စာဖတ်ခြင်း သို့မဟုတ် ကွယ်ပျောက်လု မွတ်စလင့်အမွေအနှစ်

ကဏ္ဍ – Education

(စတီဗင်)

စိတ်နှလုံးပြတင်းပေါက်

“အိမ်ပြတင်းပေါက်တွေလိုပဲ၊ စာအုပ်ဆိုတာ စိတ်နှလုံးရဲ့ပြတင်းပေါက်ပါ”။ ပြတင်းပေါက်မရှိတဲ့အိမ်တစ်အိမ်ရဲ့အဖြစ်ကို တွေးကြည့်ရအောင်။ အလင်းရောင်မရှိတော့ ပိန်းပိတ်အောင်မှောင်ပြီး လေဝင်လေထွက်မရှိတော့ အောက်သိုးသိုးနံ့ထွက်နေမှာအသေအချာပါပဲ။ အိမ်ထဲဝင်လိုက်တာနဲ့ စိတ်အာရုံကိုထိုင်းမှိုင်းစေပါလိမ့်မယ်။ ပြတင်းပေါက်ဟာ အိမ်အတွင်း အလင်းရောင်ကို ယူဆောင်လာပေးပါတယ်။ ပြတင်းပေါက်ဟာ အောက်သိုးသိုးနံ့ထွက်နေတဲ့ အိမ်အတွက် လေပြေညင်းကိုသယ်ဆောင်ပေးပါတယ်။ ပြတင်းပေါက်ဟာ ကြီးမားကျယ်ပျံ့တဲ့ မျက်စိတစ်ဆုံးမြင်ကွင်းကို မြင်နိုင်အောင်ဖန်တီးပေးပါတယ်။ အိမ်အတွင်း ပြတင်းပေါက်လိုသလို စိတ်နှလုံးအတွက် စာအုပ်လိုပါတယ်။ စာအုပ်တွေဟာ စိတ်ပြတင်းပေါက်တွေပါပဲ။ စိတ်နှလုံးအတွက် အတွေးအမြင်အသစ်တွေ ဖွင့်လှစ်ပေးတာလည်း စာအုပ်အသစ်ပါပဲ။

ဖတ်ပါ

ပထမဆုံးချီးမြှင့်ခံရတဲ့ ကုရ်အာန်စာလုံးက “အိက်ရာအ်” ပါ။

မွတ်စလင်မှန်ရင် စာမဖတ်လို့ကိုမဖြစ်ပါဘူး။ ကုရ်အာန်ကျမ်းစာကိုတော့ ဖတ်ကိုဖတ်ရှုရပါမယ်။ ကုရ်အာန်ရဲ့ ပထမဆုံးစာလုံးဟာလည်း “အိက်ရာအ်” ပါ။ အဓိပ္ပာယ်ကတော့ “ဖတ်လော့”ပါ။

အိက်ရာအ်ဆိုတဲ့ စာလုံးချပေးခံရတဲ့နေ့ကစလို့ မွတ်စလင်တွေဟာ စာဖတ်ခြင်း၊ သင်ယူခြင်းနဲ့ လေ့လာခြင်းတို့က တစ်ဆင့် လူသားမျိုးနွယ်ကို ဦးဆောင်ခဲ့ပါတယ်။ အဲဒီစကားလုံးမတိုင်က ဒါတွေလုပ်ရကောင်းမှန်းကို မသိခဲ့ပါဘူး။ အတိတ်က မွတ်စလင်လူထုဟာ စာကြမ်းပိုးတွေ စာသရဲတွေလို့ တင်စားရလောက်အောင်ကို စာဖတ်ခဲ့ကြပါတယ်။ မွတ်စလင်စာရေးဆရာတွေဟာ ထောင်ပေါင်းများစွာသောစာအုပ်တွေရေးခဲ့ကြပါတယ်။ ကျမ်းမြတ်ကုရ်အာန်လောက် အဋ်ဌကထာကျတဲ့ ရှင်းလင်းဝေဖန်ရေးကျမ်း မပေါ်သေးပါဘူး။ တမန်တော်မြတ် ဆွလ္လလ္လာဟုအလိုင်းဟိဝစလ္လမ်ရဲ့ ဘဝဇာတ်ကြောင်းကို လေ့လာကြည့်ပါ။ သူ့လောက်မော်ကွန်းထိုးနိုင်ခဲ့တဲ့လူလည်း မပေါ်သေးပါဘူး။ မွတ်စလင်မဟုတ်သူတွေကိုတိုင် မော်ကွန်းထိုးပြီး ထိပ်ဆုံးတင်ထားရတဲ့ ပုဂ္ဂိုလ်မြတ်ဖြစ်ပါတယ်။

