အားဖာရ်လူမျိုးစု

ကဏ္ဍ – Ethnic Groups
 
အားဖာရ်(Afar) လူမျိုးစုကို ဒါးနခိလ်၊ အဒါလီနဲ့ အိုဒါလီ ဟုလည်း ခေါ်ဆိုကြသည်။ ဤလူမျိုးစုသည် အာဖရိကဦးချိုဒေသ၌ အခြေချနေထိုင်ကြသည်။ အီသီယိုးပီးယားနိုင်ငံ အားဖာရ်ဒေသ၊ ဂျီဘူတီနိုင်ငံမြောက်ပိုင်းနှင့် အီရီထြီးယားတောင်ဘက်စွန်း ဒေသများတွင် အဓိကနေထိုင်သည်။ ၎င်းတို့နေထိုင်ရာအရပ်ကို အားဖာရ်တြိဂံဟုလည်း ခေါ်ဆိုသည်။ ထိုဒေသသည် ကမ္ဘာ့အပူပြင်းဆုံးနှင့် အခြောက်သွေ့ဆုံး နေရာများအနက် ပါဝင်သည်။ တချို့ဆိုလျင် ထိုဒေသ၏ အပူချိန်သည် ကမ္ဘာပေါ်တွင် အမြင့်ဆုံးဟုဆိုကြသည်။ ၎င်းတို့နေထိုင်ရာနယ်မြေအများစုမှာ သဲကန္တာရ၊ ဆားလွင်ပြင်များနှင့် အပူဒဏ်ကြောင့် အက်ကွဲနေသည့် မြေကြီးများဖြစ်သည်။ အားဖာရ်လူမျိုးများသည် အားဖာရ်စကားကိုပြောဆိုကြသည်။
 
သမိုင်းဦးကာလ
 
အားဖာရ်လူမျိုးစုသည် ရှေးယခင်ကတည်းက လွတ်လပ်သော ဘုရင့်နိုင်ငံများအဖြစ် စုဝေးနေထိုင်ကြပြီး နိုင်ငံတိုင်းကို စူလတန်တစ်ပါးက အုပ်စိုးသည်။ ထိုအနက် အောာ့ဆာစူလတန်ဘုရင့်နိုင်ငံ (Sultanate of Aussa)၊ ဂီရီဖို စူလတန်ဘုရင့်နိုင်ငံ (Sultanate of Girrifo)၊ ဒါဝီစူလတန်ဘုရင့်နိုင်ငံ (Sultanate of Dawe)၊ တက်ဂျူးရာ စူလတန်ဘုရင့်နိုင်ငံ (Sultanate of Tadjourah)၊ ရာဟိုင်တိုစူလတန်ဘုရင့်နိုင်ငံ (Sultanate of Rahaito) နှင့် ဂူးဘဒ်စူလတန်ဘုရင့်နိုင်ငံ (Sultanate of Goobad) တုိ့သည် ထင်ရှားသည်။
အားဖာရ်လူမျိုးစုနှင့်ပတ်သက်၍ အစောဆုံးသမိုင်းမှတ်တမ်းကို ၁၃ရာစုမှာ အန်ဒလူးစီးယန်း (မွတ်စလင်စပိန်) စာရေးဆရာ အိဗ်နေ့စအဒ်က ရေးသားထားသည်။ ထို့အပြင် အီသီယိုးပီးယန်း ရာဇ၀င်မှတ်တမ်းများ၌လည်း မကြာမကြာတွေ့ရတတ်သည်။
 
အားဖာရ်လူမျိုးများသည် ဆိုလာလီလူမျိုးများနှင့် နီးစပ်သည်။ အားဖာရ်စကားကဲ့သို့ပင် အာဖရို-အာရှမိခင်စကားအုပ်စုကြီးမှ ဆင်းသက်လာသည့် စကားများကိုပြောဆိုကြသော မွတ်စလင်လူမျိုးစုများနှင့်လည်း သွေးမကင်းချေ။ ထို့အပြင် အားဖာရ်တို့သည် အထက်အထက်သော ယီမင်လူမျိုး ဘိုးဘွားဘီဘင်များမှတစ်ဆင့် ဆင်းသက်လာသော အာရပ်အနွယ်ဝင်များဖြစ်သည်ဟု ဆိုကြသည်။ သို့ရာတွင် အာရပ်လူမျိုးများနှင့် ၎င်းတို့သည် လူမျိုး၊ ဘာသာစကား၊ ယဉ်ကျေးမှု အစစအရာရာကွဲပြားနေသည်။
 
