အက်တီးက် ဗလီဝတ်ကျောင်းတော် (Atiq Mosque)

ကဏ္ဍ – Muslim Heritage

အက်တီးက်ဗလီဝတ်ကျောင်းတော်ကို မြင့်မြတ်သောဗလီကြီး (Great Mosque) သို့မဟုတ် အလ်-ကဘီးရ်ဗလီ (al-Kabir Mosque) လို့လည်း ခေါ်ဆိုပါတယ်။ Atiq Mosque ကိုတိုက်ရိုက်ပြန်ဆိုရင် ရှေးဟောင်းဗလီလို့ အဓိပ္ပာယ်ရပါတယ်။ ဒီဗလီဟာ လစ်ဗျားနိုင်ငံအရှေ့ပိုင်း ဆာဟာရသဲကန္တရ ဆိုင်ရန်နိုင်ကာဒေသရှိ အော်ဂျီလာ အိုအေစစ်ရွာလေးမှာ တည်ရှိပါတယ်။ အဲဒီက ဒေသခံတွေကတော့ ဟိုးရှေးယခင်ကတည်းက တည်ရှိကြတဲ့ လူမျိုးစုတွေဖြစ်ပါတယ်။

ခုနှစ်ရာစုမှာ အော်ဂျီယာဟာ အာရပ်တွေရဲ့ အုပ်ချုပ်မှုအောက်ကျရောက်ခဲ့တာနဲ့အတူ အစ္စလာမ်သာသနာဟာလည်း အဲဒီဒေသအတွက် အရေးကြီးတဲ့ ဘ၀အစိတ်အပိုင်းတစ်ရပ်ဖြစ်လာခဲ့ပါတယ်။ ဗလီကြီးကို ၁၂ ရာစုကတည်းက တည်ဆောက်ခဲ့ပြီး ဒေသတစ်ခွင်လုံးမှာ သက်တမ်းအရှည်ဆုံး ဗလီအဖြစ် မှတ်တမ်းဝင်ထားပါတယ်။ ဗလီမီနာရာနဲ့ တိုင်လုံးအားလုံးကို ဆောက်လုပ်နေကျမဟုတ်တဲ့ ရွှံ့စေးနဲ့ ထုံးကျောက်တို့နဲ့ တည်ဆောက်ထားတာကြောင့် အလင်းရောက်နဲ့ လေ၀င်လေထွက် ကောင်းမွန်ပါတယ်။

တည်နေရာ

အော်ဂျီယာရွာနဲ့ ကပ်လျက်ရှိတဲ့ ဂျာလူးအိုအေစစ်ရွာတို့ဟာ ဝေးလံခေါင်သီတဲ့အရပ်မှာရှိပါတယ်။ ဒါ့အပြင် ကန္တာရအဝေးပြေးလမ်းတစ်လျှောက်မှာ ဒီမြို့နီးပါးရှိတဲ့ ရွာနှစ်ရွာသာရှိပါတယ်။ အနီးဆုံးအဖြစ် အနောက်မြောက်ဘက်မှာ မိုင် ၁၆၀ ဝေးတဲ့ အဂ်ျဒါဘီယာမြို့ရှိပြီး အရှေ့တောင်ဘက်မှာ ၃၈၈ မိုင်ကွာဝေးတဲ့ ကွဖ်ရာမြို့တည်ရှိပါတယ်။ အဲဒီမြို့နှစ်မြို့ကြားမှာ အော်ဂျီယာနဲ့ ဂျာလူးရွာတို့ တည်ရှိတာပါ။ အော်ဂျီလာအိုအေစစ်ကနေ အရည်အသွေးမြင့်မားတဲ့ စွံပလွံသီးတွေထွက်ပါတယ်။ အဓိကနေထိုင်တဲ့လူမျိုးစုကတော့ ဘာဘာလူမျိုးတွေပါ။ သူတို့တွေဟာ လက်ရှိအချိန်ထိ ဘာသာရိုးရာဘာသာစကားကို ပြောဆိုနေကြဆဲပါ။ ၂၀၀၅ ခုနှစ်ကစတင်ပြီး အော်ဂျီလာဘာသာစကားဟာ ကွယ်ပျောက်ဖို့ အလားအလာများတဲ့ ဘာသာစကားအဖြစ် မှတ်တမ်းဝင်ခဲ့ပါပြီ။ ဗလီဝတ်ကျောင်းတော်ကတော့ အော်ဂျီလာမြို့ဟောင်းဧရိယာထဲမှာရှိပါတယ်။

