွာသိရှိသော အဘူဘက္ကရ်သခင်သည် အာရေဗျကျွန်းဆွယ်နယ်နိမိတ်ရှိ ရန်သူ အင်ပါယာကြီးနှစ်ခုအား ရင်ဆိုင်နှိမ်နင်းစေခဲ့သည်။ ထိုအချိန်တွင် အဆိုပါ တာဝန်ကို ထမ်းဆောင်နိုင်သူဟူ၍ ခါလိဒ်သခင်ထက် ပိုသင့်တော်သူဟူ၍ မရှိချေ။ ခါလိဒ်သခင်အား ပါရှန်းအင်ပါယာ၏ အစိတ်အပိုင်းတစ်ခုဖြစ်သော အီရတ်ကိုတိုက်ခိုက်ရန် အဘူဘက္ကရ်သခင်က အမိန့်ပေးခဲ့သည်။ ဤသို့ဖြင့် ပါရှန်းတို့ ဖိနှိပ်ချုပ်ချယ်ထားသော အီရတ်ပြည်သူများကို လွတ်မြောက်စေခဲ့သည်။ ခလီဖဟ်ကြီးအဘူဘက္ကရ်သည် ရောမအင်ပါယာသို့ တမန်တော်မြတ်၏ နောက်လိုက်တို့အနက် ထင်ပေါ်ကျော်ကြားသော အဗူအိုဗိုင်ဒါဟ် ဗင်န်ဂျာရဟ်နှင့် အမရ်ဗင်န်အလ်အားစ်တို့ကဲ့သို့သော ဆွဟာဗီကြီးများ၏ ဦးဆောင်မှုဖြင့် မွတ်စလင်မ်တပ်ကို စေလွှတ်ခဲ့သည်။ ရောမတို့က မိမိတို့သည် အလွန်ကြီးမားသော စစ်တပ်ကြီးကိုဖွဲ့စည်းပြင်ဆင်ထားကြောင်း ခလီဖဟ်ကြီးထံ သတင်းပို့လိုက်လေသည်။ ခလီဖဟ်ကြီးအဘူဘက္ကရ်၏ တုန့်ပြန်ဖြေကြား ချက်မှာ ခါလိဒ်ဗင်န် ဝလိဒ်အား ဆီးရီးယားသို့ စေလွှတ်ပြီး ထိန်းသိမ်းစောင့် ရှောက်စေမည်ဟူ၍ပင် ဖြစ်သည်။

သို့သော် ခါလိဒ်သခင်သည် မိမိ၏အတွေ့အကြုံနှင့်ဗဟုသုတအရ ခလီ ဖဟ်ကြီး၏ ဆုံးဖြတ်ချက်ကို အသက်ကြီးရင့်သော ဆွဟာဗာကြီးများက မနှစ်မြို့ကြောင်း ရိပ်စားမိသည်။ ထို့ကြောင့် ခါလိဒ်သခင်သည် မိမိအပါအဝင် အခြား ဆွဟာဗီကြီးများနှင့် စစ်တပ်ကိုတစ်လှည့်စီအုပ်ချုပ်စေခဲ့သည်။ ခါလိဒ်သခင်သည် မိမိတို့ရင်ဆိုင်ရမည့် ရန်သူတို့၏ အခြေအနေကို သေသေချာချာ လေ့လာဆန်းစစ်ပြီးသောအခါ အံ့ဩဖွယ်ကောင်းသည့် မဟာဗျူဟာတစ်ရပ်ကို ချမှတ်ခဲ့သည်။

