အိန္ဒိယအလေးချိန်တိုလာမှ မြန်မာ့အလေးချိန်သို့……. (ဇကားသ်နိစားဗ်တွက်ချက်ရန်)

ကဏ္ဍ – Islamic Knowledge
 
ကျနော်တို့မြန်မာနိုင်ငံမှာ အများအားဖြင့် လမြတ်ရမသွာန်ရောက်လာပြီဆိုရင် လုပ်ငန်းရှင်တော်တော် များများဟာ ရိုဇာဥပုသ်သီလလည်းစောင့်ထိန်းရင်း မိမိတို့လုပ်ငန်းများရဲ့ နှစ်ချုပ်စာရင်းများလည်း တွက်ချက်ကြရင်း တပါတည်း မိမိတို့နှစ်စဉ်ထိုက်သက်တဲ့ ဇကားသ်ပမာဏများကိုလည်း တွက်ချက်ပြီး သက်ဆိုင်ရာ ဇကားသ်စားထိုက်သူများကို ကိုယ်စီကိုယ်စီရွေးချယ်ပေးလှူကြပါတယ်။ ဒီလိုဇကားသ်တန်ဖိုး တွက်ထုတ်ကြတဲ့အခါမှာ သက်ဆိုင်ရာ အိုလမာအဖွဲ့ချုပ်များမှထုတ်ပြန်ပေးတဲ့ ဇကားသ်နိစားဗ်များ၊မိမိတို့ နီးစပ်ရာ သာသနာ့ပညာရှင်များထံ ဆည်းပူးမေးမြန်းပြီးမှ တွက်ချက်လှူဒါန်းကြတာပါ။
 
ဇကားသ်နဲ့ပတ်သက်တဲ့ မစာအိလ်များကတော့ အင်မတန်မှ များလည်းများသလို ဘာသာရေးဆိုင်ရာ ပညတ်များလည်းဖြစ်တာကြောင့် သာသနာ့ပညာ သိနားလည်တတ်ကျွမ်းတဲ့ သာသနာ့ပညာရှင်များထံမှာ ချဉ်းကပ်ဆည်းပူးမေးမြန်းကြဖို့တိုက်တွန်းလိုပါတယ်။
 
ကျနော်တို့မြန်မာနိုင်ငံမှာ ဇကားသ်နဲ့ပတ်သက်ရင် အဓိကကြုံတွေ့ရတဲ့ အခက်အခဲက နိစားဗ်ရဲ့ အလေးချိန်အကွဲအလွဲပါ။ အခုဒီဆောင်းပါးလေးမှာတော့ စာရေးသူတတ်ကျွမ်းတဲ့ ရွှေနဲ့ငွေတို့ရဲ့ အချိန်အတွယ်တွေကနေ မြန်မာ့အလေးချိန်များကိုတွက်ထုတ်တဲ့ တွက်နည်းများကို တင်ပြပေးသွားပါ့မယ်။
ဇကားသ်ရဲ့နိစားဗ်လို့ ပြောလိုက်ရင် အဲဒီနိစားဗ်ကို စံထားတွက်ချက်ရတဲ့ သတ္တုနှစ်မျိုးကတော့ ရွှေနဲ့ငွေ(ဘော်)တို့ပဲဖြစ်ပါတယ်။
 
ရွှေနဲ့စံပြုတွက်ချက်ရတဲ့ နိစားဗ်အလေးချိန်ကတော့ (20 မိစ်ကားလ်)အိန္ဒိယအလေးချိန်အရ ၇.၅ တိုလာ(7.5 Tola) ဖြစ်ပြီး ငွေ(ဘော်)နဲ့စံပြုတွက်ချက်ရတဲ့ နိစားဗ်အလေးချိန်ကတော့ (ငွေဒင်္ဂါး ၂၀၀) အိန္ဒိယအလေးချိန်အရ ၅၂.၅ တိုလာ (52.5 Tola) ပဲဖြစ်ပါတယ်။
 
