အကြမ်းဖက်လုပ်ရပ်ကိုတိုက်ထုတ်ဖို့အတွက်အရေးကြီးတဲ့ Public Awareness

ကဏ္ဍ – Editorial
 
သမိုင်းဦးကာလမှစတင်၍ လူများသည် သူ့နယ်မြေကိုယ့်နယ်မြေ၊ သူ့အာဏာကိုယ့်အာဏာ၊ သူ့ဥစ္စာကိုယ့်ဥစ္စာ၊ သူ့အုပ်စုကိုယ့်အုပ်စု၊ သူ့လူမျိုးကိုယ့်လူများ၊ သူ့ဘာသာငါ့ဘာသာဟူ၍ ခေါင်းစဉ်များတပ်ကာ ပဋိပက္ခများ၊ စစ်ပွဲများဖြစ်ပွားခဲ့ကြသည်။
 
ယနေ့ခေတ်တွင်လည်း လူအများ ယဉ်ကျေး (Civilized) လာသည်နှင့်အမျှ တူရာစု၊ တူရာအားပေးသည့် လူ့အရိုင်းစိတ်အခံသည် တစ်ကျော့ပြန် အုံကြွလာသည်။ မိမိနှင့်အမျိုးတူ၊ ယုံကြည်ချက်တူ၊ ရပ်တည်ချက်တူသည့် လူအများဆီမှ အာဏာ၊ ယုံကြည်မှုနှင့် ကိုးစားမှုများလိုချင်သည့် စိတ်အခံကြောင့် အကြမ်းဖက်လုပ်ရပ်များကို ဘုရားဟောဗျာဒိတ်သဖွယ် ကျင့်သုံးလာကြပြန်သည်။
 
လက်တလောမြန်မာနိုင်ငံကြုံတွေ့နေရသည့် ပြဿနာသည်လည်း ဤသည်ပင်။ ခေါင်းစဉ်ကတော့လှသည်။ မျိုးချစ်စိတ်ဟူ၏။ တကယ်တမ်းမှာတော့ ဤသည် စစ်မှန်သည့်မျိုးချစ်စိတ်မဟုတ်ကြောင်း အသိဉာဏ်ရှိသူတိုင်း စဉ်းစားနိုင်သည်။ စီးပွားရေး၊ နိုင်ငံရေးနှင့် ဘာသာရေးအရ သူတစ်ပါးကို ဖိနှိပ်လွှမ်းမိုးလိုစိတ်၊ နေရာရယူပိုင်ဆိုင်လိုစိတ်နှင့် အားသာလိုသည့်စိတ်ကြောင့် အကြမ်းဖက်သည့်နည်းလမ်းကို မသိမသာတစ်မျိုး၊ သိသိသာသာတစ်မျိုး အသုံးချလာသည်။
 
ယခုအခြေအနေဆိုလျင် စစ်ပွဲများဟုန်းဟုန်းတောက်အောင် လောက်မြိုက်နေရုံမျှမက နိုင်ငံ၏၀င်ပေါက်ဖြစ်သည့် ရန်ကုန်အပြည်ပြည်ဆိုင်ရာလေဆိပ်အရှေ့တွင်ပင် ပြည်သူအများကောင်းစားရေးကို ဦးဆောင်လုပ်နေသူအား သတ်ပြနိုင်ခဲ့လေပြီ။ အမှန်တကယ်တွင် ဤအကြမ်းဖက်လုပ်ရပ်ကိုကျူးလွန်ရခြင်းသည် မျိုးချစ်စိတ်ကြောင့်မဟုတ်။ မိမိအကျိုးအတွက်ငှာ မျိုးချစ်စိတ်ဟူသည့်ခေါင်းစဉ်ကိုတပ်ပြလိုက်ခြင်းသာဖြစ်သည်။
 
အကြမ်းဖက်မှုကို တစ်ခုတွင် သက်ဆိုင်ရာအခြေခံအကြောင်းတရားများရှိသည်။ ယင်းအခြေခံအကြောင်းတရားများကို သိအောင်လုပ်ရမည်။ အကြမ်းဖက်လုပ်ရပ်ကျူးလွန်ခြင်းသည် မျိုးချစ်စိတ်ကြောင့်မဟုတ်၊ ဘာသာသာသနာကိုချစ်စိတ်ကြောင့်ထိန်းသိမ်းစောင့်ရှောက်ခြင်းမဟုတ်၊ မည်သည့်ရှုထောင့်မှကြည့်ကြည့် ကောင်းမွန်သည့်လုပ်ရပ်မဟုတ်ဆိုသည်ကို သက်ဆိုင်ရာအုပ်စုအလိုက်၊ ပြည်သူတစ်ဦးချင်းစီအလိုက် သိရှိနားလည်ရန် ကြိုးစားလုပ်ဆောင်ရမည်။ ဤသို့လုပ်ဆောင်ခြင်းဖြင့်သာလျှင် အကြမ်းဖက်သမားများကို လူ့အသိုင်းအ၀ိုင်းအတွင်းမှ ဖယ်ရှားနိုင်ပေမည်။
 
