မျိုးဆက်သစ်အတွက်အရေးအကြီးဆုံး သာသနာ့ပညာ

ကဏ္ဍ – Education

 

G.T.I ကျော်မင်းနိုင် (မြေနီကုန်း)

လူသားတစ်ဦးအတွက် တခြားသူတွေနဲ့ပတ်သက်ပြီး ဝတ္တရားတွေရှိသလို မိမိနဲ့ပတ်သက်ပြီးတော့ မိမိလက်အောက်ငယ်သား၊ သားသမီးတွေနဲ့ ပတ်သက်ပြီးလည်း တာဝန်ဝတ္တရားတွေရှိပါတယ်။ ဒီဝတ္တရားဟာ အာခိရသ်နောင်တမလွန်မှာ မေးမြန်းရမယ့် အခြားမေးခွန်းတွေထက်ပိုပြီး အရေးကြီးလှပါတယ်။ မိမိရဲ့ဝတ္တရားက ဘာတွေလဲ၊ ကိုယ့်မိသားစုရဲ့ဝတ္တရားတွေကဘာလဲ၊ ကိုယ့်လက်အောက်ငယ်သားတွေရဲ့ဝတ္တရားတွေအကြောင်း ကုရ်အာန်နဲ့ ဟဒီးဆ်တော်တွေမှာ အလျဉ်းသင့်သလို ဖော်ပြထားတာတွေ့ရလိမ့်မယ်။ ဒီဝတ္တရားတွေက လူရဲ့လောကီ၊ လောကုတ္တရာလိုအပ်ချက်တွေနဲ့ ပတ်သက်ပါတယ်။ လောကီလိုအပ်ချက်တွေက နှစ်အနည်းငယ်အတွက်ဖြစ်ပြီး သူ့ရဲ့အဆုံးစွန်က ကဗရ်သင်္ချိုင်းဖြစ်တယ်။ အာခိရသ်ရဲ့လိုအပ်ချက်က အဆုံးမရှိတဲ့အနာဂတ်အတွက်ဖြစ်လို့ ပိုပြီးအရေးကြီးတယ်။ ဒါကြောင့် အာခိရသ်မှာ အဖြေပေးရမယ်ဆိုပြီး ယုံကြည်မှုရှိတဲ့ အီမာရှင်တစ်ယောက်က ဆုံးခန်းတိုင်မှုမရှိတဲ့ အနာဂတ်ကို လျစ်လျူရှုမှာမဟုတ်ဘူး။

