ဗုဒ္ဓဘာသာစင်တာကြီးတစ်ခု မလေးအစိုးရဖွင့်လှစ်ပေးမည်

ဘာသာပေါင်းစုံအသိုက်အ၀န်းတစ်ခုပေါ်ပေါက်ရန်အကောင်အထည်ဖော်မည့် အစိုးရ၏စီမံချက်အဖြစ် မလေးရှား အုပ်ချုပ်ရေးမြို့တော် ပူထရာဂျာယားတွင် ဗုဒ္ဓဘာသာစင်တာတစ်ခုနှင့် အခြားသောဘာသာတရားကြီးများ၏ ကိုးကွယ်ခြင်းဆိုင်ရာအဆောက်အအုံများဆောက်လုပ်ပေးသွားမည်ဟု သိရသည်။

“ကျနော်တို့ရဲ့ အခြေခံဥပဒေထဲမှာ ပါဝင်တဲ့အတိုင်း ဘာသာရေးလွတ်လပ်ခွင့်ကို အစိုးရက ဘယ်လောက်ထိအလေးထားဆောင်ရွက်သလဲဆိုတာကိုပေါ်လွင်စေမှာပါ” ဟု နိုင်ငံတကာကုန်သွယ်ရေးနှင့် စက်မှုရေးရာဝန်ကြီးဌာန (၂) Datuk Seri Ong Ka Chuan က ဆိုသည်။ သီးသန့်နယ်မြေ အမှတ် (၂) တွင် စတင်ဆောက်လုပ်ပြီဖြစ်သော Pusat Buddhis Dhammaduta Malaysia အဆောက်အအုံဖွင့်လှစ်ပွဲသို့ ၎င်းက တက်ရောက်ခဲ့သည်။

ယင်းစင်တာကို ဟိန္ဒူဘုရားကျောင်းနှင့် ဘေးကပ်ရပ်တွင်ရှိသော မလေးအစိုးရပိုင် ၀.၂၇ ဟက်တာ အကျယ်အ၀န်းရှိမြေပေါ်တွင် စတင်ဆောက်လုပ်နေပြီဖြစ်သည်။ အဆောက်အအုံဆောက်လုပ်မည့် မြေနေရာအတွင်း တောင်နှင့် မြောက်အိန္ဒိယလက်ရာ ဘုရားကျောင်းပေါင်းများစွာ တည်ရှိပြီး ယင်းမြေနေရာကို Devi Sri Lalithaambigai Alayam Comples ဟုလည်းခေါ်တွင်သည်။

ယခုဖွင့်ပွဲသည် မလေးရှားဗုဒ္ဓဘာသာဝင်များအတွက် မှတ်တမ်းသစ်တစ်ခုဖြစ်ကြောင်းနှင့် ယင်းစင်တာကို ဗုဒ္ဓဘာသာဝင်တို့၏ မြို့တော်အဖြစ် တင်စားနိုင်ကြောင်း ဖွင့်ပွဲကိုတက်ရောက်ချီးမြှင့်ခဲ့သော ၀န်ကြီး Ong က ပြောသည်။ မြေနေရာဝန်းကျင်တွင် မွတ်စလင်မဟုတ်သည့်အခြားအဓိကဘာသာကြီးများဖြစ်သည့် ခရစ်ယာန်၊ တာအိုဝါဒ၊ ဆိခ် အစရှိသည်တို့၏ ဘုရားကျောင်းများကိုလည်း တည်ဆောက်ပေးသွားမည်ဟု အစိုးရကပြောထားသည်။

မလေးရှားဗုဒ္ဓဘာသာသာသနာပြုအဖွဲ့ (BMSM) အတွက် ၁၈၅၈ စကွဲမီတာအကျယ်ရှိ အမိုးပေါ်တွင်ပန်းခြံပါသောနှစ်ထပ်အဆောက်အအုံဆောက်လုပ်ရန် ရင်းဂစ် ၈ သန်းကို အစိုးရက လှူဒါန်းပေးအပ်ခဲ့သည်။ အဆိုပါအဆောက်အအုံတွင် ပူထရာဂျာယား၌ အခြေချနေထိုင်သူ ဗုဒ္ဓဘာသာဝင် ၂၀၀၀ ခန့် တပြိုင်နက်ထဲ ၀တ်ပြုဆုတောင်းနိုင်မည်ဟု သိရသည်။

BMSM ၏ ပူထရာဂျာယားအဖွဲ့ခွဲက မလေးရှားနိုင်ငံ၏ အဓိက ဘာသာတရားများအကြား အပြန်အလှန်နားလည်မှုရှိလာစေရေးနှင့် ဘာသာပေါင်းစုံသဟာဇာတဖြစ်ရေးအတွက် ပွဲများစီစဉ်ပေးသွားမည်ဟုလည်း ဆိုသည်။

Ref: thestar

ဉာဏ်အလင်း