အဲဒီလို ကြွယ်ဝတဲ့ယဉ်ကျေးမှုအမွေအနှစ်တွေပိုင်ဆိုင်ခဲ့တဲ့ မွတ်စလင်တွေရဲ့ ဒီနေ့ခေတ်အခြေအနေကို ငှဲ့စောင်းကြည့်လိုက်မယ်ဆိုရင်တော့ အင်မတန်စာဖတ်နည်းသူတွေအဖြစ် မြင်တွေ့ရမှာပါ။ စာဖတ်တဲ့အစဉ်အလာကိုသာ ထိန်းသိမ်းခဲ့မယ်ဆိုရင် ဒီနေ့ကမ္ဘာပေါ်မှာ စာဖတ်အားအကောင်းဆုံးက မွတ်စလင်တွေဖြစ်နေမှာပါ။ အတိတ်ကမွတ်စလင်တွေတို့ အောင်မြင်ခဲ့တဲ့အကြောင်းအရင်းတွေထဲမှာ စာဖတ်ခြင်းဟာလည်း တစ်ချက်အပါအဝင်ဖြစ်ပါတယ်။ စာဖတ်ခြင်းအားဖြင့် အတွေးအမြင်ကို ထက်မြတ်စေပြီး မဟာအတွေးအခေါ်ပိုင်ရှင်တွေ ဖြစ်လာစေနိုင်ပါတယ်။

ဒီနေ့ အမျိုးမျိုးသော အကြောင်းအရာတွေပါတဲ့ အစ္စလာမ့်အမွေအနှစ်အကြောင်း ရေးသားထားတဲ့ စာအုပ်တွေကို ကမ္ဘာ့အဓိကဘာသာစကားအားလုံးနဲ့ ရရှိနိုင်ပါပြီ။ အစ္စလာမ်နဲ့ပတ်သက်တဲ့ ထူထဲလှတဲ့ စာအုပ်ကြီးတွေကနေ လစဉ်မဂ္ဂဇင်း၊ အပတ်စဉ် ဂျာနယ်၊ နေ့စဉ်သတင်းစာတွေသာမက ပမ်းဖလက်လေးတွေ၊ တစ်မျက်နှာထဲပါတဲ့ လက်ကမ်းစာရွက်လေးတွေထိအောင် ကျယ်ပျံ့စွာရှိနေပါတယ်။ နည်းပညာတိုးတက်လာတာနဲ့အမျှ e-Magazine တွေ၊ Website တွေ၊ လူမှုကွန်ရက်စာမျက်နှာတွေကနေတစ်ဆင့်လည်း အစ္စလာမ့်စာအုပ်စာပေတွေကို မမြင်ချင်မှအဆုံးပါပဲ။ သူ့ပရိသတ်နဲ့သူဖတ်လို့ရအောင်ပါ။ ဒါ့အပြင် အစ္စလာမ်စာအုပ်စာပေတွေကို ဝယ်ယူရင်ဈေးချိုတာများပါတယ်။ အခမဲ့ရတဲ့စာအုပ်တွေလည်း ထုနဲ့ထေးပါ။ ဒီလောက်အဆင်ပြေလွယ်ကူနေတာတောင် မွတ်စလင်တော်တော်များများကတော့ စာဖတ်ဖို့ကို လုံးဝနီးပါး စိတ်မဝင်စားကြပါဘူး။