အနည်းငယ်သော မွတ်စလင်မ်တပ်သားများနှင့် ထောင်ပေါင်းများစွာသော(ထို အချိန်က ရောမတိုင်းပြည်သို့ ဝင်ရောက်လာသူများလည်း ရှိသည်)ခေတ်မီ လက်နက်များပြည့်စုံစွာတပ်ဆင်ထားသည့် အတွေ့အကြုံရင့်ကျက်သော တပ်သားတို့ ရင်ဆိုင်ရမည့်အခြေအနေဖြစ်သည်။ ထို့ကြောင့် ခါလိဒ်သခင်သည် မွတ်စလင်မ်တပ်သားများ စစ်မြေပြင်မှလှည့်ပြေးမည်ကိုစိုးရိမ်မိခဲ့သည်။ ထို့ပြင် အင်အားချင်းမမျှသဖြင့် ရန်သူတပ်သားများ စိတ်ဓါတ်ယိုယွင်းသွားအောင် စိတ်ဓါတ်စစ်ဆင်ရေးဆင်နွဲရ မည်ဟုလည်းသုံးသပ်မိခဲ့သည်။ မွတ်စလင်တပ်သားများ အခြေအနေကိုထိန်းသိမ်းရန်အတွက် နောက်တန်းတွင် အမျိုးသမီးတပ်တစ်ခုကို ဖွဲ့စည်းတာဝန်ပေးခဲ့သည်။ ထိုအမျိုးသမီးတပ်သားများကို စစ်မြေပြင်မှလှည့်ပြေးလာသော တပ်သားများအား ရှင်းလင်းပစ်ရန်အမိန့်ပေးထားသည်။ ထိုကဲ့သို့ စီစဉ်ရခြင်းမှာ စစ်မြေပြင်မှ လှည့်ပြေးလာခြင်းသည် အလွန်ကြီးလေးသည့် အပြစ်ဂိုနဟ်ကို ကျူးလွန်ခြင်းဖြစ်ကြောင်း အစ္စလာမ့် တရားတော်က ပညတ်ထားသောကြောင့်ဖြစ်သည်။ သို့သော် မွတ်စလင်တို့က ရှဟီဒီ(သာသနာ့အာဇာနည်)ဟူသည့် အဆင့်ကို ဆာလောင်မွတ်သိပ်စွာဖြင့် မတွန့်ဆုတ်ဘဲ မက်ထားကြသူများ ဖြစ်ကြသည်။ ထို့ကြောင့် လေးနက်ခိုင်မာသော ယုံကြည်မှုဖြင့် ရန်သူတို့ကို ရဲရဲရင်ဆိုင်ခဲ့ကြသည်။ ခါလိဒ်သခင်သည် ထောင်ပေါင်းများစွာသော ရောမစစ်သည်တို့ကို သိပ်သည်းကျစ်လစ်စွာ ဖွဲ့စည်းထားသည့် လက်ရွေးစင်အစ္စလာမ့်တပ်သား တစ်ရာကျော်တည်းဖြင့် ရင်ဆိုင် တိုက်ပွဲဝင် ခဲ့သည်။

ခါလိဒ်သခင်၏ ထိုးထွင်းဉာဏ်ကောင်းမှုကြောင့် ရောမစစ်ခေါင်းဆောင်များအား ညှို့ယူဖမ်းစားနိုင်ခဲ့သည်။ ရန်သူရောမခေါင်းဆောင်တစ်ဦးသည် ခါလိဒ် သခင်အား ရင်ဆိုင်ယှဉ်ပြိုင်ရန်အတွက် စိန်ခေါ်ခဲ့သည်။ ခါလိဒ်သခင်က ၎င်းင်းအား ချော့မော့၍ စေ့စပ်ညှိနှိုင်းရန်သိမ်းသွင်းခဲ့သည်။ ၎င်းင်းတို့နှစ်ဦး ဆုံတွေ့ကြသောအခါ ရောမခေါင်းဆောင်က ‘အို ခါလိဒ် ကျုပ်ကို အမှန်ပြောစမ်းပါ၊ အလ္လာဟ်အရှင်မြတ် က ဂျန်နသ်သုခဘုံက ဓါးတစ်လက်ကို အရှင့်တမန်တော်မြတ်ထံ ပို့ပေးလိုက်တယ် ဆိုတာ အမှန်ပဲလား၊ အဲဒီဓါးကို သင့်ကိုပေးလိုက်တယ်ဆိုတာရော မှန်သလား၊ ဒါ့ကြောင့် အသင့်ရှေ့မှာ ဘယ်သူမှရင်ဆိုင်ရန် မဝံ့ရဲကြဘူးဆိုတာ တကယ်လား’ ဟုမေးမြန်းခဲ့သည်။ ဆက်လက်ပြီး ရောမခေါင်းဆောင်က ‘အသင်တို့ ဟောပြော နေတဲ့ တရားက ဘာတွေလဲ’ ဟုမေးမြန်းရာ ခါလိဒ်သခင်က ‘ကျုပ်တို့ ကြိုး ပမ်းနေတဲ့ တရားက တစ်ဆူတည်းတစ်ပါးတည်းသော အရှင်ကို ယုံကြည်ကိုးကွယ် ဖို့ပဲဖြစ်ပါတယ်’ ဟုဖြေဆိုခဲ့သည်။