သမိုင်းကြောင်း

တမန်တော်မုဟမ္မဒ် (ဆွလ္လလ္လာဟုအလိုင်းဟိဝစလ္လမ်) ၀ဖားသ်ဖြစ်ကွယ်လွန်ခဲ့တဲ့ ၆၃၂ ခုနှစ်နောက်ပိုင်း သိပ်မကြာခင်မှာပဲ အာရပ်တွေဟာ ဘိုင်ဇန်းတိုင်းအင်ပါယာကို စစ်ပွဲဆင်နွှဲခဲ့ပြီး အချိန်တိုအတွင်း ဆီရီးယား၊ ပါရှားနဲ့ အီဂျစ်ပြည်တို့ကို သိမ်းပိုက်အုပ်ချုပ်နိုင်ခဲ့ပါတယ်။ ၆၄၃ ခုနှစ်မှာ အလက်ဇန္ဒြီးယားကိုသိမ်းပိုက်ခဲ့ပြီး အာဖရိတိုက်ရဲ့ မြေထဲပင်လယ်ကမ်းရိုးတမ်းတစ်လျှောက်လုံးကို ဆက်လက်သိမ်းပိုက်ခဲ့ပါတယ်။ ၆၄၄ ခုနှစ်မှာ ဆိုင်ရန်နိုင်ကာ၊ ၆၄၆ ခုနှစ်မှာ ထရီပိုလီတေးနီးယား နဲ့ ၆၃၃ ခုနှစ်မှာ ဖဇ်ဇားန်တို့ကို အသီးသီးသိမ်းပိုက်နိုင်ခဲ့ပြန်တယ်။ အော်ဂျီလာဝန်းကျင် ဒေသတွေကိုတော့ ဆီဒီမင်းဆက်ဘုရင် အဗ္ဗဒွလ္လာဟ် အိဗ်နေ့ စအဒ် အိဗ်နေ့ အဗီ အဆ်-ဆားရ်ဟ်က အုပ်ချုပ်ခဲ့ပါတယ်။ အဲဒီဘုရင်ရဲ့အုတ်ဂူဟာ ၆၅၀ ခုနှစ်ဝန်းကျင်ကတည်းက အော်ဂျီလာမှာ ရှိခဲ့ပါတယ်။

ခုနှစ်ရာစုအစောပိုင်းကာလမှာပဲ အစ္စလာမ်သာသနာဟာ အိုအေစစ်တစ်လွှားမှာ အရေးပါတဲ့ အစိတ်အပိုင်းဖြစ်လာခဲ့ပါတယ်။ အိုအေစစ်ဝန်းကျင်မှာ ဗလီဝတ်ကျောင်းတော်အမြောက်အမြားတွေ့ရှိခဲ့ရတယ်လို့ အာရပ်သမိုင်းဆရာ အလ်-ဘက္ကရီက ၁၁ ရာစုမှာမှတ်တမ်းတင်ခဲ့ပါတယ်။ ၁၉၆၀ ခုနှစ်မှာ ရေနံလုပ်ငန်းဦးမော့လာချိန်မှာတော့ ငြိမ်သက်နေတဲ့ ရွာငယ်လေးကို လှုပ်နှိုးသလိုဖြစ်ခဲ့ပါတယ်။ ၁၉၆၈ ခုနှစ်မှာ ရွာရဲ့လူဦးရေဟာ ၂၀၀၀ နီးပါးအထိမြင့်တက်လာခဲ့ပြီး ၁၉၈၂ ခုနှစ်မှာတော့ ၄၀၀၀ အထိရှိလာပါတယ်။ ဗလီဝတ်ကျောင်းတော်အရေအတွက်ဟာလည်း ၁၂ လုံးရှိလာပါတယ်။