ထို့အပြင် အလယ်ခေတ်တွင် တည်ထောင်ခဲ့သော အဒါးလ်စူလတန်နိုင်ငံကိုလည်း အားဖာရ်များ ကြီးစိုးခဲ့ပြီး အာဖရိကဦးချိုဒေသမြောက်ပိုင်းတစ်ခွင်ကို စိုးမိုးအုပ်ချုပ်ခဲ့သည်ဟုလည်း ဆိုကြသည်။ ယင်းစူလတန်နိုင်ငံ တည်ရှိဆဲကာလတွင် အရှေ့မြောက်အာဖရိက၊ အနောက်အာရှ၊ ဥရောပ၊ တောင်အာရှ အစရှိသည့် ဒေသများနှင့် ကူးလူးဆက်နွှယ်ခြင်း၊ ကူးသန်းရောင်းဝယ်ခြင်း၊ သံခင်းတမန်ခင်းဆက်ဆံခြင်းများရှိခဲ့သည်။ ဦးချိုဒေသရှိ သမိုင်းဝင်ရှေးဟောင်းမြို့များဖြစ်သော မဒူနာ (Maduna)၊ အဘာဆာ (Abasa)၊ ဘာဘာရာ (Berbera)၊ ဇိုင်လာ (Zeila)၊ ဟရားရ် (Harar) မြို့များတွင် ရှေးဟောင်းလက်ရာများဖြစ်သည့် ခြံနှင့်ဝန်းနှင့်ဆောက်ထားသည့် လုံးချင်းအိမ်များ၊ ဗလီဝတ်ကျောင်းတော်များ၊ ဒရ်ဂါများ၊ ခေါင်မိုးတင်ရေတိုင်ကီများ၊ ခေတ်မီနံရံများကို တွေ့ရပြီး ယင်းအဆောက်အအုံများသည် စူလတန်နိုင်ငံ၏ ရွှေခေတ်အတွင်း ဆောက်လုပ်ခဲ့ခြင်းဖြစ်သည်။
 
အားဖာရ်လူမျိုးစုတွင် အုပ်စုကြီးနှစ်စုရှိသည်။ တစ်စုမှာ အဆေယာဟမာရာ (အနီအုပ်စု) ဖြစ်ပြီး အီသီယိုးပီးယားကုန်းမြင့်ဒေသကို တစ်ကြိမ်တစ်ခါက ကျူးကျော်တိုက်ခိုက်ခဲ့ဖူးသည်။ ယင်းအနီအုပ်စုသည် အဒိုယဟ်မာရာ (အဖြူအုပ်စု)ကို အုပ်ချုပ်ခဲ့ကြောင်းလည်း သမိုင်းမှတ်တမ်းများက ညွှန်းဆိုနေသည်။ ယင်းကဲ့သို့ အဖြူနှင့် အနီကွဲနေရခြင်းမှာ ၎င်းတို့နေထိုင်သည့် မြေအပေါ် အစွဲပြု၍ သတ်မှတ်ထားခြင်းဖြစ်သည်။ အနီအုပ်စုသည် အတွင်းဘက်ကုန်းမြေဖြစ်သည့် နီရဲသော ကန္တာရသဲမြေပေါ်တွင်နေထိုင်သူများဖြစ်ပြီး အဖြူအုပ်စုမှာ ရေနှင့်နီးသော ကမ်းရိုးတမ်းဒေသများတွင် ကျင်လည်ကျက်စားသူများဖြစ်သည်။
 
အားဖာရ်လူဦးရေ
 
နောက်ဆုံးကောက်ယူထားသည့် ၂၀၀၇ သန်းခေါင်စာရင်းမှ ကိန်းဂဏန်းအရ အီသီယိုပီးယားလူဦးရေ၏ ၁.၇၃ ရာခိုင်နှုန်း (၁,၂၇၆,၈၆၇) မှာ အားဖာရ်များဖြစ်သည်။ ထိုအနက် ၁၀၅,၅၅၁ ဦးသည် မြို့နေလူတန်းစားများဖြစ်နေပေပြီ။ ဂျီဘူတီနိုင်ငံတွင်မူ လူဦးရေ သုံးပုံတစ်ပုံကျော်သည် အားဖာရ်များဖြစ်သည်။ ထို့ပြင် အားဖာရ်သည် အီသီယိုးပီးယားလူမျိုးစုကြီး (၉) စုတွင် တစ်စုအဖြစ် တရားဝင်အသိအမှတ်ပြုခံထားရသည်။
လူမှုဘ၀
 
