မြန်မာ့လူ့အခွင့်အရေးချိုးဖောက်မှုများကို ဖိအားပေးရန် သြစတေးလျကို နိုင်ငံတကာလွတ်ငြိမ်းချမ်းသာခွင့်အဖွဲ့ တိုက်တွန်း

မြန်မာပြည်မြောက်ပိုင်းတွင်ဖြစ်ပွားသော စစ်ရာဇဝတ်မှုနှင့် လူ့အခွင့်အရေးချိုးဖောက်မှုများအပေါ် သြစတေးလျက မေးခွန်းထုတ်ရန် နိုင်ငံတကာလွတ်ငြိမ်းချမ်းသာခွင့်အဖွဲ့ AI က တိုက်တွန်းလိုက်သည်။ အစိုးရစစ်တပ်နှင့် တိုင်းရင်းသားလက်နက်ကိုင်အုပ်စုများကြား နှစ်ပေါင်းများစွာကြာအောင် ဖြစ်ပွားလျက်ရှိသည့် ပဋိပက္ခအတွင်း ပြည်သူ ၁၀၀,၀၀၀ နီးပါး နေရပ်စွန့်ခွာထွက်ပြေးခဲ့ရကြောင်း AI က အစီရင်ခံစာထုတ်ပြန်ထားသည်။
 
“ရခိုင်ပြည်နယ်က ရိုဟင်ဂျာလူနည်းစုတွေခံစားနေရတဲ့ ညှင်းပမ်းနှိပ်စက်မှုတွေဟာ နိုင်ငံတကာအသိုင်းအဝိုင်းနဲ့ ရင်းနှီးပြီးဖြစ်ပေမယ့် ကချင်ပြည်နယ်နဲ့ ရှမ်းပြည်နယ်မြောက်ပိုင်းမှာ တိုင်းရင်းသားလူနည်းစုတွေကို ပစ်မှတ်ထားတဲ့ စစ်တပ်ရဲ့လုပ်ရပ်ဟာလည်း အလားတူကြောက်ရွံထိတ်လန့်ဖွယ် ဖြစ်ရပ်မျိုးဖြစ်ပါတယ်” လို့ AI ပြောရေးဆိုခွင့်ရှိသူ မက်သယူးဝဲလ် က ဗုဒ္ဓဟူးနေ့တွင်ပြောကြားလိုက်သည်။
 
နှိပ်စက်ညှင်းပမ်းမှု၊ တရားလက်လွတ်သတ်ဖြတ်မှု၊ အရပ်သားများအပေါ် ဗုံးကြဲမှု၊ သွားလာလှုပ်ရှားခွင့်နှင့် လူသားချင်းစာနာသည့် အကူအညီအများကန့်သတ်မှုတို့ကို စစ်တပ်ကကျယ်ကျယ်ပျံ့ပျံ့လုပ်ဆောင်လျက်ရှိကြောင်း AI ၏ အစီရင်ခံစာတွင်ဖော်ပြထားသည်။

© KO SAI/AFP/Getty Images

တိုင်းရင်းသားလက်နက်ကိုင်အုပ်များကလည်း အရပ်သားများကို ပြန်ပေးဆွဲခြင်း၊ အမျိုးသား၊ အမျိုးသမီးနှင့် အရွယ်မရောက်သေးသူများကို အဓမ္မလူသစ်စုဆောင်းခြင်း၊ ဖြူခါပြာခါကျနေသောရွာများကို ထပ်ဆင့် ဆက်ကြေးကောက်ခံခြင်းများလုပ်သည့် အထောက်အထားများလည်း ရှိကြောင်း သိရသည်။
 
ပဋိပက္ခဖြစ်ပွားရာနေများတွင် လူ့အခွင့်အရေးချိုးဖောက်မှုများ စုံစမ်းစစ်ဆေးရန်အတွက် ကုလသမဂ္ဂအချက်အလက်ရှာဖွေရေး မစ်ရှင်ကို ပိုမိုတိုးချဲ့ဆောင်ရွက်ရန် သြစတေးလျအစိုးရအနေဖြင့် အကြံပြုသင့်ကြောင်း AI က တိုက်တွန်းတောင်းဆိုလိုက်သည်။
 
© AAP 2017