အမေရိကန်သမိုင်းတစ်လျှောက် ပထမဆုံး ဆိုမာလီနွယ်ဖွား ပြည်နယ်လွှတ်တော်ကိုယ်စားလှယ် အိလ်ဟန်း အိုမာ

ဉာဏ်အလင်းအတွဲ(၁) အမှတ်(၃) စံပြပုဂ္ဂိုလ်ကဏ္ဍ
 
လွန်ခဲ့သည့်နှစ် နိုဝင်ဘာ (၈) ရက်တွင် ပထမဆုံး ဆိုမာလီ-အမေရိကန်နွယ်ဖွား လွှတ်တော်ကိုယ်စားလှယ်အဖြစ် အိလ်ဟန်း အိုမာ (Ilhan Omar) ရွေးချယ်တင်မြှောက်ခံခဲ့ရသည်။
 
“ကျမအနိုင်ရခဲ့တဲ့ ရွေးကောက်ပွဲရလဒ်ဟာ ကမ္ဘာကြီးမှာဖြစ်ပျက်နေတဲ့ ဘက်လိုက်မှုတွေကို တန်ပြန်ဆန့်ကျင်လိုက်ခြင်းပါပဲ” ဟု မင်နီဆိုးတားပြည်နယ်ကိုယ်စားလှယ်လောင်းအဖြစ်ရွေးချယ်ခံလိုက်ရသူ အသက် ၃၄နှစ်အရွယ် အိုမာက ဆိုသည်။ “ဒီနိုင်ငံကြီးဟာ ရွှေ့ပြောင်းအခြေချသူတွေရဲ့မြေပါ။ ဒီကိုလာကြသူတွေက ဒုတိယအကြိမ်မြောက်အခွင့်အရေးရဖို့အတွက် လာကြတာဖြစ်ပါတယ်။ အခုအချိန်ဟာ ကျမတို့နားလည်ထားတဲ့ အမေရိကန်ဆိုတဲ့ နိုင်ငံအတွက် ရင်ဆိုင်တိုက်ပွဲဝင်ဖို့အချိန်ပါပဲ” ဟု သူကဆက်ပြောသည်။
 
အိုမာကိုယ်တိုင်သည်လည်း ရွှေ့ပြောင်းအခြေချသူတစ်ဦးဖြစ်သည်။ ပြည်တွင်းစစ်ကြောင့် ဖွတ်ဖွတ်ကြေနေသည့် သူမ၏အမိမြေ ဆိုမာလီယားမှ ငယ်စဉ်ကလေးဘ၀ကတည်းက ထွက်ပြေးလာခြင်းဖြစ်သည်။
 
“ကျမအသက် ရှစ်နှစ်အရွယ်မှာ စစ်ပွဲကြီးစခဲ့တယ်။ တစ်ညမှာ လက်နက်ကိုင်တွေ ကျမတို့အိမ်ထဲကို ၀ုန်းခနဲဝင်ချလာရော။ အိမ်အပြင်နံရံတွေမှာတော့ ကျည်ဆန်ရာတွေ ဗရပွပေါ့။ ကျမတို့မိသားစုကတော့ လူသေတွေ အပျက်စီးပုံတွေပေါ်ကနေဖြတ်ပြီး ရပ်ကွက်ကိုစွန့်ခွာခဲ့ကြရတယ်” ဟု ပြည်တွင်းစစ်ကို မျက်ဝါးထင်ထင်မြင်ခဲ့ရသည့် ဆိုးဝါးသည့်အခြေအနေကို ပြန်ပြောင်းပြောပြသည်။
 
အိုမာတို့မိသားစု အိုးအိမ်စွန့်ခွာပြေးပြီးမကြာခင်မှာပဲ အိမ်နီးချင်းကင်ညာနိုင်ငံက ဒုက္ခသည်စခန်းတစ်ခုတွင် နေရာထိုင်ခင်းရခဲ့ကြသည်။
 
“ကျမကိုယ်ပိုင်အိပ်ယာလည်းမရှိတော့ဘူး။ ကိုယ်ပိုင်ရေချိုးခန်းထဲမှာ လုံလုံခြုံခြုံနဲ့ရေချိုးလို့လည်းမရတော့ဘူး။ ပြောရရင်တော့ အိုးမဲ့အိမ်မဲ့ဘ၀ပါပဲ။ ရေပုံးနဲ့ရေခပ်ပြီးသယ်ရတယ်။ အဲဒီအတွက် တစ်ရက်ကို တစ်သျှီလင်ရတယ်။ အဲဒီပိုက်ဆံနဲ့ အနားမှာရှိတဲ့ရွာက ရုပ်ရှင်ပြတဲ့ တဲအိမ်ကို ရုပ်ရှင်ရုံလို့သတ်မှတ်ပြီး ရုပ်ရှင်တစ်ကား သွားသွားကြည့်ခဲ့ရတာပေါ့။
 