ရောမစစ်ခေါင်းဆောင်က ‘တကယ်လို့သာ ကျုပ် အနေနဲ့ အလ္လာဟ်အရှင်မြတ်ကို ယုံကြည်ကိုးကွယ်မယ်ဆိုရင် အသင်တို့ရရှိကြတဲ့  ဆုလဒ်မျိုး ရနိုင်ပါ့မလား’ ထိုအချိန်တွင် ခါလိဒ်သခင်၏ အဖြေမှာ ‘ဟာ ရနိုင်တာပေါ့၊ ဒီထက်တောင်ပိုနေဦးမှာ’

‘ဒါဘယ်လို ဖြစ်နိုင်မှာလဲ၊ အသင်တို့က ဟိုးအစောကြီးကတည်းက အစ္စလာမ်ကိုလက်ခံထားကြတဲ့ သူတွေလေ’ ဟု ရောမခေါင်းဆောင်က စောဒကတက်ပြန်သည်။ ထိုအခါ ခါလိဒ်သခင်က ‘ကျုပ် တို့က တမန်တော် မုဟမ္မဒ် သက်ရှိထင်ရှားရှိနေတဲ့အချိန်ကို မီခဲ့တယ်၊ ကျုပ်တို့က ကိုယ်တော့်ကိုမြင်ခဲ့တယ်၊ ကိုယ်တော်မြတ်ရဲ့ ထူးခြားဆန်းကြယ်တဲ့ မိုအ်ဂျေဇဟ်  နိမိတ်လက္ခဏာတွေကို မြင်တွေ့ခဲ့ရတယ်၊ အဲဒီလို လူတွေက အစ္စလာမ်ကိုလက်ခံဖို့၊ တမန်တော် မုဟမ္မဒ်သခင်ဟာ အလ္လာဟ်အရှင်မြတ်ရဲ့ စေတမန်အစစ်ဖြစ်တယ် ဆိုတာလက်ခံဖို့ အလွန်လွယ်ကူပါတယ်၊ အသင်တို့ကျပြန်တော့ တမန်တော်မြတ် မုဟမ္မဒ်ကိုလည်း မမြင်ဖူးဘူး၊ ကိုယ်တော့်ရဲ့ တရားသံတွေကိုလည်းမကြားဖူးကြဘူး၊ အသင်တို့က ကိုယ်တော့်ကို မမြင်ဘူးပဲနဲ့ ယုံကြည်ကြမယ်၊ မှန်ကန်စွာလက်ခံကြ မယ်ဆိုရင် အလ္လာဟ်အရှင်မြတ်က ကျုပ်တို့ထက်ပိုတဲ့ ဆုလဒ်ကို ချီးမြှင့်မှာပေါ့’