ဒီနေရာမှာ ကျနော့်အနေနဲ့ ဖြည့်စွက်ဆွေးနွေးချင်တာကတော့ အဲဒီတိုလာဆိုတဲ့ ချိန်တွယ်မှုစနစ်ပါပဲ။ တကယ်တော့ အဲဒီတိုလာဆိုတဲ့ အိန္ဒိယအလေးချိန်ဟာ တိကျတဲ့ အလေးချိန်သတ်မှတ်ချက်ရှိနေပါတယ်။ အဲဒီလို တိကျတဲ့ အလေးချိန်ပြောင်းလဲမှုစနစ်ရှိနေတဲ့အတွက် Swiss Bank လို ဘဏ်မျိုးကနေ တိုလာနဲ့ချိန်တွယ်ထားတဲ့ ရွှေတုံးငွေတုံးတွေ ထွက်ရှိနေတာဖြစ်ပါတယ်။ တနည်းပြောရရင် တိုလာဆိုတဲ့အလေးချိန်ဟာ ကမ္ဘာသုံးပါ။ ခိုင်မာတိကျတဲ့ တွက်ချက်မှုစနစ်ရှိနေပြီးသားပါ။
 
တိုလာ(Tola)(အိန္ဒိယ)
 
1 Tola = 11.66 grams ရှိပါတယ်။ 1 Kilogram မှာဆိုလို့ရှိရင် 85.7352602333 Tola ရှိပါတယ်။ ဒီစံနှုန်းဟာ လက်ရှိလည်ပတ်နေတဲ့ဈေးကွက်မှာလည်း အသုံးဝင်နေတဲ့ အလေးချိန်ပြောင်းလဲခြင်းဆိုရင်လည်း မှန်ပါတယ်။
 
ကျပ်၊ပဲ၊ရွေး (မြန်မာသုံးအလေးချိန်)
 
မြန်မာသုံး ပိဿာ၊ ကျပ်သား၊ ပဲ၊ ရွေး စသည့်အလေးချိန်တွေမှာတော့ လက်ရှိတစ်နိုင်ငံလုံးအတိုင်းအတာနဲ့ တွက်ချက်ရောင်းဝယ်နေတဲ့ အလေးချိန်ပြောင်းလဲခြင်းကိုတင်ပြပါ့မယ်။
 
မြန်မာ့အလေးချိန်(ရွှေ၊ငွေ) တစ်ကျပ်သား( 1 Tical) ဟာ 16.606 grams နဲ့ ညီမျှပါတယ်။ 1 Kilogram မှာ ဆိုလို့ရှိရင် မြန်မာ့အလေးချိန် 60 . 3 . 4 (60 ကျပ် 3 ပဲ 4 ရွေး) ရှိပါတယ်။ ဒါဟာ လက်ရှိပြင်ပဈေးကွက်တွေ မှာ လက်တွေ့ရောင်းဝယ်နေတဲ့ စနစ်ဖြစ်ပါတယ်။
 
မြန်မာ့အလေးချိန်စနစ်မှာတော့ တစ်ပိဿာ = ၁၀၀ ကျပ်သားပါ။ တစ်ကျပ်သားဟာ ၁၆ပဲနဲ့ညီမျှပါတယ်။ တစ်ပဲဟာ ၈ရွေးနဲ့ညီမျှပါတယ်။ တစ်ရွေးရဲ့ တစ်ဝက်ကိုတော့ တစ်ခြမ်းလို့ခေါ်ပါတယ်။ တွက်ချက်တဲ့နေရာမှာ (0.5)အနေနဲ့ ထည့်ပေါင်းပြီးတွက်ချက်ပါတယ်။
 
