မြန်မာနိုင်ငံသို့ ပထမဆုံးအကြိမ်အဖြစ် သမိုင်းဝင်ခရီးစဉ်လာရောက်မည့် ပုပ်ရဟန်းမင်းကြီးဖရန့်ဆစ် ရိုဟင်ဂျာအခွင့်အရေးကို အာရုံစိုက်မည်

မြန်မာနိုင်ငံကို ပုပ်ရဟန်းမင်းကြီးတစ်ပါး ပထမဆုံးအကြိမ်လာရောက်သည့် သမိုင်းဝင်ခရီးစဉ်အဖြစ် ဗာတီကန်မှ ကက်သလစ်ပုပ်ရဟန်းမင်းကြီး ပုပ်ဖရန့်ဆစ်က လာမည့်နိုဝင်ဘာလအတွင်း လာရောက်တော့မည်ဖြစ်ကြောင်း ကက်သလစ်သတင်းဌာနများက ရေးသားလျက်ရှိသည်။ ပုပ်ရဟန်းမင်းကြီးသည် မြန်မာနိုင်ငံခရီးစဉ်အတွင်း ရိုဟင်ဂျာအခွင့်အရေးနှင့်ပတ်သက်၍ အထူးအာရုံစိုက်သွားမည်ဖြစ်ကြောင်းသိရသည်။
 
သမိုင်းဝင်ခရီးစဉ်အတွင်း မြန်မာနိုင်ငံကိုသာမက ဘင်္ဂလားဒေ့ရ်ှနိုင်ငံကိုလည်း သွားရောက်ဦးမည်ဟု Union of Catholic Asian News က ရေးသားထားသည်။ သတင်းအချက်အလက်များအရ ပုပ်ရဟန်းမင်းကြီးကို ပြည်ထောင်စုသမ္မတမြန်မာနိုင်ငံ သမ္မတ ဦးထင်ကျော်က ကိုယ်တိုင်ဖိတ်ကြားခဲ့ခြင်းဖြစ်သည်။ ယင်းကြောင့်ပင် သဘောထားတင်းမာသည့် ဗုဒ္ဓဘာသာအုပ်စုများနှင့် အမျိုးသားရေးအစွန်းရောက် အင်အားစုများက လူမှုကွန်ရက်မီဒီယာများပေါ်တွင် ဝေဖန်ပြစ်တင်ခြင်းများစတင်ပြုလုပ်နေပြီဖြစ်သည်။
 
မြန်မာနိုင်ငံခရီးစဉ်အတွင်း ပုပ်ရဟန်းမင်းကြီးသည် နေပြည်တော်သို့သွားရောက်ကာ အစိုးရအဖွဲ့ထိပ်တန်းပုဂ္ဂိုလ်များနှင့် အရင်ဆုံးတွေ့ဆုံပြီးနောက် ရန်ကုန်မြို့သို့လာရောက်မည်ဖြစ်သည်။ ထို့နောက် ရခိုင်ပြည်နယ်သို့သွားရောက်မည်ဟုသိရသည်။ မြန်မာနှင့် ဘင်္ဂလားဒေ့ရ်ှတို့တွင် ကက်သလစ်ဘာသာဝင်အင်မတန်နည်းပါးသောကြောင့် ရိုဟင်ဂျာမွတ်စလင်များ အကြမ်းဖက်ဖိနှိပ်ခံရသည့်အရေးကိုသာ အဓိက အာရုံစိုက်သွားမည်ဖြစ်ကြောင်းသိရသည်။ ပုပ်ရဟန်းမင်းကြီး ဖရန့်ဆစ်သည် ယခင်ကလည်း ရိုဟင်ဂျာများအပေါ် ဖိနှိပ်ခြင်းနှင့်ပတ်သက်၍ မကြာခဏဆိုသလို နှုတ်အားဖြင့် ပြစ်တင်ပြောဆိုခဲ့ခြင်းများရှိသည်။
 
ပုပ်ရဟန်းမင်းကြီး ဖရန့်ဆစ်သည် မြန်မာနှင့် ဘင်္ဂလားဒေ့ရ်ှနိုင်ငံဆိုင်ရာ ကက်သလစ်ပုပ်ရဟန်းမင်းကြီးနှစ်ပါးအသီးသီးခန့်အပ်ပေးခဲ့သည့် ပထမဆုံး ပုပ်ရဟန်းမင်းကြီးလည်းဖြစ်သည်။ မြန်မာနိုင်ငံတွင် ကက်သလစ်ဘာသာဝင် ၇၀၀,၀၀၀ ဦးခန့်အကြမ်းအားဖြင့်ရှိသည်။
 
Ref: asiancorrespondent
 
ဇူလိုင်လထုတ် ဉာဏ်အလင်း အတွဲ(၁) အမှတ်(၈) ကို အောက်ပါ Link တွေကနေ Download ရယူနိုင်ပါပြီ
 
Mediafire – http://bit.ly/2umlRbf