ဒီလိုအပ်ချက်ကို သတိပေးတဲ့အနေနဲ့ ကျမ်းတော်မြတ်ကုရ်အာန်က အခုလိုသတိပေးထားပါတယ်။ “အသင်တို့သည်မိမိတို့ကိုယ်များကိုလည်းကောင်း၊ မိမိတို့၏အိမ်သူအိမ်သားတို့ကိုလည်းကောင်း၊ (ငရဲ)မီး (ဘေး)မှ ကင်းလွတ်စေကြလေကုန်” (၆၆း၆) ဒီမီးဘေးက ဘယ်လိုကယ်တင်ကြမလဲ။ အိမာန်နဲ့ ကောင်းတဲ့ အမလ်ဒီနှဏ်ခုက မီးဘေးက ကယ်တင်ပေးမယ့်အရာပဲ။ အီမာန်ဆိုတာဘာလဲ။ ကုရ်အာန်၊ ဟဒီးဆ်တော်များမှာ လာရှိထားတာတွေ လိုတိုးပိုလျှော့မလုပ်ဘဲ အားလုံးကိုလက်ခံပြီး ယုံကြည်ခြင်းကို အီမာန်လို့ခေါ်တယ်။ ကလိမာဟ်ဖတ်လိုက်ရုံနဲ့မပြီးသေးဘူး။ လူတစ်ယောက်နှုတ်ကတော့ အလ္လာဟ်အရှင်မြတ်တစ်ပါးတည်းရှိကြောင်း ဝန်ခံပေမယ့် ကုရ်အာန်ရဲ့ အမိန့်တစ်ခုကိုငြင်းဆန်မယ်၊ ဒါမှမဟုတ် တမန်တော်မြတ်မုဟမ္မဒ် ဆွလ္လလ္လာဟုအလိုင်းဟိဝစလ္လမ်အပေါ် အီမာန်ယူပြီး တမန်တော်မြတ်ရဲ့စွန္နသ်တော်တစ်ခုခုကို လှောင်ပြောင်သရော်မယ်၊ ဒါမှမဟုတ် တမန်တော်မြတ်ကို လက်ခံယုံကြည်ပေမယ့် တမန်တော်မြတ်ရဲ့နောက်မှာ နောက်ထပ်နဗီလာနိုင်သေးတယ်လို့ ယူဆရင် ဒီလူက အမြင်အားဖြင့် အီမာရှင်လို့ ထင်ရပေမယ့် အမှန်မှာတော့ ဒီလူက အီမာန်ရှင်မဟုတ်ပါဘူး။ ကုဖ်ရ်ရဲ့ လမ်းကို လျှောက်နေသူပဲ။ အီမာန်ရဲ့ကဏ္ဍက အတော့်ကိုသိမ်မွေ့လွန်းတယ်။ တစ်ခါတစ်လေနောင်ပြောင်းဖြစ်စေ၊ ဒေါသကြောင့်ဖြစ်စေ၊ တစ်ဖက်သားကို အနိုင်ယူချင်ဇောနဲ့ဖြစ်စေ၊ ပြောလိုက်တဲ့စကားတွေဟာ အီမာန်က လက်မဲ့ဖြစ်သွားစေတာသိတောင် မသိလိုက်ရဘူး။ ဒါကြောင့် ဒီလိုကြီးမားလှတဲ့ ဆုံးရှုံးမှုနဲ့ လက်မဲ့ဖြစ်မှုက လွတ်ကင်းဖို့က တစ်လမ်းပဲရှိပါတယ်။ အဲဒါက သာသနာ့ပညာဖြစ်တယ်။ ပညာမဲ့မှုနဲ့ အသိဉာဏ်ခေါင်းပါးမှုက လူကိုအမှန်တရားနဲ့ ဝေးရာကို ခေါ်ဆောင်သွားပြီး မှားယွင်းတဲ့လမ်းပေါ်ကို တွန်းပို့စေတယ်။

ငရဲမီးဘေးက လွတ်မြောက်စေမယ့်အရာနောက်တစ်ခုက ကောင်းတဲ့အမလ်ဖြစ်တယ်။ အစ္စလာမ်ရဲ့အမြင်မှာ အချက် (၃) ချက်ပါမှ အဲဒီလုပ်ရပ်က ကောင်းတဲ့အမလ်ဖြစ်မယ်။ (၁) အလ္လာဟ်အရှင်မြတ်ရဲ့အမိန့်အတိုင်းဖြစ်ရမယ်။ (၂) တမန်တော်မြတ်ဆွလ္လလ္လာဟုအလိုင်းဟိဝစလ္လမ်ရဲ့ နည်းစနစ်အတိုင်းဖြစ်ရမယ်။ (၃) လုပ်ရတဲ့ရည်၇ွယ်ချက်က အလ္လာဟ်အရှင်မြတ်ကျေနပ်နှစ်သက်ဖို့ဖြစ်ရမယ်။ ကျော်ကြားလိုမှု၊ ထင်ပေါ်လိုမှု၊ လောကီတပ်မက်မှုမပါစေရ။ ဒီအချက် (၃) ခုလုံးပါမှ ကောင်းတဲ့အမလ်ဖြစ်မယ်။ တစ်ချက်ချက်လျော့နေရင် ကောင်းတဲ့အမလ်ဖြစ်မှာမဟုတ်တော့ဘူး။ ဒီမှာလည်း သာသနာ့ပညာလိုနေပြီ။ ဝူဇူနဲ့နမာဇ်ကိုပဲကြည့်ပါဦး။ အသက်ကြီးသွားလည်း ပညာရှင်တွေကို မေးမြန်းနေရတုန်း။ ပညာရှင်အချင်းချင်းလည်းတစ်ဦးကိုတစ်ဦးမေးမြန်းနေရတယ်။ အအ်မာလေဆွာလီဟာလို့ခေါ်တဲ့ကောင်းတဲ့ အအ်မာလ်ကိုရှင်းလင်းထားတာကို ဖိကဟ်လို့ခေါ်တယ်။ ဖိကဟ်ပညာရပ်ဟာ ကမ်းမရှိတဲ့ပင်လယ်ပြင်လို ကျယ်ပြောလှပါတယ်။