အချိန်မရှိဘူး

စာအုပ်ဖတ်ဟေ့လို့ဆိုလိုက်ရင် အများဆုံးရတတ်တဲ့တုံ့ပြန်မှုက “အချိန်မရှိဘူး” ဆိုတာပါပဲ။ ဒီတုံ့ပြန်မှုက တော်တော်လေးအံ့သြစရာကောင်းပါတယ်။ အဲဒီအချိန်မရှိဘူးဆိုသူတွေကပဲ နေ့စဉ်ထုတ်သတင်းစာတွေရဲ့ ၀ါဒဖြန့်ချိမှုကို ကျေကျေနပ်နပ်ကြီး ခံယူနေပါတယ်။ အတင်းအဖျင်းမဂ္ဂဇင်းတွေကိုလည်း ဖတ်လိုက်ကြပါသေးတယ်။ တီဗီတွေ ဗီဒီယိုတွေကိုလည်း ကြည့်နိုင်ကြပါတယ်။ ကွန်ပြူတာဂိမ်းဆိုရင်လည်း မလွှတ်သေးပါဘူး။ အဆိုးဆုံးကတော့ လူမှုကွန်ရက်တွေဖြစ်တဲ့ Facebook, Viber, We Chat, Whatsup, Line, Twitter တွေကို နေ့မအိပ်ညမအိပ် နာရီပေါင်းများစွာအသုံးပြုနနေကြတာပါပဲ။ အားကစားပြုလုပ်ခြင်း၊ အားကစားပြိုင်ပွဲများကြည့်ရှုအားပေးခြင်း၊ ဈေးဝယ်ထွက်ခြင်း၊ မိသားစုအပြင် သူငယ်ချင်းတွေနဲ့အချိန်ပေးခြင်းတွေအတွက်ကလည်း အချိန်ရလိုက်ပါသေးတယ်။ တချို့ဆို ကလပ်တက်၊ ပါတီသွားတောင် လုပ်နိုင်ကြပါတယ်။

“အသိပညာဆိုတာ သမုဒ္ဒရာလိုပဲ” တို့၊ “ပုခတ်တွင်းမှ သင်္ချိုင်းသို့တိုင်ပညာသင်ယူရမယ်” ဆိုတဲ့ အချက်တွေကို မွတ်စလင်တွေကောင်းကောင်းသိကြပါတယ်။ အလ္လာဟ်အရှင်မြတ်ရွေးချယ်သတ်မှတ်ပြီးဖြစ်တဲ့ လမ်းအတိုင်း တစ်ဘဝလုံးရဲ့ ၂၄ နာရီနဲ့ ၃၆၅ ရက်လုံးကို ကျော်ဖြတ်ကြရမယ်ဆိုတဲ့ အခြေခံအသိတရားကိုတော့ မွတ်စလင်တိုင်းသိကြပါတယ်။ ဟဒီးဆ်တော်တစ်ပုဒ်မှာ အခုလိုလာရှိပါတယ်။ “အသိပညာဆည်းပူးခြင်းသည် မွတ်စလင်အမျိုးသား၊ အမျိုးသမီးတိုင်းအတွက် မပြုမနေရတာဝန်ဖြစ်သည်” တဲ့။

