အမေရိကန် green-card ထီမကြာမီဖွင့်တော့မည်

အင်္ဂါနေ့ရောက်ပြီဆိုလျှင် ကမ္ဘာအရပ်ရပ်မှာ ၁၄ သန်းကျော်သော လူသားများသည် မိမိတို့၏ ကွန်ပြူတာနဲ့ စမတ်ဖုန်းများကို အသည်းအသန်ပွတ်ကာ ထီပေါက်မပေါက် ရှာကြတော့မည်ဖြစ်သည်။ ယင်းထီပေါက်လျင် ငွေကြေးရမည်မဟုတ်။ ဘ၀အပြောင်းအလဲဖြစ်နိုင်သည့် အပြောင်းအရွှေ့တစ်ခုကို လုပ်ခွင့်ရမည်ဖြစ်သည်။ ယင်းမှာ အမေရိကန်လူဝင်မှုကြီးကြပ်ရေးစနစ်အရ ကံစမ်းမဲဖောက်ပေးသည့် DV Lottery ပင်ဖြစ်သည်။

အမေရိကန်ပြည်ထောင်စု၏ မြို့တော်စံတော်ချိန် နေမွန်းတည့်ပြီဆိုသည်နှင့် နိုင်ငံခြားရေးဝန်ကြီးဌာန Website ထဲသို့ ၀င်ရောက်ကြည့်ရှုနိုင်ေတာ့မည်ဖြစ်သည်။ အမည်၊ မွေးသက္ကရာဇ် နှင့် ၁၆ လုံးပါသော ကိုယ်ပိုင်ထီနံပါတ်များကို ရိုက်ထည့်ကာ ကံထူးမထူး ရှာကြပေတော့မည်။ ထီပေါက်သူများသည် အမေရိကန်အစိမ်းရောက်ကတ် US green-card lottery ရမည်ဖြစ်သည်။

နှစ်စဉ်နှစ်တိုင်း ဗီဇာထီကို မည်သည့်စနစ်ဖြင့်ပေးသည်ဆိုသည်ကိုတော့ တရားဝင်ထုတ်ပြန်ခြင်းမရှိပေ။ ကမ္ဘာအရပ်ရပ်မှ ကြုံရာကျပမ်းရွေးချယ်ထားသော နိုင်ငံခြားသား ကံထူးရှင် ၅၀,၀၀၀ သည် အမေရိကန်တွင် Permanent အမြဲတမ်းနေခွင့်ရလိမ့်မည်။

ယခုထီဖွင့်တော့မည့်အချိန်သည် အမေရိကန် လူဝင်မှုကြီးကြပ်ရေး ပေါ်လစီနှင့်ပတ်သက်၍ အခြေအတင်ဆွေးနွေးနေချိန်နှင့်တိုက်ဆိုင်နေသည်။ ဒေါ်နယ်ထရမ့်တက်လာပြီးနောက် လူဝင်မှုကြီးကြပ်ရေး ပေါ်လစီများသည် ပိုမိုတင်းကျပ်လာကာ နိုင်ငံခြားသားများကို လက်ကမ်းမကြိုတော့ချေ။ တရားမ၀င်ရွှေ့ပြောင်းအခြေချသူများကို နှိမ်နင်းခဲ့သလို မက္ကဆီကို နယ်စပ်တွင်လည်း တံတိုင်းကာရံမည်ဟု ထရမ့်က ကျွေးကြော်ထားသည်။ မွတ်စလင်အများစုနေထိုင်သည့် နိုင်ငံမှလူများကိုလည်း ပြည်ဝင်ခွင့်ပိတ်ခဲ့သေးသည်။

သို့ရာတွင် ထရမ့်သည် ယခုအချိန်ထိ Green-card ထီနှင့် ပတ်သက်၍ တစ်စုံတစ်ရာမှတ်ချက်ပေးခြင်းမျိုးမရှိသေးပေ။ ၎င်းကျင့်သုံးနေသော မူဝါဒများအရ Green-card ထီဖောက်ပေးခြင်းကိုလည်း မကြာခင်ပိတ်ပင်သွားဖွယ်ရှိသည်ဟု ယူဆနိုင်သည်။

ကမ္ဘာအရပ်ရပ်မှ သန်းချီသောလူသားများကတော့ နောက်ဆုံးအကြိမ်ဖြစ်ဖွယ်ရှိသည့် Green-card ထီ ကံထူးရှင်ဖြစ်ရန် ကိုယ်စီကိုယ်စီမျှော်လင့်နေကြသည်မှာတော့ မလွဲမသေပင်။

ဉာဏ်အလင်း