ခေတ်ဦးကစ၊ ခေတ်သစ်ထိအမြစ်တွယ်ဆဲရောဂါဆိုး

ကဏ္ဍ – Quran

အို – ‘မုအ်မင်န်’ သက်ဝင်ယုံကြည်သူအပေါင်းတို့၊ ယောက်ျားများသည် ယောက်ျားအား သရောက်သမှုမပြုရ။ (အကြောင်းသော်ကား) ထို (သရော်သမှုပြုခြင်းခံကြရသော) ယောက်ျားများသည် ထို (သရော်သောယောက်ျား)တို့ ထက်ပို၍ ကောင်းမြတ်သူများ ဖြစ်တန်ကြရာကုန်၏။ ထိုနည်းတူစွာ မိန်းမများသည်လည်း မိန်းမများအား သရော်သမှု မပြုကြရ။ ထို (သရော်သမှုပြုခြင်းကို ခံကြရသော) မိန်းမများသည် ထို(သရော်ကြသော မိန်းမ) များထက် ပို၍ ကောင်းမြတ်သူများ ဖြစ်တန်ကြရာကုန်၏။

၎င်းပြင် အသင်တို့သည် မိမိတို့အချင်းချင်း တစ်ဦးကိုတစ်ဦး ငြူစူစောင်းမြောင်းကဲ့ရဲ့ပြစ်တင်ခြင်းလည်း မပြုကြကုန်လင့်။ ထိုမှတပါး အသင်တို့သည် မိမိတို့အချင်းချင်း တစ်ဦးကိုတစ်ဦး သရော်သမှုပြုကြသော အမည်နာမများဖြင့်လည်း မှည့်ခေါ်ခြင်းမပြုကုန်လင့်။ ‘အီမာန်’ သက်ဝင်ယုံကြည်ပြီးနောက် ပြစ်မှုတည်းဟူသော အမည်နာမသည် လွန်စွာဆိုးရွားလှ၏။ သို့ပါလျက် မည်သူမဆို ၀န်ချတောင်းပန်ခြင်းမပြုခဲ့သော် ယင်းကဲ့သို့ သူတို့သည်သာလျှင် မတရားသောသူများဖြစ်ကြပေသတည်း။ ကျမ်းတော်မြတ်ကုရ်အာန် (အတွင်းဆောင်များကဏ္ဍ – ၄၉း ၁၁)

အထက်ပါအာယသ်တော်တွင် အလ္လာဟ်အရှင်မြတ်က ပြောင်လှောင်ခြင်းကို တားမြစ်ထားသည်။ သူတစ်ပါးကို ပြောင်လှောင်ခြင်း၊ နာမည်ဖျက်ခေါ်ခြင်း၊ ကဲ့ရဲ့ခြင်းသည်မလုပ်အပ်။ ပြောင်လှောင်ခြင်းခံရသောသူသည် ပြောင်လှောင်သောသူတို့ထက် ကောင်းမြတ်သူများဖြစ်ကောင်းဖြစ်နေနိုင်သည်။

ကောင်းရာညွှန်ကြား မကောင်းရာတားမြစ်အလုပ်သည် ကောင်းသော်လည်း မကောင်းရာသရော်၊ ကဲ့ရဲ့၊ ရှုတ်ချဝေဖန်ခြင်းသည် အတိုင်းအတာထက်လွန်ပါက အချင်းချင်းစိတ်ဝမ်းကွဲမှုများဖြစ်တတ်သည်။

ဟဒီးဆ်တော်တွင်လာရှိ၏။ မကောင်းသည့်အရာတစ်ခုကို တတ်နိုင်ပါက လက်ဖြင့်တားမြစ်ပါ၊ လက်ဖြင့်မတတ်နိုင်ပါက နှုတ်လျှာဖြင့်တားမြစ်ပါ၊ နှုတ်လျှာဖြင့်လည်းမလွယ်ကူပါက စိတ်ထဲမှမကောင်းမှုဟု ထင်မြင်ရှုတ်ချပါ။ သို့သော်မကောင်းမှုကြောင့် အရှေ့ကလူကို ပြောင်လှောင်ပိုင်ခွင့် အထင်သေးပိုင်ခွင့်မရှိပါ။