အဆောက်အအုံ

ဒီဗလီကြီးဟာ ဒေသတစ်လွှားမှာ သက်တမ်းအရင့်ဆုံးပါ။ လက်ရှိအဆောက်အအုံကိုယ်တိုင်က ၁၂ ရာစုလက်ရာဖြစ်ပါတယ်။ ၁၉၈၀ ခုနှစ်မှာ ပြန်လည်မွမ်းမံခဲ့ပါတယ်။ ဗလီတည်ရှိတဲ့ အိုအေစစ်လေးဟာ ၂၀၀၆ ခုနှစ် မတ်လ ၂၉ ရက်မှာ ဖြစ်ပေါ်ခဲ့တဲ့ နေကြတ်ခြင်းကို လာရောက်ကြည့်ရှု့သူတွေအတွက် အသုံးတော်ခံခဲ့ပါသေးတယ်။ အဲဒီအချိန်မှာ လာရောက်သူတွေအတွက် ၀တ်ပြုရာမှာအဆင်ပြေစေဖို့ ဗလီကို ဆက်လက်မွမ်းမံခဲ့ပါတယ်။

ဗလီဝင်ပေါက်တစ်ခုချင်းစီနားမှာ စွံပလွံဂိတ်တွေလည်းရှိပါတယ်။ ဗလီဧရိယာဖြစ်တဲ့ ၄၀၀ စကွဲယားမီတာတစ်ခွင်လုံးကို ရွှံ့အုတ်တွေနဲ့ချည်း တည်ဆောက်ထားတာပါ။ ထုံးကျောက်တွေ၊ ရွှံ့စေးတွေနဲ့ တည်ဆောက်ထားတဲ့ အမိုးခုံးအချွန်ပေါင်း ၂၁ ခုရှိပါတယ်။ အဆောက်အအုံထဲကို အလင်းရောင်ကောင်းကောင်းဝင်နိုင်ဖို့အတွက် အမိုးခုံးတစ်ခုစီတိုင်းမှာ အပေါက်ငယ်လေးတွေဖောက်ထားပါတယ်။ ဒါ့အပြင် အဲဒီအမိုးခုံးတွေဟာ အဆောက်အအုံအတွင်းပိုင်း အေးဖို့အတွက်လည်း အဆင်ပြေပြီး သဘာဝအဲယာကွန်းအဖြစ် တာဝန်ထမ်းဆောင်တယ်လို့ ဆိုရမှာပါ။

အဆောက်အအုံနံရံတွေကတော့ ၁၆ လက်မ ထူပါတယ်။ အဆောက်အအုံအတွင်းပိုင်းကို တံခါးပေါင်း ကိုးပေါက်ကနေ ၀င်နိုင်ပါတယ်။ အတွင်းပိုင်းမှာရှိတဲ့ တိုင်တွေနဲ့ အမိုးခုံးတွေဟာလည်း နေရာကျယ်ဝန်းမှု၊ အလင်းရောင်ဝင်ရောက်မှု၊ အေးချမ်းသာယာမှုတို့ကိုပေးစွမ်းပါတယ်။ မဲဟ်ရာဗ်ဘေးမှာ မင်မ်ဘရ်စင်မြင့်ရှိပါတယ်။ မင်မ်ဘရ်တည်ဆောက်ထားပုံက အာရေးဗျနဲ့ အရှေ့အာဖရိက လက်ရာပါပဲ။ အဲဒီလက်ရာဟာ အီဘာဒီလို့ခေါ်တဲ့ အစ္စလာမ်ဂိုဏ်းခွဲတစ်ခုက လူတွေဆောက်ခဲ့တဲ့လက်ရာဆိုတာကို ညွှန်းဆိုနေပါတယ်။

လက်ရှိမှာတော့ လစ်ဗျားမှာ ပြည်တွင်းစစ်ဖြစ်နေတာကြောင့် ဒီရှေးဟောင်းအမွေအနှစ်ဗလီဝတ်ကျောင်းတော်ကြီး အကောင်းအတိုင်းကျန်ပါ့ဦးမလားဆိုတာကိုတော့ ရှင်းရှင်းလင်းလင်းမသိရသေးပါဘူး။

(စတီဗင်ရေးသည်)

ဧပြီလထုတ် ဉာဏ်အလင်း အတွဲ(၁) အမှတ် (၅) ကို အခမဲ့ Download ရယူရန် –
Mediafire – http://bit.ly/2oN7U1f
Pcloud – http://bit.ly/2nP162Y
Dropbox – http://bit.ly/2otKFN1