အကောင်းဆုံးအဖော်မွန်

ပညာသင်ယူရာမှာ စာအုပ်တစ်အုပ်ဟာ အာဏာရှင်မဆန်ပါဘူး။ စာအုပ်တစ်အုပ်က ဘယ်အချိန်မှာဖတ်ကိုဖတ်ရမယ်ဆိုပြီး သင့်ကိုအချိန်သတ်မှတ်ချက်ထားမှာမဟုတ်ပါဘူး။ ကာလံ၊ ဒေသံကိုလည်း ထိန်းချုပ်မထားပါဘူး။ စာအုပ်တွေဟာ ဘာမှတောင်းဆိုခြင်းမရှိသလို တစ်ခုခုလုပ်ဖို့လည်း ကြိုးစားမှာမဟုတ်ပါဘူး။ စာအုပ်တွေဟာ လူတစ်ယောက်ထဲအတွက် ကန့်သတ်မထားဘဲ စာအုပ်တစ်အုပ်ထဲနဲ့တင် တစ်မိသားစုလုံးနဲ့ လူမျိုးတစ်စုလုံးကို အကျိုးပြုနိုင်ပါတယ်။ ယူတတ်သူတွေအတွက် နှစ်ပေါင်းများစွာကြာတဲ့ထိလည်း အကျိုးကျေးဇူးတွေပေးစွမ်းနိုင်စွမ်းရှိပါတယ်။

ဒီနေ့ခေတ်မှာ ညစ်ညမ်းစာပေနဲ့ မသတီစရာစာပေတွေဟာ ကမ္ဘာအရပ်ရပ်ကို ထိုးဖောက်လျက်ရှိပါတယ်။ ဒီတော့ မွတ်စလင်တွေအနေနဲ့ ကောင်းမွန်တဲ့စာအုပ်စာပေတွေ၊ အစ္စလာမ့်စာအုပ်စာပေတွေဘက်ကိုလှည့်ပြီး မကောင်းတဲ့စာအုပ်တွေအတွက် နေရာမရှိတော့အောင် မိမိတို့အိမ်နဲ့ စာကြည့်တိုက်အသီးသီးက စာအုပ်စင်တွေမှာ အဲဒီလိုစာအုပ်တွေနဲ့ နေရာမလပ် အပြည့်ဖြည့်ထားဖို့လိုအပ်ပါတယ်။ ကွက်လပ်တစ်ခုကိုအကြာကြီး ဟထားလို့မရပါဘူး။ အဲဒီနေရာကို အနှေးနဲ့အမြန်ဆိုသလို တစ်ခုခုနဲ့ဖြည့်တင်းရမှာပါ။ မကောင်းတဲ့အရာနဲ့ ဖြည့်တင်းမယ့်အစား တစ်ခုလုံးကို ကောင်းမွန်တာတွေနဲ့ချည်းဖြည့်တင်းလိုက်ပါ။ အစ္စလာမ့်စာအုပ်စာပေတွေဟာ ဖယောင်းတိုင်မီးတောက်လေးလိုပါပဲ။ ညအမှောင်ထုမှာ အမှောင်ကိုခွင်းပြီး အလင်းဆောင်ပေးနိုင်ပါတယ်။

မိသားစုနဲ့အတူ

မိသားစုလိုက်စာအုပ်ဖတ်မယ်ဆိုရင် ကြည်နူးစရာအချိန်လေးတွေကိုဖန်တီးပေးနိုင်ပါလိမ့်မယ်။ ဒ့ါအပြင် ချစ်ခင်ရင်းနှီးမှု၊ ကြင်နာမှုနဲ့ ဂရုစိုက်မှုတွေကို ခိုင်မြဲစေပါတယ်။ အားလုံးကိုယ့်အလုပ်ကိုယ်လုပ်ပြီး ကိုယ့်အခန်းထဲကိုယ် အောင်းနေခြင်းက အိမ်ကိုအိမ်နဲ့မတူစေဘဲ သူစိမ်းတွေစုနေတဲ့ တည်းခိုခန်းလိုဖြစ်စေနိုင်ပါတယ်။ မိသားစုလိုက် စာအုပ်ဖတ်ခြင်းအားဖြင့် အားလုံးအတူတကွပူးပေါင်းဆောင်ရွက်ပြီးသားဖြစ်ပါလိမ့်မယ်။ လူငယ်တွေနဲ့ ကလေးငယ်တွေရဲ့ စိတ်နှလုံးကိုလည်း အစ္စလာမ့်တန်ဖိုးတွေ ရိုက်သွင်းပြီးသားဖြစ်စေမှာပါ။ ဒါ့အပြင် တီဗီ၊ ဗီဒီယိုနဲ့ လူမှုကွန်ရက်ကြောင့်ဖြစ်ရတဲ့ ဆိုးကျိုးတွေကိုလည်း အထိုက်အလျောက်ကာကွယ်ပြီးသားဖြစ်စေပါလိမ့်မယ်။