လူမှုကွန်ရက်များပေါ်တွင်ခေတ်စားသည့် Memes (မီးမ်) လုပ်ခြင်းများ၊ သရော်စာရေးခြင်းများ၊ သရော်ကာတွန်းဆွဲခြင်းများသည် ထိရောက်မှုအင်မတန်ရှိသော်လည်း အတိုင်းအတာထက်ကျော်လွန်ပါက ဆိုးကျိုးများတတ်သည်။ နာမည်ဖျက်ခေါ်ခြင်း၊ ဓာတ်ပုံအလွဲသုံးစားလုပ်ခြင်း၊ ဆဲဆိုခြင်းစသည့် မလုပ်သင့်မလုပ်အပ်သည့် ကိစ္စရပ်များကို ကျူးလွန်နေကြသည်။ သူတစ်ပါး စိတ်ထိခိုက်ရသည်။ အမှားတစ်ခု၏အနောက် အမှားနှင့်မတန်အောင် ပေးဆပ်ရသည်။

နှစ်ပေါင်း ၁၄၀၀ မတိုင်မီကပင် ကုရ်အာန်ကျမ်းတော်မြတ်က ဤကဲ့သို့ ကိစ္စရပ်များကို ပြင်းပြင်းထန်ထန်တားမြစ်ထားတော်မူ၏။ ကုရ်အာန်ကျမ်းမြတ်၏ အမိန့်ကို ရှေ့ဝယ်ထားကာ သူတစ်ပါးကို လှောင်ပြောင်ခြင်း မပြုလုပ်ဖို့ အလွန်အရေးကြီးပါသည်။

သီရိပျံချီ မုဖတ်စ်စိရွလ်ကုရ်အာန် ဆရာကြီး အလ္လာမာဟ်ဃာဇီဟာရှင်မ်ဆွာဟိဗ်က ကျမ်းတော်မြတ်ကုရ်အာန် မြန်မာပြန်ထဲတွင် တစ်ပါးသူအပေါ်အထင်သေးခြင်းနှင့်ပတ်သက်၍ ဤသို့ရှင်းလင်းရေးသားထားသေးသည်။

သူတစ်ပါးအား အထင်မသေးရာ။

များသောအားဖြင့် လူနှစ်ယောက် သို့မဟုတ် အဖွဲ့နှစ်ဖွဲ့၊ သို့မဟုတ် အုပ်စုနှစ်ခုတွင် သဘောကွဲလွဲမှုဖြစ်ပေါ်သည့်အခါ တစ်ဦးနှင့်တစ်ဦး၊ တစ်ဖွဲ့နှင့်တစ်ဖွဲ့၊ တစ်အုပ်စုနှင့်တစ်အုပ်စု အချင်းချင်း အထင်အမြင်သေးကာ ပြက်ချော်ပြောင်လှောင်လေ့ရှိကြသည်။ သရော်လေ့ရှိကြသည်။ ငြူစူစောင်းမြောင်းလေ့ရှိကြသည်။ ကဲ့ရဲ့ပြစ်တင်ရှုတ်ချပြောဆိုလေ့ရှိကြသည်။ မကောင်းသောမဖွယ်မရာဘွဲ့နာမည်များဖြင့် ခေါ်ဝေါ်သုံးနှုန်းလေ့ရှိကြသည်။

သို့ရာတွင် သိထားအပ်သည်မှာ မိမိကိုယ်မိမိ ခြောက်ပစ်ကင်း သဲလဲစင်ဟု ထင်မှတ်ကာ သူတစ်ပါးအား ကဲ့ရဲ့ပြစ်တင်နေသူသည် တွင်း၊ ပြင် အားလုံးသိတော်မူသော အလ္လာဟ်အရှင်မြတ်ထံတာ်၌ မိမိသာလျှင် ကဲ့ရဲ့ပြစ်တင်ဖွယ်ရာ ဖြစ်နေတတ်ပေသည်။

