မြန်မာမွတ်စလင်ဂုဏ်ဆောင် မုဖစ္စိရွလ်ကုရ်အာန် သီရိပျံချီဆရာကြီး ဃာဇီဟာရှင် နှစ်တစ်ရာပြည့်ပြီ

၁.၁.၂၀၁၇ ရက်နေ့သည် မုဖစ္စိရွလ်ကုရ်အာန် သီရိပျံချီဆရာကြီး ဃာဇီဟာရှင်၏ နှစ်တစ်ရာပြည့်မွေးနေ့ဖြစ်သည်။ အစ္စလာမ်ကောင်စီက ဆရာကြီးနှစ်တစ်ရာပြည့်ကို လူမှုကွန်ရက်စာမျက်နှာများပေါ်တွင် ဝေေ၀ဆာဆာဖော်ပြခဲ့သည်။ ဆရာကြီး အထ္ထုပ္ပထ္ထိကို မွတ်စလင်လူထုက ပြန်လည်မျှဝေကြသည်။

ဆရာကြီးကို မန္တလေးတိုင်း၊ ရမည်းသင်းခရိုင်၊ လယ်ဝေးမြို့တွင် ဖခင်ဦးပေါသိန်း၊ မိခင်ဒေါ်ပန်းပုံတို့မှ ၁၉၁၇ ခုနှစ် ဇန်န၀ါရီလ (၁) ရက် တနင်္လာနေ့တွင်ဖွားမြင်သည်။ မွေးချင်း (၁၁) ဦးအနက် ပဉ္စမမြောက်သားဖြစ်သည်။ ငယ်စဉ်က လယ်ဝေးမြို့ အစိုးရအထောက်ပံ့ခံ အစ္စလာမီယဟ်မုဟမ္မဒီယဟ်ကျောင်းတွင် ပညာစတင်ဆည်းပူးသည်။ လက်ဦးဆရာမှာ ရှမ်းအမျိုးသားကျောင်းဆရာဟာဂျီဟာဖိဇ်ဦးတင်ဖြစ်သည်။ ထိုကျောင်းတွင် ထူးချွန်သဖြင့် ဆရာများ၏ ချီးမွမ်းခြင်းကိုခံရသည်။

ဝေလမင်းသား မြန်မာပြည်သို့လာရောက်စဉ်အတော်ဆုံးကျောင်းသားများကို ဆုပေးရာ ထိုကျောင်းအတွက် ဝေလမင်းသားတံဆိပ်ကို ဆရာရရှိခဲ့သည်။ လယ်ဝေးတွင် ခုနှစ်တန်းအထိဘာသာရေးစာပေနှင့် တွဲဖက်ဆည်းပူးသည်။

ဆရာသည်ပညာနို့ရည်ဆက်လက်သောက်သုံးရန် ရန်ကုန်သို့ ဆက်လက်ထွက်ခွာခဲ့သည်။ ရန်ကုန်တွင်ထိုအချိန်၏ မွဖ်သီချုပ်မော်လာနာအစ္စလာအိလ်ဗစ္စမင်လာဟ်နှင့်တွေ့ဆုံ၍ ဟံသာဝတီခရိုင် ကွမ်းခြံကုန်းမြို့နယ် ဒေးဒနောရွာရှိ ဒါရုလ်အိုလူမ်ကျောင်းသို့ ပို့ပေးသည်။

တာမွေဒါရုလ်အိုလူမ်ကျောင်းမှ တစ်ဆင့် ဆရာဃာဇီအပါအ၀င်ကျောင်းသားခြောက်ဦးသည် အိန္ဒိယနိုင်ငံစဟာရန်ပူရ်မြို့ မဇာဟေရွလ်အိုလူမ်အရဗီသာသနာ့တက္ကသိုလ်ကြီးသို့ ပညာတော်သင်အဖြစ် စေလွှတ်ခြင်းခံရသည်။ မဇာဟေရွလ်အိုလူမ်ကျောင်းသည် ထိုအချိန်တွင် နာမည်ကျော်လျှမ်းလျှမ်းတောက်ကျော်ကြားနေချိန်ဖြစ်သည်။ ကျောင်းကြီး၏ဟဒီးဆ်ပါမောက္ခချုပ်ဖဇာအေလေ့အအ်မာလ်ကျမ်းရှင် ဟဇရသ်ရှိုင်ခွလ်ဟဒီးဆ်မော်လာနာမုဟမ္မဒ် ဇကရီယာဆဗ်အထွတ်အထိပ်ကျော်ကြားနေချိန်လည်းဖြစ်သည်။