မွမ်ဘာဆာရှိ ဒုက္ခသည်စခန်း၌ လေးနှစ်ကြာနေပြီးနောက် အိုမာတို့မိသားစုသည် အမေရိကန်ပြည်ထောင်စုသို့ ပြောင်းရွှေ့အခြေချနိုင်ရန် စပွန်ဆာရခဲ့သည်။ ပထမဦးဆုံး နယူးယောက်သို့ရောက်ခဲ့ပြီးနောက် အာလင်တန်၊ ဗာဂျီးနီးယား သို့ ရွှေ့ပြော်ငးအခြေချခဲ့သည်။ ထိုအချိန်တွင် အိုမာ၏အသက် ၁၂ နှစ်ရှိနေပြီဖြစ်ပြီး အလယ်တန်းကို စတင်တက်ရောက်ခွင့်ရခဲ့သည်။
 
“ပညာရေးမှာနှစ်တော်တော်ကြာနောက်ကောက်ကျသွားတယ်။ ဒီတော့အင်္ဂလိပ်စကားကလည်းမပြောတတ်ဘူး။ ကျမတို့ညီအစ်မတတွေ အင်္ဂလိပ်စာကို လက်တွေ့လေ့ကျင့်ခန်းလုပ်ပြီး သင်ကြတာပေါ့။ တီဗီကြည့်ရင်လည်း အင်္ဂလိပ်စာတန်းထိုးနဲ့ကြည့်တယ်။ အဲဒီထဲကပြောစကားတွေကို အချင်းချင်းပြန်ပြောကြတယ်” ဟု ဆိုသည်။
 
နောက်နှစ်နှစ်ခွဲအကြာ၌ သူမတို့မိသားစုထပ်မံပြောင်းရွှေ့ရပြန်သည်။ ဤတစ်ကြိမ်တွင် မင်နီယာပိုးလစ်သို့ဖြစ်ပြီး အထက်တန်းကျောင်းတက်ရာ၌ အသားမကျသည့် အခက်အခဲနောက်တစ်ခုကို အိုမာခမျာရင်ဆိုင်ရပြန်သည်။
 
“ကလေးအများစုက မတူညီတဲ့လူတွေဘယ်လိုပုံစံ အတူတကွယှဉ်တွဲနေထိုင်ရမလဲဆိုတာကိုနားမလည်ကြဘူး။ ဒီတော့ကျမတို့က စည်းလုံးညီညွတ်ခြင်းနဲ့ မတူကွဲပြားခြင်းဆိုင်ရာ ပရိုဂရမ်တွေကို ဖန်တီးရတော့တာပေါ့။ အဲဒီကနေတစ်ဆင့် အသားအရောင်၊ လူမျိုး၊ ဘာသာတရားမတူညီသူအချင်းချင်း ထမင်းတစ်ဝိုင်းထဲစားကြတယ်။ အတွေ့အကြုံတွေ၊ ဇာတ်လမ်းတွေဖလှယ်ကြတယ်။ နောက်ဆုံးတော့ သူတို့တတွေကျမကိုခေါ်တဲ့ ဆိုမာလီကောင်မလေးဆိုတဲ့နာမည်ပြောင်ကနေ နာမည်အရင်း အိလ်ဟန်းလို့ ပြောင်းခေါ်လာကြပါတော့တယ်” ဟု အိုမာက ကျောင်းသူဘ၀အတွေ့အကြုံကိုရှင်းပြသည်။
 
အထက်တန်းကျောင်းတက်နေစဉ် ကုလသမဂ္ဂ၏အစီအစဉ်တစ်ခုကြောင့် အိုမာ၏အနာဂတ်အတွက်အဆုံးအဖြတ်ဖြစ်စေမည့် လူထုစည်းရုံးရေးနှင့်နိုင်ငံရေးဘာသာရပ်ကို အုတ်မြစ်စချခွင့်ရသည်။ ထို့နောက် နိုင်ငံရေးသိပ္ပံနှင့် နိုင်ငံတကာမူဝါဒ ပညာရပ်များကို မြောက်ဒါကိုတာပြည်နယ်တက္ကသိုလ်မျာ ဆက်လက်သင်ကြားခွင့်ရခဲ့သည်။
 
