အာရဗီစာပေမှ ဆင်းသက်သော အင်္ဂလိပ်စကားလုံး

ကဏ္ဍ – Translation

(Nulla)

အောက်တွင်ဖော်ပြမည့် အင်္ဂလိပ်စကားလုံးသည် အာရဗီစာပေမှ တိုက်ရိုက်သို့မဟုတ် သွယ်ဝိုက်ဆင်းသက်လာခြင်းဖြစ်သည်။ သွယ်ဝိုက်ဆင်းသက်သည်ဆိုသည်မှ အာရဗီစကားလုံးကို တခြားစာပေတစ်ခုခုက မွေးစားသုံးစွဲပြီးနောက်မှ အင်္ဂလိပ်က ထပ်ဆင့်မွေးစားလိုက်ခြင်းဖြစ်သည်။ များသောအားဖြင့် ရောမစာပေက မွေးစားပြီးမှ အင်္ဂလိပ်က ထပ်ဆင့်မွေးစားသည်ကို တွေ့ရှိရသည်။ လစဉ် စကားလုံးတစ်လုံးစီကျ ဖော်ပြသွားပါမည်။

Caraway (ကရဝေး)

كرويا karawiyā | كراويا karāwiyā ဆိုသည့်စကားလုံး၏ တိုက်ရိုက်အဓိပ္ပာယ်မှာ “ကရဝေးပင်” ဖြစ်သည်။ မြန်မာစာဖြင့်လည်း ကရဝေးကို ကရဝေးပင်ဟုသာ ခေါ်ဝေါ်သုံးစွဲပုံကိုထောက်ခြင်းအားဖြင့် အာရဗီဘာသာစကားကို ဆွဲယူမွေးစားထားသည်မှာ ထင်ရှားလှ၏။

ကရဝေးဆိုသည့် အသုံးအနှုံးသည် အလယ်ခေတ် အာရဗီစာပေတွင် အင်မတန်ခေတ်စားခဲ့သည်။ Caraway ဆိုသည့် အင်္ဂလိပ်စာလုံးပေါင်းကို ၁၃၉၀ ပြည့်နှစ်များတွင် ရေးသားခဲ့ကြသော ချက်နည်းပြုတ်နည်းစာအုပ်များတွင် စတင်တွေ့ရှိရသည်။

ကရဝေးပင်သည် မြန်မာနိုင်ငံအနှံ့အပြား၌ ပေါက်ပြီး တနင်္သာရီတိုင်းဒေသကြီးတွင် အမြောက်အမြားတွေ့နိုင်သည်။ ဤအပင်သည် သစ်ကြမ်းပိုးမျိုးဝင် အပင်တစ်မျိုးဖြစ်ပြီး သစ်ကြမ်းပိုးပင်နှင့် ခပ်ဆင်ဆင်တူသည်။ ပေ ၃၀ မှ ၄၀ ထိမြင့်သည်။ ကရဝေးရွက်၏ ပုံသဏ္ဌာန်မှာ လှံသွားပုံရှိ၍ ကြွပ်ဆတ်သည်။ ကရဝေးသာ၏ အရသာမှာ လိမ္မော်ညိုရောင်ဖြစ်၍ စမုန်စပါးနံ့သင်းသည်။

ဟင်းခတ်အမွှေးအကြိုင်များတွင် ကရဝေးရွက်ပါဝင်သည်။ ထောပတ်ထမင်း၊ ဒန်ပေါက်ထမင်းစသည်တို့တွင် ကရဝေးရွက်မပါလျှင် မပြီးချေ။ ဘယဆေး ဖေါ်ရာ၌လည်း ကရဝေးရွက်ပါဝင်သည်။

ဇွန်လထုတ် ဉာဏ်အလင်း အတွဲ(၁) အမှတ်(၇) ကို အောက်ဖော်ပြပါ ကြိုက်နှစ်သက်ရာ Link တစ်ခုကနေ Download ရယူနိုင်ပါပြီ။
Mediafire – http://bit.ly/2sfEZqD
pCloud – http://bit.ly/2sMWi38
Dropbox – http://bit.ly/2thhOKM