အထက်ဖော်ပြချက်တွေအရ တိုလာ(အိန္ဒိယ)ရော ကျပ်ချိန်(မြန်မာ)အလေးချိန်တွေမှာ တိကျတဲ့ Gram ပြောင်းလဲမှုစနစ်တွေရှိနေတာကိုတွေ့ရမှာဖြစ်ပါတယ်။ ဒါကြောင့် ကျနော်တို့တွေဟာ အဲဒီစနစ်ကနေ ဇကားသ်ရဲ့နိစားဗ်တွက်ချက်မှုမှာ အဓိကအကျဆုံးဖြစ်တဲ့ (Tola Vs Tical Conversion) တိုလာနှင့် မြန်မာကျပ်ချိန် ပြောင်းလဲခြင်းကို လွယ်ကူစွာတွက်ယူလို့ရပါပြီ။
မြန်မာကျပ်ချိန် 1 Tical တစ်ကျပ်နဲ့ညီမျှတဲ့ grams ကို 1 Tola တစ်တိုလာ နဲ့ညီမျှတဲ့ grams နဲ့ စားလိုက်မယ်ဆိုလို့ရှိရင် Tola Vs Tical ရဲ့ အချိုးကို ရရှိမှာဖြစ်ပါတယ်။ စားကြည့်လိုက်ရအောင်ဗျာ…
 
16.606 / 11.66 = 1.424185248 Tola ဆိုတဲ့အဖြေကိုရရှိမှာဖြစ်ပါတယ်။ လက်ရှိ မြန်မာ့ဈေးကွက်မှာလည်း လက်တွေ့အသုံးပြုနေတဲ့ အချိုးက 1 Tical = 1.425 tola ဖြစ်ပါတယ် ။ ဒါကြောင့် ကျနော်တို့ဟာ မြန်မာ့အလေးချိန်ကို တိတိကျကျရရှိနိုင်ဖို့ဆိုရင် လက်ရှိဈေးကွက်သုံး ညီမျှခြင်းဖြစ်တဲ့ 1 Tical = 1.425 Tola ဆိုတာကိုတွက်ချက်အသုံးပြုကြရမှာဖြစ်ပါတယ်ခင်ဗျာ။
 
ဇကားသ်နိစားဗ်(ရွှေ)
 
7.5 Tola ခုနစ်တိုလာခွဲ ဆိုတဲ့အလေးချိန်ဟာ ရွှေရဲ့ နိစားဗ်ဖြစ်ပါတယ်။ ဒါကြောင့် မြန်မာ့အလေးချိန်ပြောင်းလဲမယ်ဆိုလို့ရှိရင် ….
 
1.425 တိုလာ = 1 ကျပ်သား
7.5 တိုလာ ————— 7.5 / 1.425 = 5.26315 ကျပ်သား ရရှိမှာဖြစ်ပါတယ်။ အဲဒီလိုရရှိတဲ့အလေးချိန်ကို အတိအကျ ပဲနဲ့ရွေးသိချင်တယ်ဆိုရင်တော့ 5 ကျပ်သားရဲ့အနောက်မှာရှိတဲ့ ဒဿမနောက်က ဂဏန်းကို ပဲဖွဲ့ (16ပဲ နဲ့မြှောက်)ရပါမယ်။
 
0.26315 x 16 = 4.2104
4.2104 ပဲ ဆိုတဲ့အဖြေကိုရရှိမှာဖြစ်ပါတယ်။ ကိန်းပြည့်ဖြစ်တဲ့ 4 ကို ပဲအဖြစ်ဖယ်လိုက်ပြီး ကျန်တဲ့ ဒဿမနောက်က ဂဏန်းကို ရွေးဖွဲ့( 8 ရွေးနဲ့မြှောက်) ရပါမယ်။
 
0.2104 x 8 = 1.6832
1.6832 ရွေး ဆိုတဲ့အဖြေကိုရရှိမှာဖြစ်ပါတယ်။ ဒီအလေးချိန်မှာတော့ 0.5 ကို တစ်ခြမ်းလို့ ယူကြတဲ့အတွက် 0.6832 ကို တစ်ခြမ်းလို့ပဲ ယူဆလိုက်လို့ရပါတယ်။
 