ဆရာဃာဇီ၏မဇွာဟေရွလ်အိုလူမ်ကျောင်းအတန်းဖော် အဓိပတိပုဂ္ဂိုလ်ကျော်များအနက် ကမ္ဘာ့အလင်းစာစောင်အယ်ဒီတာချုပ် ဆရာနူးရ်လည်း တစ်ဦးအပါအ၀င်ဖြစ်သည်။ ၁၉၃၉ ခုနှစ်တွင် ယင်းတော်မြို့၌ မဒီနတွလ်အိုလူမ်ကျောင်းတည်ထောင်ခဲ့သည်။ အဆိုပါကျောင်းသည် မန္တလေးတိုင်း၏ပထမဆုံးသော အရဗီကျောင်းကြီးဖြစ်ပြီးမြန်မာနိုင်ငံ၏တတိယမြောက်အရဗီကျောင်းကြီးအဖြစ် ဂုဏ်ယူရကြရသည်။ အဆိုပါကျောင်းကြီး၏ပင့်ဖိတ်ချက်အရဆရာဃာဇီနှင့် ဆရာနူးရ်အတူတူတာဝန်ယူလိုက်ကြသည်။

ဆရာဃာဇီ၏အတန်းဖော်တစ်ဦးလည်းဖြစ်ပြီး ပြည်တွင်းပြည်ပ၌တစ်တန်းထဲပညာသင်ယူခဲ့သည့်နောက်ထပ် နိုင်ငံကျော်ပုဂ္ဂိုလ်တစ်ဦးမှာမြန်မာပြည်၏သဗ်လီးဂ်ဂျမာအသ်အမိရ်ချုပ်ကြီးမော်လာနာစွာလေးဟ်ဆဗ်ပင်ဖြစ်သည်။

အိန္ဒိယနိုင်ငံတွင်အူရ်ဒူ၊ အရဗီ၊ ဟိန္ဒိဘာသာတို့ကို တတ်မြောက်သင်ယူခဲ့ပြီး စစ်ကြီးဖြစ်လာသောကြောင့် ၁၉၃၉ ခုနှစ်၊ နိုဝင်ဘာလတွင်မြန်မာနိုင်ငံသို့ပြန်လာခဲ့သည်။ မွေးရပ်မြေမြန်မာပြည်သို့ ပြန်ရောက်လာပြီးနောက်ပိုင်း ဆရာဃာဇီသည် ဘာသာရေး၊ လူမှုရေး၊ အမျိုးသားရေး၊ နိုင်ငံရေးလုပ်ငန်းများကိုတက်တက်ကြွကြွဆောင်ရွက်ခဲ့သည်။ စစ်ပြီးခေတ်တွင်မန္တလေးမြို့၏မြို့မိမြို့ဖများ၏ဖိတ်ခေါ်ချက်အရ စစ်တန်းသခင်ကြီးထိုင်ခဲ့သောမဒရ်ဆာမုဟမ္မဒီယာဟ်အရဗီသိပ္ပံကျောင်းတွင်ကျောင်းအုပ်ကြီးအဖြစ် ၄ နှစ်ခန့်သင်ကြားပို့ချခဲ့သည်။