အချုပ်အားဖြင့်ဆိုရရင် မိမိနဲ့ အိမ်သူအိမ်သားများကို ဂျဟန္နမ်ငရဲမီးဘေးကလွတ်မြောက်စေဖို့ တစ်ခုတည်းသောနည်းလမ်းအမလ်ပဲဖြစ်စေ၊ သာသနာ့ပညာမရှိဘဲ မကျင့်သုံးနိုင်ပါဘူး။ သာသနာ့ပညာက အလွန်အင်မတန်အရေးကြီးပါတယ်။

မွတ်စလင်တိုင်းအတွက် မိမိတို့လိုအပ်ချက်နဲ့အညီ သာသနာ့ပညာသင်ယူဖို့က ဖရဇ်မလုပ်မနေရတာဝန်တစ်ရပ်ဖြစ်ပါတယ်။ တမန်တော်မြတ်ဆွလ္လလ္လာဟုအလိုင်းဟိဝစလ္လမ်ကလည်း ပြတ်ပြတ်သားသား ပညာသင်ယူဆည်းပူးခြင်းက မွတ်စလင်တိုင်းအပေါ် ဖရဇ်တာဝန်လို့ မိန့်ရှိထားပါတယ်။ တမန်တော်မြတ်ဆွလ္လလ္လာဟုအလိုင်းဟိဝစလ္လမ်ရဲ့ ဒီမိန့်မှာချက်မှာ တခြားပညာပါသည်ဖြစ်စေ၊ မပါသည်ဖြစ်စေ၊ သာသနာ့ပညာပါတာတော့ အသေအချာပါပဲ။ သာသနာ့ပညာရဲ့ဘယ်ဖရဇ်တာဝန်ကိုမှ သာသနာ့ပညာမပါဘဲ မဆောင်ရွက်နိုင်ပါဘူး။ နမာဇ်၊ ရိုဇဟ်၊ ဇကားသ်၊ ဟဂ်ျ၊ နိကာဟ်၊ သွလားက်၊ ဟလာလ်၊ ဟရာမ် ဘယ်နေရာဘယ်အချိန်မှ သာသနာ့ပညာမလိုအပ်တဲ့ အခြေအနေဆိုတာ မရှိဘူး။ ဒါကြောင့် သာသနာ့ပညာက အရေးတကာအရေးအကြီးဆုံး ဖရဇ်တာဝန်ဖြစ်တယ်။ ပညာမရှိဘဲ ဘယ်တာဝန်မှ မကျေပွန်နိုင်ဘူး။