ဥပမာ – အလ္လာဟ်အရှင်မြတ်ထံတော်၌ ကဲ့ရဲ့ပြစ်တင်သူထက် ကဲ့ရဲ့ပြစ်တင်ခြင်းခံရသူက ပို၍ကောင်းနေတတ်ပေသည်။ သို့ဖြစ်လျှင် သူတစ်ပါးအား ကဲ့ရဲ့ပြစ်တင်သူသည်သာလျှင် အရှက်တကွဲအကျိုးနည်းဖြစ်ပေမည်။

တစ်ခါတစ်ရံမိမိကိုယ်တိုင်က လက်ခံနှစ်ခြိုက်ခဲ့သောအချက်ကို အချင်းချင်း သဘောကွဲလွဲပြီး နောက်ပိုင်းတွင် ယင်းအချက်ကိုပင် တစ်ဖက်သားက ပြောဆိုလာသည့်အခါ မလိုမုန်းတီးမှု၊ ဇွတ်တရွတ်ပြုလိုမှု၊ သူဖြူလျှင် ငါမည်းမည်ဟူသော မတရားဆန့်ကျင်လိုမှုများကြောင့် မျက်စိမှိတ်၍ ဆန့်ကျင်တတ်ကြပေသည်။ သူတစ်ပါး၏ သေးငယ်သော အပြစ်ကို မြင်တတ်ကြသည်။ မိမိ၌ရှိသော အပြစ်ကြီးများကိုမူ မမြင်တတ်ကြပေ။ ဤသို့ဖြင့် အချင်းချင်း တစ်ဦးနှင့်တစ်ဦး ပို၍ ပို၍ ကင်းကွာလာတတ်ကြသည်။ ပို၍ပို၍ မုန်းတီးလာတတ်ကြသည်။ အမုန်းလွန်သည့်အခါ ပြန်လည်စေ့စပ်မှု၊ သင့်မြတ်မှု လမ်းစသည်ပင် ပျောက်ခြင်းမလှ ပျောက်ကွယ်သွားပြီး တစ်ဦးနှင့်တစ်ဦး တစ်ဖွဲ့နှင့်တစ်ဖွဲ့ တစ်အုပ်စုနှင့်တစ်အုပ်စု အသက်ထက်ဆုံး မုန်းသွားတတ်ကြပေသည်။

ဤအာယတ်တော်တွင် အလ္လာဟ်အရှင်မြတ်သည် ယင်းသို့မဖြစ်စေရန်အလို့ငှာ – သူတစ်ပါးအား အထင်မသေးရ၊ ကဲ့ရဲ့ပြစ်တင်ခြင်းမပြုရ။ သူတစ်ပါး၏ အပြစ်ကိုမရှာရ၊ သူတစ်ပါးအားမဖွယ်ရာသော အမည်များနှင့် မခေါ်ရဟူ၍ ပိတ်ပင်တားမြစ်ထားတော်မူခြင်းဖြစ်သည်။

အကယ်၍ ယခုခေတ်မွတ်စလင်များသည် ဤကဏ္ဍလာ ဒေသနာတော်များကိုပင် လက်တွေ့လိုက်နာ ကျင့်သုံးကြပါက ယနေ့ ၎င်းတို့၌ စွဲကပ်နေသော ရောဂါကြီးငယ်များသည် ပျောက်ကင်းသွားနိုင်ပေသည်။

“လူတစ်ယောက်သည် မိမိ၌ရှိသော အပြစ်များကို သတိပြုမိပါမူ သူတစ်ပါးအား ကဲ့ရဲ့ပြစ်တင်ရန် နှုတ်ပင်ဖွင့်ဟ၀ံ့မည်မဟုတ်ပေ”။ ကြည့် – မာဂျိဒီ။

(M.အောင်မြတ်ဦးရေးသည်)

ဧပြီလထုတ် ဉာဏ်အလင်း အတွဲ(၁) အမှတ် (၅) ကို အခမဲ့ Download ရယူရန် –
Mediafire – http://bit.ly/2oR54rj
Pcloud – http://bit.ly/2nP162Y
Dropbox – http://bit.ly/2otKFN1