ကျမ်းမြတ်ကုရ်အာန်ကို မြန်မာဘာသာသို့ပြန်ဆိုရန် မြန်မာနိုင်ငံအစ္စလာမစ်ဘာသာရေးအဖွဲ့ (Islamic Society Burma) ဖွဲ့စည်းသောအခါ ဆရာသည်အဖွဲ့ဝင်တစ်ဦးအဖြစ်ပါဝင်သည်။ ပြီးနောက်တာဝန်ခံဘာသာပြန်မှူးအဖြစ် ဆောင်ရွက်ရန်ဝန်ကြီးဟောင်းဦးခင်မောင်လတ်နှင့် ၀န်ကြီးဟောင်းဦးရာရှစ်တို့က ရန်ကုန်မြို့သို့ဖိတ်ခေါ်ခဲ့ရာမှစ၍ ဘာသာပြန်လုပ်ငန်းကြီးပြီးဆုံးတိုင်ဆောင်ရွက်ခဲ့သည်။ ၁၉၄၆ ခုနှစ်၊ စက်တင်ဘာလ သာစည်မြို့တွင်ကျင်းပသည့် အိုလမာညီလာခံ၌ ဆရာကြီးဦးရာဇတ်ကိုယ်တိုင်က ကုရ်အာန်ကျမ်းမြတ်ကို မြန်မာဘာသာဖြင့် အမြန်ဆုံးပြန်ဆိုကြရန်တိုက်တွန်းခဲ့သည့်အပေါ် အိုလမာအဖွဲ့ချုပ်က ဆရာဃာဇီကို ကုရ်အာန်ဘာသာပြန်တာဝန်ခံမှူးအဖြစ်ခန့်အပ်ခဲ့သည်။ တိုက်ရိုက်မြန်မာဘာသာပြန် သိဘ်ယာနုလ်ကုရ်အာန်ကျမ်းကို ၁၉၅၄ ခုနှစ်မှစတင်ပြီး ၁၉၉၂ခုနှစ်ကျမှ အပြီးသတ်ပုံနှိပ်ပြီးစီးခဲ့သည်။

၁၉၄၅ တွင် ပျဉ်းမနားမြို့၌ ဗမာမွတ်စလင်ကွန်ဂရက်စတင်တည်ထောင်စဉ်က ဗဟိုအလုပ်အမှုဆောင်အဖွဲ့ သာသနာရေးတာဝန်ခံအဖြစ်အရွေးခံရသည်။ ၁၉၄၆ တွင် ဗမက မှ ကြီးမှူး၍ ဗမာနိုင်ငံလုံးဆိုင်ရာ ဗမာမွတ်စလင်အိုလမာအဖွဲ့ ဖွဲ့စည်းသောအခါထိုအဖွဲ့၏ ပထမဥက္ကဋ္ဌအဖြစ်ဆောင်ရွက်သည်။ ဆရာသည်နိုင်ငံတော်အလံကိစ္စ၊ သ၀ဏ်လွှာကိစ္စ၊ အမျိုးသမီးလွတ်လပ်ခွင့်ကိစ္စ၊ စစ်မှုထမ်းဥပဒေကိစ္စများတွင် အိုလမာအဖွဲ့ချုပ်၏ အဲဟ်လေ့စွန်နသ်ဆရာကြီးများနှင့် သဘောထားကွဲလွဲလာသဖြင့် ၁၉၅၉ ခုနှစ်ဖေဖော်ဝါရီလ ၁၂ ရက်နေ့တွင် အိုလမာအဖွဲ့မှ နုတ်ထွတ်ခဲ့သည်။

၁၉၆၀ ပြည့်နှစ်တွင်တောင်ငူမြို့၌ကျင်းပသော အစ္စလာမ်သာသနာရေးကောင်စီညီလာခံတွင်ဆရာ့ကို ကောင်စီဥက္ကဋ္ဌကြီးအဖြစ်ရွေးကောက်တင်မြှောက်လိုက်ကြသည်။

ဆရာ၏နိုင်ငံကိုယ်စားပြုအဖွဲ့ကြီးတစ်ဖွဲ့ကိုဦးစီးဦးဆောင်ပြုမှု၊ အစ္စလာမ်သာသနာရေးစာပေများကိုပြုစုမှု၊ မြန်မာ့ရေမြေနှင့် သဟဇာတဖြစ်အောင်ပြုမူပြောဆိုကျင့်ကြံမှုတို့ကြောင့် ၁၉၆၂ခုနှစ်၊ ဖေဖော်ဝါရီလ ၄ ရက်နေ့ နိုင်ငံတော်သမ္မတက ချီးမြှင့်သည့် သီရိပျံချီဘွဲ့ကိုလက်ခံရရှိခဲ့သည်။