ကျမ်းတော်မြတ်ကုရ်အာန်က မိမိကိုယ်နဲ့ ကိုယ့်အိမ်သူအိမ်သားတွေကို ငရဲမီးကလွတ်မြောက်စေဖို့ အမိန့်ပေးတာဟာ တစ်နည်းအားဖြင့် ပညာအရေးကြီးကြောင်း မိးမောင်းထိုးပြထားတာဖြစ်ပါတယ်။ မြန်မာနိုင်ငံရဲ့လက်ရှိအခြေအနေမှာ သာသနာ့ပညာကပိုပြီးအလေးထားဆောင်ရွက်ရမယ့် အရာဖြစ်နေပါပြီ။ ဘက်ပေါင်းစုံက အစ္စလာမ်ကိုထိုးနှက်မှုတွေ တအားကျယ်ပြန့်လာနေပါပြီ။ မွတ်စလင်လူထုကြားမှာ သိမ်ငယ်စိတ်တွေ၊ စိတ်ဓာတ်ကျမှုတွေ တစ်စိမ့်စိမ့်နဲ့မသိမသာဝင်ရောက်နေလေပြီ။ အထူးသဖြင့် တမန်တော်မြတ် ဆွလ္လလ္လာဟုအလိုင်းဟိဝစလ္လမ်နဲ့ ဆွဟာဗာဟ်များရဲ့ကြီးကျယ်မြင့်မြတ်မှုတွေကို မျိုးဆက်သစ်တွေရဲ့ နှလုံးသားထဲက ဆွဲထုတ်နေပါပြီ။ ဒီလိုအခြေအနေမျိုးမှာ မျိုးဆက်သစ်လူငယ်တွေအတွက် သာသနာပညာက အရင်ထက်ပိုပြီး အလေးထားဆောင်ရွက်ရမယ့်အရာ ဖြစ်နေပါပြီ။

သာသနာ့ပညာရဲ့အခြေခံအသင့်ဟာ ဒီးန်သာသနာရဲ့အရေးကြီးတဲ့အချက်တွေသင်ယူဖို့ဖြစ်ပါတယ်။ ခေတ်ပညာသင်ယူနေတဲ့ ကလေးတိုင်းကို ခေတ်ပညာနဲ့အတူ ကုရ်အာန်ကျမ်းမြတ်ကို သဂ်ျဝီးဒ်နဲ့တကွ ဖတ်နိုင်ရန်နဲ့ တချို့စူရဟ်များကို အလွတ်ကျက်မှတ်စေပါ။ တမန်တော်မြတ်ရဲ့ဘဝအကြောင်း၊ အရေးကြီးတဲ့မတ်စ်အလဟ်ပညတ်ချက်များနဲ့ နေ့ညနေရာ၊ အချိန်အလိုက်ဖတ်ရမယ့် ဒုအာများကိုလည်း အလွတ်ကျက်မှတ်စေရန်မှာအရေးကြီးပါတယ်။ ဒါတွေနဲ့အတူလက်ရှိအရေးတကြီးလိုအပ်ချက်ဖြစ်တဲ့ အစ္စလာမ်နဲ့ မွတ်စလင်တို့ရဲ့သမိုင်းကိုလည်း သင်ကြားပေးပါ။ သို့မှသာ သိမ်ငယ်စိတ်တွေက လွတ်မြောက်လိမ့်မယ်။ ဒ့ါအပြင်အစ္စလာမ်နဲ့ပတ်သက်ပြီး တတ်လေ့ရှိတဲ့စောဒကတွေကို အနြေဲ့တကွသင်ကြားပေးဖို့လည်း လိုအပ်နေပါပြီ။ အဲဒါမှ ကိုယ့်မျိုးဆက်သစ်တွေကို နားလည်မှုလွဲစေမယ့်အရာတွေကနေ ကယ်တင်နိုင်မှာဖြစ်ပါတယ်။ အလ္လာဟ်အရှင်မြတ်ကျင့်သုံးနိုင်စွမ်းချီးမြှင့်တော်မူပါစေ။ အာမီန်း

ဇူလိုင်လထုတ် ဉာဏ်အလင်း အတွဲ(၁) အမှတ်(၈) ကို အောက်ပါ Link တွေကနေ Download ရယူနိုင်ပါပြီ။
Mediafire – http://bit.ly/2umlRbf