မလောင်ခင်တားရမည့်မီး

ကဏ္ဍ – Editorial

ဟိုးပဝေသဏီကတည်းက စတင်၍ ယခုအချိန်ထိ ကမ္ဘာကြီး၌ ၀ါဒအမျိုးမျိုးထွန်းကားခဲ့သည်။ အချို့ဝါဒများသည် မ္ဘာအကျိုးပြု၊ လူသားအကျိုးပြုဝါဒများဖြစ်ပြီး အချို့ဝါဒများမှာမူအဆိပ်အတောက်များဖြစ်သည်။ လူသားများ ကိုယ့်အသိုင်းအ၀ိုင်းနှင့်ကိုယ် တစ်သီးတစ်သန့်နေထိုင်ချိန်မှအစပြုခဲ့သည်ဟုယူဆရပြီး ယခုအချိန်ထိကမ္ဘာကြီးကို မီးဟုန်းဟုန်းတောက်စေသည့်ဝါဒတစ်မျိုးရှိသည်။ ယင်းမှာလူမျိုးခွဲခြားရေးဝါဒ Racism ဖြစ်သည်။

လူမျိုးခွဲခြားရေးဝါဒဆိုသည်မှာ လူများက ကိုယ့်အုပ်စုနှင့်ကိုယ် မိမိတို့ဖာသာတစ်သီးတစ်သန့်သတ်မှတ်ပြီး အခြားသော အုပ်စု များနှင့် နှိုင်းယှဉ်ကြည့်ရာမှာတစ်ဆင့် ပေါ်ပေါက်လာသည့် စိတ်နေစိတ်ထားတစ်ခုဖြစ်သည်။

အုပ်စုများထဲ၌ လူဖြူ၊ လူမည်း၊ အာရှသား သို့မဟုတ် လက်တင်သား အစရှိသဖြင့် ရှိကြ၏။ ယင်းအုပ်စုများသည် တစ်စုံ တစ်ဦးအား သိရှိခွဲခြားရန် သတ်မှတ်ထားခြင်းဖြစ်သည်။ ယင်းသို့ သတ်မှတ်ခြင်းအားဖြင့် လူမှုဘ၀အပါအ၀င် ကဏ္ဍအတော်များများ အတွက် အဆင်ပြေစေနိုင်သော်လည်း လူမျိုးခွဲခြားရေးဝါဒ တွဲစပ်လိုက်လျှင်တော့ အန္တရာယ်ကို ဦးတည်ပေလိမ့်မည်။ လူသားများ သည် တစ်ဦးနှင့်တစ်ဦး အသားအရောင်နှင့် နိုင်ငံသားဖြစ်မှုတို့ အပေါ်မူတည်ပြီး ကွဲပြားအောင် ခြားနားခြင်းသာမက အာရယန်၊ ဟူတူ၊ တွတ်ဆီ၊ ရခိုင်၊ ဗမာ၊ ရိုဟင်ဂျာ အစရှိသည့် လူမျိုးစုများဖြင့်လည်း အုပ်စုခွဲလာကြသည်။

လူမျိုးခွဲခြားရေးဝါဒသည် ယုတ္တိဗေဒကို ဖီဆန်သည်။ စည်းမထား၊ အထာမထားပေ။ သည်းမခံနိုင်၊ လက်မခံနိုင်လောက် သည့် ခွဲခြားမှုများကို မီးမောင်းထိုးပြလေ့ရှိသည်။ ၂၀ရာစု၏ ထိတ်လန့်ကြောက်မက်ဖွယ်ရာ အကောင်းဆုံး ပဋိပက္ခဖြစ်စဉ်ကြီး နှစ်ခုရှိသည်။ ယင်းတို့မှာ Holocaustဟုခေါ်သည့် အစုလိုက်အပြုံလိုက်သတ်ဖြတ်မှုနှင့် ရ၀မ်ဒါလူမျိုးတုံးသတ်ဖြတ်မှုတို့ဖြစ်သည်။ ယင်းဖြစ်စဉ်နှစ်ခု လုံးသည်လူမျိုးခွဲခြားရေးဝါဒ၏ရလဒ်ပင်ဖြစ်သည်။ ဂျူးများသည်လူစဉ်မမီသောကောင်များ၊ အာရယန်လူမျိုးကြီးအတွက် ကပ်ပါးကောင် များဟုသမုတ်ကာ နာဇီဂျာမနီက ဂျူးခြောက်သန်းကို သတ်ဖြတ်ခဲ့သည်။ ရ၀မ်ဒါ၌လည်း အလားတူပင်။ တွတ်ဆီလူမျိုးစုကို အဖျက်ပိုးကာင်များ၊ ပိုးဟပ်များအဖြစ်သမုတ်ကာ ယင်းလူမျိုးရှစ်သိန်းကို ရက် ၁၀၀အတွင်း အစုလိုက်အပြုံလိုက်သတ်ဖြတ်ခဲ့ သည်။

လူမျိုးခွဲခြားရေးဝါဒသည် အပြောသက်သက်မဟုတ်ပေ။ လူမျိုးစုနှင့် ကြုံတွေ့နေရသော အနေအထားအပေါ် အခြေမခံဘဲ လူသားတိုင်း၏ စိတ်အတွင်း၌ ပေါက်ဖွားတည်ရှိနိုင်သည်။ လူတိုင်းနီးပါးတွင် အနည်းနှင့်အများ လူမျိုးခွဲခြားရေးဝါဒ စွဲကပ်နေသည်။ အကယ်၍ ထိုဥာဏ်ဆိုးကို မထိန်းချုပ်နိုင်ပါက အသိုင်းအ၀ိုင်းတစ်ခုအတွက် အန္တရာယ်အစပျိုးလိုက်ခြင်းဖြစ်ပေလိမ့်မည်။ ထိုမှတစ်ဆင့် တက်၍ အင်မတန်အန္တရာယ်ကြီးသော လူမျိုးခွဲခြားရေးမီးတောက်ကြီးများ လောက်မြိုက်ပေလိမ့်မည်။ လူမျိုးခွဲခြားရေးဝါဒသည် လူမျိုးတုံး သတ်ဖြတ်မှုထိတိုင် ဦးတည်သွားနိုင်ကြောင်း ကျနော်တို့ကို သမိုင်းက သင်ပေးခဲ့ပြီးဖြစ်သည်။

လူမျိုးခွဲခြားရေးဝါဒသည် မလောင်ခင်တားရမည့် မီးဖြစ်သည်။     

မိုဟမ္မဒ် သွာလ်ဟာဟ် (ခ) စတီဗင်

၂၈.၁၂.၂၀၁၆ (မနက် ၀၁း၄၈)