မတရားမှု သို့မဟုတ် မကောင်းမှုသည် တရားမျှတခြင်းနှင့် ကောင်းခြင်းတရားများကို အမြဲတစေအနိုင်ရမည်မဟုတ်ချေ။ အမှန်တရားသာလျှင်အမြဲတမ်းအင်အားကြီးသည်။ အမှန်တရားသည် တစ်ချိန်မဟုတ်တစ်ချိန်တွင် လယ်ပြင်မှာဆင်သွားသလို ဘွင်းဘွင်းရှင်းရှင်းကြီးပေါ်ပေါက်လာလိမ့်မည်။ လူအများစုသည် အမှန်တရားဘက်တွင် ရှိနေဖို့လိုအပ်သည်။ ထိုသို့ ရှိနေဖို့ကို ကြိုးစားဆောင်ရွက်ရမည်။ ဟစ်တလာသည်ပင် ကျရှုံးခဲ့သေးသည်မဟုတ်ပါလော။
 
ဤအချိန်သည် အကြမ်းဖက်မှုကို ပြည်သူလူထုအားဖြင့် တိုက်ထုတ်ရမည့်အချိန်ဖြစ်သည်။ အကြမ်းဖက်မှု၏နောက်ကွယ်တွင် လက်နက်လက်လှမ်းမီသည့်အုပ်စုများကပါ ပါဝင်နေသောကြောင့် ပို၍သတိထားကိုင်တွယ်ရမည်ဖြစ်သည်။ ပြည်သူလူထုအနေဖြင့်လည်း ပို၍စည်းစည်းလုံးလုံးဖြင့် မျက်ခြေမပြတ်တမ်းစောင့်ကြည့်ဖို့လိုသည်။ ဆင်သေကြီးသဖွယ်ဖြစ်သော အကြမ်းဖက်လုပ်ရပ်ကြီးကို ဆိတ်သားရေဖြင့် ဖုံးရန်ကြိုးစားနေသူများ၏ စကားများကိုလည်း နားမယောင်ဖို့အရေးကြီးသည်။
 
ယခင် ၂၀၁၃ ၀န်းကျင်ကကဲ့သို့ တစ်ခုခုပြောလိုက်သည်နှင့် အုံကြွလာသည့်ဖြစ်ရပ်မျိုး ယခုအခါမဖြစ်တော့ချေ။ အဘယ်ကြောင့်ဆိုသော် အားရစရာကောင်းလာသည့် Public Awareness (လူထုနားလည်သဘောက်ပေါက်လာခြင်း) ကြောင့်ဖြစ်သည်။ မြန်မာနိုင်ငံတွင် လူမျိုးစုံဘာသာစုံ မှီတင်းနေထိုင်ခြင်းကြောင့်လည်း အကြမ်းဖက်လုပ်ရပ်နှင့် အကြမ်းဖက်သမားများသည်လည်း မြန်မာနိုင်ငံတွင် သက်ဆိုးရှည်မည်မဟုတ်ချေ။ အကြမ်းဖက်လုပ်ရပ်သည် ဤမြေပေါ်သို့ လွယ်လွယ်နှင့်ရောက်မလာနိုင်သလို အချိန်ကြာမြင့်စွာအမြစ်တွယ်နိုင်မည်မဟုတ်ဟုလည်း ယုံကြည်သည်။ လက်နက်ရှိ၍လုပ်ခြင်းဆိုသော်လည်း တစ်ချိန်ကျလျှင် အဆုံးသတ်ကိုသတ်ပေလိမ့်မည်။
 
ဘာသာရေးအရေခွံအောက်တွင် သိုးရေခြုံသောဝံပုလွေကဲ့သို့ ခိုလှုံခွင့်ရရှိနေခြင်းကိုလည်း လုံးဝလက်မခံသင့်ပေ။ Terrorist Sympathizer (အကြမ်းဖက်သမားများအား စာနာထောက်ထားသူများ) လုံးဝမဖြစ်ဖို့အရေးကြီးသည်။ အကြမ်းဖက်ခြင်းသည် အကြမ်းဖက်ခြင်းသာဖြစ်ပြီး၊ အကြမ်းဖက်သမားသည် အကြမ်းဖက်သမားသာဖြစ်ကြောင်း၊ ၎င်းတွင်မည်သည့်ဘာသာချစ်စိတ်၊ မျိုးချစ်စိတ်မှမရှိကြောင်းနှင့် ကိုယ်ကျိုးသက်သက်ကြည့်သူသာဖြစ်ကြောင်း စိတ်ထဲ၌ သံမှိုရိုက်ထားသကဲ့သို့ စွဲထင်နေအောင် မှတ်သားထားဖို့လိုသည်။ ၎င်းတို့ကို မစင်ထက်ပင်ရွံရှာရပေမည်။
 
အကြမ်းဖက်မှုကို မြန်မာ့မြေပေါ်မှာ အမြစ်ဖြုတ်တိုက်ထုတ်ရန် ပြည်သူတစ်ဦးတစ်ယောက်ချင်းစီတိုင်းတွင် တာဝန်ရှိသည်။ နိုင်ငံသားဆိုသည့်စိတ်ဖြင့် တော်လှန်တိုက်ထုတ်ပစ်ရမည်။ ထို့အတွက် Public Awareness ရှိအောင် များများလုပ်ဖို့လိုအပ်ကြောင်း ဉာဏ်အလင်းက တိုက်တွန်းလိုက်ရပါသည်။
 
မိုဟမ္မဒ်သွာလ်ဟာဟ် (ခ) စတီဗင်
28.2.2017 (4:48AM)
 
မတ်လထုတ် အတွဲ(၁) အမှတ်(၄) Download ရယူရန် –
 
Mediafire – http://bit.ly/2mE2MPq
pCloud – http://bit.ly/2m6cB5B
Dropbox – http://bit.ly/2lqzmnz