အကြံပြုချက် (၅) ချက်

အောက်ပါအချက်ငါးချက်ကိုအသေအချာမှတ်သားထားပြီး အကောင်အထည်ဖော်ကြည့်ပါ။

(၁) အစ္စလာမ်စာအုပ်စာပေဖတ်ရှုတော့မယ်ဆိုရင် အသေအချာရွေးချယ်ပါ။ ခေါင်းစဉ်လှလှ၊ အဖုံးလှလှလေးပါရုံနဲ့ အဲဒီစာအုပ်က ဖတ်ဖို့စိတ်ချရပြီလို့မဆိုနိုင်ပါဘူး။ အစ္စလာမ့်စာအုပ်စာပေရွေးချယ်မှုဆိုတာ မိုင်းကွင်းကြီးကိုဖြတ်လျှောက်ရသလိုပါပဲ။ အတွေ့အကြုံရင့်ကျက်သလို ယုံကြည်စိတ်ချရပြီး တတ်ကျွမ်းတဲ့ပညာရှင်တွေကိုချဉ်းကပ်မေးမြန်းပြီးမှသာ ၀ယ်ယူဖတ်ရှုသင့်ပါတယ်။ (အထူးသဖြင့်ပရ်ဝေဇီ၊ ရှီအာနဲ့ ဟဒီးဆ်လက်မခံတဲ့အုပ်စုကရေးသားတဲ့ မိမိအီမာန်ကို မသိမသာဆွဲထုတ်မယ့် စာအုပ်တွေကို သတိကြီးကြီးထားပြီး ရှောင်ရှားဖို့လိုအပ်ပါတယ်)

(၂) အစ္စလာမ့်စာအုပ်စာပေအများစုမှာ ကုရ်အာန်နဲ့ ဟဒီးဆ်တွေပါဝင်တတ်ပါတယ်။ ဒါကြောင့်ဒီစာအုပ်တွေကို ကိုင်တွယ်ဖတ်ရှုတာပဲဖြစ်ဖြစ်၊ သိမ်းဆည်းတာပဲဖြစ်ဖြစ် ဂရုတစိုက်နဲ့ တလေးတစားရှိဖို့အရေးကြီးပါတယ်။ အဲဒီစာအုပ်တွေဖတ်တော့မယ်ဆိုရင် ခြေဆင်းပြီးဖတ်ခြင်း၊ မလေးမစားကိုယ်နေဟန်ထားနဲ့ဖတ်ရှုခြင်းမျိုးမလုပ်သင့်ပါဘူး။ ဒါ့အပြင် ၀ုဇူကိုယ်လက်သန့်စင်ခြင်းပြုလုပ်ပြီးမှသာ ဖတ်သင့်ပါတယ်။ အစ္စလာမ့်စာအုပ်တွေကို သန့်သန့်ပြန့်ပြန့်ထားပါ၊ အမြင့်မှာထားပါ၊ မရိုမသေဖြစ်နိုင်တဲ့နေရာမှာ မထားပါနဲ့။ စာအုပ်ထဲမှာ မလိုအပ်ဘဲ လျှောက်ခြစ်ခြင်း၊ ဖြဲခြင်း သို့မဟုတ် မသပ်မရပ်ကိုင်တွယ်ခြင်းတွေ မလုပ်ပါနဲ့။ စာအုပ် စက္ကူဆွေးမြေ့ပြီး ဖတ်ဖို့အဆင်မပြေတော့ဘူးဆိုရင် တလေးတစားနဲ့ မြေမြှုပ်ပစ်ရပါမယ်။