မြန်မာမွတ်စလင်အွမ္မသ်အပေါ် ဆရာဃာဇီ၏ကျေးဇူးကြီးမားလှသည်။ တမန်တော်မြတ်(ဆွလ္လလ္လာဟုအလိုင်းဟိဝစလ္လမ်)၏ အတ္ထုပ္ပတ္တိကို မွတ်စလင်ကမ္ဘာတွင်ကျော်ကြားသော ရှမ်စုလ်အိုလမာမော်လာနာရှစ်ဗ်လီနုအ်မာနီ၏ စီရသွန်နဗီကျမ်းကြီးမှ ကောက်နုတ်ပြီးမူရင်းသဘောမပျက်စေဘဲ ပြုပြင်ဖြည့်စွက်ပြန်ဆိုရေးသားထားခြင်းဖြစ်သည်။

ဟဒီးဆ်ကဏ္ဍမှာလည်း ဆရာဃာဇီ၏ကျေးဇူးကြီးမားလှသည်။ တမန်တော်မြတ်၏သြ၀ါဒကျမ်းအမည်ဖြင့် နာမည်ကျော် မစ်ရ်ှကားသ်ကျမ်း ကေသာဘုလ်အီမာန် ယုံကြည်ခြင်းကဏ္ဍကို ပြန်ဆိုထားခြင်းဖြစ်သည်။

ဗုခါရီကျမ်း မြန်မာဘာသာပြန်ကိုလည်း ၁၉၈၉ ခုနှစ်မေလတွင် ထုတ်ဝေသည်။ အမျိုးသမီးများနှင့် ပတ်သက်၍လည်း သမီးတော်ဟူသောအမည်ဖြင့် တမန်တော်မြတ် (ဆွလ္လလ္လာဟုအလိုင်းဟိဝစလ္လမ်)၏ သမီးတော် ဖာသေမဟ်သခင်မအကြောင်းကို ၁၉၆၃ ခု နိုဝင်ဘာလတွင်ထုတ်ဝေဖြန့်ချိသည်။

ဆရာဃာဇီသည်အမျိုးသားခေါင်းဆောင်ကြီးဖြစ်သည်နှင့်အညီ အခါအားလျော်စွာ မြန်မာ့အသံမှ အသံလွှင့်ခွင့်လည်းရရှိခဲ့သည်။ အီဒ်နေ့၊ ဒေါက်တာအိက်ဗာလ်နေ့များတွင် မြန်မာ့အသံမှအသံလွှင့်ဟောကြားခဲ့သည်။

အဖက်ဖက်မှ နိုင်ငံ့တာဝန်၊ လူမျိုးတာဝန်များထမ်းဆောင်ရင်း သီရိပျံချီ မုဖစ္စိရွလ်ကုရ်အာန် အလ္လာမဟ်ဃာဇီဟာရှင်သည် ၁၉၉၃ ခုနှစ် ဧပြီလ ၁၄ ရက်နေ့ ည ဆယ်နာရီ ဆယ်မိနစ်တွင် အလ္လာဟ်အရှင်မြတ်အမိန့်တော်ကို ခံယူခဲ့ပါသည်။
—————

ပါမောက္ခဒေါက်တာအောင်ဇော် ရေးသားပြုစုသော တိုင်းရင်းမွတ်စလင်စာပြုစာဆိုပုဂ္ဂိုလ်ကျော်များ စာအုပ်မှ မှီငြမ်းတင်ပြပါသည်။

ဉာဏ်အလင်းအတွဲ (၁) အမှတ်(၃) အတ္ထုပ္ပတ္တိကဏ္ဍဖြစ်ပါတယ်။

(M.အောင်မြတ်ဦးရေးသည်)

ဉာဏ်အလင်း အတွဲ(၁) အမှတ်(၃) ကို Download ရယူရန် –
Mediafire – http://bit.ly/2jBaW9S
pCloud – http://bit.ly/2l0FGNP
Dropbox – http://bit.ly/2jHxCAE