ထိုစကားသံကို ကြားလိုက်ရသော ရောမစစ်ဦးစီးသည် ခါလိဒ်သခင်ရှေ့သို့ ရောက် လာပြီး မိမိအား အစ္စလာမ်သာသနာကို သင်ကြားပြသပေးဖို့ တောင်းဆိုပြီးနောက် အစ္စလာမ်သာသနာကို သက်ဝင်ယုံကြည်သွားလေသည်။ ထို့နောက် အလ္လာဟ် အရှင်မြတ်နှစ်သက်လက်ခံဖို့ရာ အခြားညီနောင်မွတ်စလင်မ်များနှင့်အတူ အစ္စလာမ် တိုက်ပွဲများတွင်ပါဝင်ဆင်နွှဲရင်း ရှဟီဒီဟူသည့် အဆင့်ကို ရှာဖွေနေလေတော့သည်။

ခါလိဒ်သခင်၏ သူရဲကောင်း လက္ခဏာရပ်အချို့ကို ကျော်ကြားလှသည့် ယာမူက်စစ်ပွဲတွင် တွေ့မြင်နိုင်ပါသည်။ တိုက်ပွဲ၏ အရှိန်အဟုန်အမြင့်မားဆုံး အချိန်တွင် ခါလိဒ်သခင်သည် နေပြည်တော်မှ စာတစ်စောင်ကို လက်ခံရရှိခဲ့သည်။ စာပါအကြောင်းအရာမှာ ခလီဖဟ်ကြီးအဘူဘက္ကရ်ဝဖာသ်(ကွယ်လွန်)ဖြစ်သွားပြီဖြစ် ကြောင်း ယခုခလီဖဟ်အသစ်က နိုင်ငံတော်ကိုထိန်းသိမ်းထားကြောင်း၊ အဗူ အိုဗိုင်ဒါဟ်အား စစ်ဦးစီးအဖြစ် လွှဲပြောင်းပေးရန် ညွှန်ကြားချက်များရေးထား သည်။ ထိုအချိန်တွင် ခါလိဒ်သခင်သည် တပ်အတွင်း ဤသတင်းကြောင့် ဖရိုဖရဲဖြစ်သွားနိုင်သည်ကိုသိသဖြင့် ခလီဖဟ်အသစ်၏ ညွှန်ကြားလွှာကို တိုက်ပွဲအောင်ပြီးသည်အထိ ထိန်းသိမ်းထားခဲ့သည်။ သို့သော် အိုဗိုင်ဒါဟ်သခင်ကို စစ်ဦးစီးချုပ်အဖြစ် လွှဲအပ်ပေးကြောင်းနှင့် မိမိကိုယ်တိုင် အိုဗိုင်ဒါဟ်သခင်၏အမိန့်အောက်ရှိ ရဲဘော်တစ်ဦးဖြစ်ကြောင်း အိုဗိုင်ဒါဟ်သခင်အား နှစ်ကိုယ်ကြား သဘောတူညီမှုယူခဲ့သည်။

ခါလိဒ်သခင်၏ခံယူချက်မှာ မိမိအနေဖြင့် အလ္လာဟ်အရှင်မြတ် နှစ်သက် ဖို့ရာ ရဲဘော်ဖြစ်စေ၊ စစ်ဦးစီးချုပ်ဖြစ်စေ ဘာမျှမထူးခြားပါ၊ အလ္လာဟ်အရှင်မြတ် နှစ်သက်ကျေနပ်ဖို့သာ အဓိကဖြစ်ကြောင်း ခံယူထားသူဖြစ်လေသည်။

——————————-

8 MB သာ ရှိတဲ့ တစ်နှစ်ပြည့် ဉာဏ်အလင်း အတွဲ(၁) အမှတ်(၁၂) ကို အခမဲ့ Download ရယူရန် –

Mediafire – http://bit.ly/2C2F9Vu
pCloud – http://bit.ly/2DNx1sy

Leave a Reply

Your email address will not be published. Required fields are marked *