(၃) စာအုပ်ဝယ်ခြင်း သို့မဟုတ် ငှားရမ်းခြင်းက တစ်ကဏ္ဍ၊ စာဖတ်တာက နောက်တစ်ကဏ္ဍပါ။ အဲဒီကဏ္ဍနှစ်ခုကို အများစုကရောနှောနေတတ်ပါတယ်။ ကိုယ့်လက်ထဲမှာစာအုပ်ရှိနေရုံနဲ့မလုံလောက်သေးပါဘူး။ အဲဒီစာအုပ်ကို အသုံးချဖို့၊ စာအုပ်ထဲကနေ အကျိုးရှိတာတွေရယူမှတ်သားဖို့အတွက် ဖတ်ကို ဖတ်ရပါမယ်။

(၄) စာဖတ်ရမယ်အချိန်ကို သီးသန့်သတ်မှတ်ထားပါ။ တစ်နေ့ကို အချိန်တစ်ခုအတိအကျသတ်မှတ်ပြီး အဲဒီအချိန်မှာ ၁၅-၂၀ မိနစ်လောက် နေ့စဉ်ဖတ်ဖြစ်အောင်ဖတ်ပါ။ အဲဒီလို ကိုယ့်ဖာသာစည်းကမ်းသတ်မှတ်ခြင်းအားဖြင့် စာဖတ်ဖြစ်ပါလိမ့်မယ်။

(၅) အိမ်မှာ ကိုယ်ပိုင်စာကြည့်တိုက်ငယ်လေးပုံစံတစ်ခုဖြစ်အောင်ဖန်တီးထားပါ။ အစ္စလာမ့်စာအုပ်စာပေတွေလည်း ပါဝင်ပါစေ။ ဒါ့အပြင် ဖြစ်နိုင်မယ်ဆိုရင် ရပ်ကွက်ထဲမှာလည်း ကိုယ်ထူကိုယ်ထစာကြည့်တိုက်လေးဖန်တီးသင့်ပါတယ်။ တစ်ယောက်ထဲမနိုင်ရင် ၀ါသနာတူသူတွေ စုလုပ်သင့်ပါတယ်။ ရပ်ကွက်စာကြည့်တိုက်ရှိခြင်းအားဖြင့် စာဖတ်ချင်ပေမယ့် စာအုပ်ဖိုးမတတ်နိုင်သူတွေအတွက် တန်ဖိုးမဖြတ်နိုင်လောက်အောင် အကျိုးထူးပါလိမ့်မယ်။

အခုပဲစာအုပ်ကောင်းတစ်အုပ်ဝယ်ပြီး ရင်းနှီးမြှုပ်နှံလိုက်ပါ။ တစ်သက်လုံးအတွက် အကျိုးရှိပါလိမ့်မယ်။ ကိုယ့်အတွက်သာမက ကိုယ့်သားသမီးတွေနဲ့ သူတို့ကမွေးဖွားလာတဲ့ မြေးတွေ မြစ်တွေက တစ်ချိန်ချိန်မှာ စာအုပ်စာပေတန်ဖိုးကို သိနားလည်လာပါလိမ့်မယ်။

ဇွန်လထုတ် ဉာဏ်အလင်း အတွဲ(၁) အမှတ်(၇) ကို အောက်ဖော်ပြပါ ကြိုက်နှစ်သက်ရာ Link တစ်ခုကနေ Download ရယူနိုင်ပါပြီ။
Mediafire – http://bit.ly/2sfEZqD
pCloud – http://bit.ly/2sMWi38
Dropbox – http://bit.ly/2thhOKM