“အမျိုးသမီးတွေနဲ့ လူနည်းစုအုပ်စုတွေခမျာ တစ်ခုခုခွင့်ပြုချက်ရဖို့အတွက် သူတို့ကိုလာရောက်ဖိတ်ခေါ်တဲ့အချိန်ကို စောင့်နေရတယ်လို့ ကျမယုံကြည်တယ်။ အဲဒီလိုဖြစ်ပျက်နေတာကို ကျမတို့အဆုံးသတ်ပစ်ဖို့လိုအပ်တယ်” ဟု သူမ၏သဘောထားကိုပြောသည်။ အိုမာသည် ၂၀၁၃ ခုနှစ်တွင် မြို့ကောင်စီပြိုင်ပွဲ၌ ၀င်ရောက်ပြိုင်ဆိုငခဲ့ပြီး မင်နီယာပိုးလစ်မြို့တော်ခန်းမတွင် အလုပ်ရခဲ့သည်။ ထို့နောက် ၂၀၁၆ ခုနှစ်ရောက်သောအခါ မင်နီဆိုးတားပြည်နယ် 60B ခရိုင်ကိုယ်စားလှယ်လောင်းအဖြစ် ရွေးချယ်ခံခဲ့ရသည်။
 
အိုမာတစ်ယောက် နိုင်ငံရေးကိုခုံမင်လွန်းသည့်အပြင် မိခင်တစ်ယောက်ဘ၀ရောက်လာချိန်မှစတင်၍ ရုန်းကန်လိုစိတ်ပိုမိုပြင်းပြလာခဲ့သည်။
 
“တစ်နေရာရာမှာထူးထူးချွန်ချွန်ဖြစ်လာဖို့အတွက် ကျမကလေးတွေက အကောင်းဆုံးတွန်းအားပဲ။ ကလေးတွေက သူတို့ဟာ မွတ်စလင်တွေဖြစ်တယ်၊ ဆိုမာလီနွယ်ဖွားတွေဖြစ်တယ်၊ လူမည်းတွေဖြစ်တယ်၊ အဲဒါကြောင့် ရုန်းကန်ရမယ်၊ အပြောင်းအလဲဟာ ခက်ခဲတယ်ဆိုတာကို သူတို့လေးတွေကိုယ်တိုင်ကလည်း နားလည်သဘောပေါက်ကြတယ်လေ” ဟု သူမက မိခင်တစ်ဦးနေရာမှခံစား၍ပြောသည်။ သူမ၏ ခင်ပွန်းသည်မှာ အဟ်မဒ် ဟိရ်စီ (Ahmed Hirsi) ဖြစ်ပြီး သူတို့ဇနီးမောင်နှံ၌ အသက် ၁၁ နှစ်အရွယ်သားလေး အဒ်နန် (Adnan)၊ အသက်၁၃နှစ်အရွယ် သမီး အိစ်ရာ (Isra) နှင့် အသက် လေးနှစ်အရွယ်သမီး အိလ်ဝါးဒ် (Ilwad) တို့ရှိကြသည်။
 
ယခုအချိန်တွင်တော့ ပြည်နယ်လွှတ်တော်ကိုယ်စားလှယ်တစ်ဦးဖြစ်လာသည်ကို အသုံးချကာ အပြောင်းအလဲတစ်ခုဖန်တီးနိုင်ရန် အိုမာက ရည်ရွယ်ထားသည်။ လွန်ခဲ့သည့်နိုဝင်ဘာလ ရွေးကောက်ပွဲ၌ အငြင်းပွားဖွယ်ရာ မှတ်ချက်အများအပြားပြုခဲ့သည့် ဒေါ်နယ်ထရမ့်အနိုင်ရရှိခဲ့သော်လည်း အိုမာကတော့ အပြောင်းအလဲအတွက်မျှော်လင့်ချက်ခိုင်ခိုင်မာမာထားရှိနေဆဲပင်။
 
“ကျမမျှော်လင့်ချက်ကိုရှာဖွေတယ်။ ဒီပြည်နယ်မှာ အပြောင်းအလဲနဲ့ပတ်သက်လာရင် ချန်ပီယံအဆင့်ရှိသူတွေက မနည်းမနောပဲလေ။ ကျမက အဲဒီပြည်နယ်က ကိုယ်စားလှယ်လောင်းဖြစ်နေပြီဆိုတဲ့အတွေးနဲ့တင် ကျမတို့တတွေ စုစုစည်းစည်းနဲ့ တရားမျှတမှု၊ တန်းတူညီမျှတွေအတွက် ထရမ့်ရဲ့အမုန်းတရားတွေကို တိုက်ပွဲဝင်သွားမယ်” ဟု အိုမာက သူမ၏မျှော်လင့်ချက်များကို ပြောကြားလိုက်သည်။
 
Ref: People
(စတီဗင်ရေးသည်)
 
ယခုလထုတ် ဉာဏ်အလင်း မဂ္ဂဇင်း အတွဲ(၁) အမှတ်(၃) ကို Download ရယူရန် –
Mediafire – http://bit.ly/2jBaW9S
pCloud – http://bit.ly/2l0FGNP
Dropbox – http://bit.ly/2jHxCAE