ဒါဆိုရင် ရွှေရဲ့နိစားဗ်ရဲ့ မြန်မာ့အလေးချိန်ဟာ 5 ကျပ် 4 ပဲ 1.5 ရွေး(တစ်ရွေးတစ်ခြမ်း) ပဲဖြစ်ပါတယ်ခင်ဗျာ။
 
ဇကားသ်နိစားဗ်(ငွေ)
 
52.5 Tola ငါးဆယ့်နှစ်တိုလာခွဲ ဆိုတဲ့အလေးချိန်ဟာ ငွေရဲ့ နိစားဗ်ဖြစ်ပါတယ်။ ဒါကြောင့် မြန်မာ့အလေးချိန်ပြောင်းလဲမယ်ဆိုလို့ရှိရင် ….
 
1.425 တိုလာ = 1 ကျပ်သား
52.5 တိုလာ ————— 52.5 / 1.425 = 36.8421 ကျပ်သား ရရှိမှာဖြစ်ပါတယ်။ အဲဒီလိုရရှိတဲ့အလေးချိန်ကို အတိအကျ ပဲနဲ့ရွေးသိချင်တယ်ဆိုရင်တော့ 36 ကျပ်သားရဲ့အနောက်မှာရှိတဲ့ ဒဿမနောက်က ဂဏန်းကို ပဲဖွဲ့(16ပဲ နဲ့မြှောက်)ရပါမယ်။
 
0.8421 x 16 = 13.4736
13.4736 ပဲ ဆိုတဲ့အဖြေကိုရရှိမှာဖြစ်ပါတယ်။ ကိန်းပြည့်ဖြစ်တဲ့ 13 ကို ပဲအဖြစ်ဖယ်လိုက်ပြီး ကျန်တဲ့ ဒဿမနောက်က ဂဏန်းကို ရွေးဖွဲ့( 8 ရွေးနဲ့မြှောက်) ရပါမယ်။
 
0.4736 x 8 = 3.7888
3.7888 ရွေး ဆိုတဲ့အဖြေကိုရရှိမှာဖြစ်ပါတယ်။ ဒီအလေးချိန်မှာတော့ 0.5 ကို တစ်ခြမ်းလို့ ယူကြတဲ့အတွက် 0.7888 ကို တစ်ခြမ်းလို့ပဲ ယူဆလိုက်လို့ရပါတယ်။ အဲဒီတန်ဖိုးလောက်ဟာ ဘာမှမပြောပလောက်တဲ့ တန်ဖိုးမို့ အနီးစပ်ဆုံးယူလိုက်ခြင်းလည်းဖြစ်ပါတယ်။
 
ဒါဆိုရင် ငွေရဲ့နိစားဗ်ရဲ့ မြန်မာ့အလေးချိန်ဟာ 36 ကျပ် 13 ပဲ 3.5 ရွေး(သုံးရွေးတစ်ခြမ်း) ပဲဖြစ်ပါတယ်ခင်ဗျာ။
 
ရွှေ(နိစားဗ်) = ငါးကျပ် လေးပဲ တစ်ရွေးတစ်ခြမ်း ( 5. 4 . 1.5)
ငွေ(နိစားဗ်)= သုံးဆယ့်ခြောက်ကျပ် ဆယ့်သုံးပဲ သုံးရွေးတစ်ခြမ်း (36. 13. 3.5) လို့ အနီးစပ်ဆုံးနဲ့ အသေချာဆုံးတွက်ယူနိုင်ကြောင်းပါခင်ဗျာ။
 
စာပေသစ္စာဖြင့်
Ye Man Aung
#GoldPageForPeople
 
ရမဇာန်အထူးထုတ် ဉာဏ်အလင်း အတွဲ(၁) အမှတ်(၇) ကို အောက်ဖော်ပြပါ ကြိုက်နှစ်သက်ရာ Link တစ်ခုကနေ Download ရယူနိုင်ပါပြီ။
 
Mediafire – http://bit.ly/2sfEZqD
pCloud – http://bit.ly/2sMWi38
Dropbox – http://bit.ly/2thhOKM