ရမဇာန်ဆုတောင်း

ကဏ္ဍ – Editorial

ရမဇာန်လတွင်ထုတ်သည့် Issue ဖြစ်တာကြောင့် စာဖတ်ပရိသတ်တွေကို ရမဇာန် မုဘာရက် (ကောင်းချီးမင်္ဂလာအဖြာဖြာနဲ့ ပြည့်စုံတဲ့ ရမဇာန်လ) ဖြစ်ပါစေလို့ ဦးစွာပထမ နှုတ်ခွန်းဆက်သလိုသည်။ ယခုတစ်ကြိမ်နှင့်ဆိုလျှင် ဉာဏ်အလင်းထွက်သည်မှာ အတွဲ(၁) အမှတ် (၇) သို့ပင်ရောက်ခဲ့လေပြီ။ ဒီဇင်ဘာမှစ၍ ယခု ဇွန်လအထိ လစဉ်လတိုင်း အချိန်မှန်ထုတ်နိုင်ဖို့ ဉာဏ်အလင်းအဖွဲ့သားများ ကြိုးစားခဲ့သည်။ ကြော်ငြာရှင်များအတူ လစဉ်တရိပ်ရိပ်တိုးတက်လာသော စာဖတ်ပရိသတ်များကိုလည်း အထူးပင်ကျေးဇူးတင်ရှိပါသည်။ ယခုဆိုလျင် ဉာဏ်အလင်း၏ Facebook စာမျက်နှာသည်လည်း စည်စည်ကားကားဖြစ်နေပေပြီ။ မဂ္ဂဇင်းကို Download ရယူဖတ်ရှုသူများသည်လည်း ၃၀၀၀ နှင့် အထက်ရှိလာပြီဖြစ်သည်။

မီဒီယာတစ်ခုရပ်တည်ဖို့မလွယ်ပါ။ အထူးသဖြင့် မြန်မာနိုင်ငံတွင် မွတ်စလင်များဦးစီးသည့် မီဒီယာများအတွက် အခက်အခဲများရှိပါသည်။ ပထမဆုံးအချက်မှာ အစိုးရအာဏာပိုင်များ၊ စစ်တပ်၊ ဆန့်ကျင်ဘက်အဖွဲ့အစည်းများ၊ ၆၆ (ဃ) ကဲ့သို့ ဥပဒေများ စသဖြင့် ထည့်တွက်စရာက များလွန်းလှသည်။ ဒုတိယအချက်မှာ မီဒီယာတစ်ခုရပ်တည်ရန် ငွေအင်အားလိုသည်။ ယခုအချိန်ထိ ဉာဏ်အလင်းကို ပုံနှိပ်မီဒီယာအဖြစ် မထုတ်နိုင်သေးသည်မှာ ဤအချက်ကြောင့်ပင်ဖြစ်သည်။ မည်သို့ပင်ဆိုစေကာမူ တတ်နိုင်သမျှ တစ်ဖက်တစ်လမ်းမှ ကူညီအားဖြည့်ပေးနေကြသူများကို အင်မတန်ကျေးဇူးတင်မိသည်။ တတိယအချက်မှာ လူအင်အားဖြစ်သည်။ ဉာဏ်အလင်း လည်ပတ်အောင် အားဖြည့်နေသူများကို ရေတွက်လျင် လက်တစ်ဖက်ပင် မပြည့်ပါ။

မီဒီယာတစ်ခု တည်ထောင်ခြင်းကို အသီးသီးသောအပင်စိုက်ရခြင်းနှင့် ခိုင်းနှိုင်း၍ ရမည်ထင်သည်။ သီးစားပင်စိုက်လျင် ဦးစွာပထမ မျိုးစေ့ဝယ်ရသည်။ မြေနေရာပြင်ဆင်ရသည်။ စိုက်သောအပင်နှင့် ကိုက်ညီမည့် မြေ၊ ရေ၊ လေ၊ နေ ပတ်ဝန်းကျင်ကို ရွေးချယ်ရသည်။ မျိုးချရသည်။ ရေလောင်းပေါင်းသင်ရသည်။ အညှောင့်ထွက်ရန် စိတ်ရှည်လက်စောင့်ရသည်။ အင်မတန်အချိန်ယူရသောကိစ္စဖြစ်သည်။ အပင်စိုက်နည်းအမျိုးမျိုးတော့ရှိသည်။ ခေတ်မှီတိုးတက်လာသည်နှင့်အမျှ ဖြတ်လမ်းများလည်း မြောက်မြားစွာပေါ်နေပါပြီ။ သို့သော် ဉာဏ်အလင်းကို စိုက်ပျိုးရသည်မှာ မျိုးစေ့ဝယ်၊ မြေနေရာပြင်၊ ပတ်ဝန်းကျင်ရွေး၊ မျိုးချ၊ ရေလောင်းပေါင်းသင်၊ အချိန်ပေး စသည့် သမရိုးကျနည်းလမ်းသာဖြစ်သည်။ မည်သည့်ခေတ်မှီခြင်းမှမရှိ။ ခေတ်မီအောင်လုပ်ရန်လည်းမတတ်နိုင်။

မျှော်လင့်ချက်နှင့် စိတ်ကူးတွေကတော့ တစ်သီတစ်တန်းကြီးရှိသည်။ ကုန်ကြမ်းကားမရှိဟုဆိုရပေမည်။ အညှောင့်ထွက်စပြုလာသည့် ဉာဏ်အလင်းကို ပင်စည် ကိုင်းခက် သစ်သီးဝလံများဖြင့် ဝေဆာကာ အရိပ်လည်းရ၊ အသီးလည်းစားဆိုသည့် အများအကျိုးပြုအပင်မျိုးဖြစ်စေချင်သည်။ ထို့အတွက် ဉာဏ်အလင်းမိသားစုမှ ဆက်လက်ကြိုးစားဦးမည်ဟု သန္နိဋ္ဌာန်ချပါသည်။ အညှောင့်ထွက်စ ခုနှစ်လသား မိမိတို့ မီဒီယာလေး နှစ်ရှည်လများတိုင် အများအကျိုးပြု သီးစားပင်ကြီးဖြစ်ရပါစေသားဟုသာ လမြတ်ရမဇာန်ကို အကြောင်းခံပြီး အရှင့်ထံ ဝပ်တွားခယ တောင်းဆုခြွေအပ်ပါကြောင်း။

မုဟမ္မဒ် သွာလ်ဟာဟ် (ခ) စတီဗင်

12.6.2017 (1:41 AM)