အားဖာရ်တို့သည် Nomad ဟုခေါ်သည့် ရေကြည်ရာမြက်နုရာရွှေ့ပြောင်းနေထိုင်ကြသော လူမျိုးစုဖြစ်သည်။ သိုး၊ ဆိတ်၊ နွား၊ ကုလားအုတ်များကို ကျောင်းကြသည်။ လူတစ်ဦး၏ ကြွယ်ဝချမ်းသာမှုကို ၎င်းပိုင်ဆိုင်သော တိရစ္ဆာန်အုပ်နှင့် တန်ဖိုးဖြတ်လေ့ရှိသည်။ သို့ပေမယ့် အားဖာရ်တိုင်းသည် တိရစ္ဆာန်မကျောင်းကြ။ တချို့မှာ ဆားချက်ကြသည်။ တချို့က အီသီယိုပီးယားမြို့တော် အဒစ်အဘာဘာတွင် အသက်မွေးဝမ်းကျောင်း ပြုကြသည်။ အစိုးရ၀န်ထမ်းလုပ်သူများ၊ အားဖာရ်ဘာသာစကားရေဒီယိုတွင် အစီအစဉ်တက်ဆက်သူများလည်းလုပ်ကြသည်။
အားဖာရ်တို့သည် မွတ်စလင်များဖြစ်သည့် အားလျော်စွာ ဇနီးသည်လေးဦးထိ လက်ထပ်ခွင့်ရှိသော်လည်း တစ်ဦးသာယူလေ့ရှိသည်။ အမျိုးသမီးငယ်များသည် ငယ်ငယ်ရွယ်ရွယ်နှင့်ပင် အိမ်ထောင်ပြုကြသည်။ အသက် ၁၀ နှစ်အရွယ် အမျိုးသမီးငယ်များအိမ်ထောင်ပြုကြသည်လည်း ရှိ၏။ မောင်နှမ တစ်ဝမ်းကွဲလက်ထပ်သည့် ဓလေ့ရှိသည်။ များသောအားဖြင့် ဖခင်၏ ညီမ သို့မဟုတ် အစ်မ၏ သမီး (အဖေဘက်မှတော်စပ်သော အဒေါ်၏သမီး ဖြစ်သူ ညီမတစ်ဝမ်းကွဲ သို့မဟုတ် အစ်မတစ်ဝမ်းကွဲ) နှင့် လက်ထပ်ကြသည်။ လပြည့်ညများတွင် မင်္ဂလာအခမ်းအနားကို ကျင်းပလေ့ရှိသည်။ မင်္ဂလာအခမ်းအနားတွင် ကုရ်အာန်ကျမ်းစာ ဖတ်ရွတ်တတ်သူ ရှိရန်မှာ မဖြစ်မနေအရေးကြီးသည်။
အစားအစာ
 
အားဖာရ်အစားအစာတွင် အသားနှင့် နို့အဓိက ပါဝင်သည်။ လက်ဆောင်ပေးလျှင်လည်း နို့ကိုအဓိကပေးကြသည်။ အိမ်လာသည့် ဧည့်သည်က အိမ်ရှင်အား လတ်ဆတ်သည့်နွားနို့နွေးနွေးလေးတိုက်ပါက ယင်းအိမ်ရှင်တွင် ဧည့်သည်ကို ချက်ချင်းကာကွယ်စောင့်ရှောက်ပေးရမည့် တာဝန်ရှိသည်။ အားဖာရ်တစ်ယောက်၏ အစောင့်အရှောက်အောက်၌ ရှိနေသူတစ်ဦးဦး အသတ်ဖြတ်ခံရပါက ယင်းသေဆုံးမှုကို ပြန်လည်လက်စားချေသတ်ဖြတ်ရန် အရေးကြီးသည်။

Woman from Afar tribe making ga’ambo maize flat-bread, Bilen, Ethiopia.

အားဖာရ်တို့သည် သားရဲတိရစ္ဆာန်များနှင့် ရန်သူမျိုးနွယ်စုများ၏ ရန်မှကာကွယ်ရန်အတွက် ၎င်းတို့၏ အိမ်များကို ဆူးခြုံအရံအတားများဖြင့် ခြံခတ်၍နေလေ့ရှိသည်။ ၎င်းတို့၏ ဘဲဥပုံတဲများကို အရီ (Ari) ဟုခေါ်ဆိုပြီး ထန်းလက်ဖျာများဖြင့် ဆောက်လုပ်ထားကာ အလွယ်တကူသယ်ယူရွှေ့ပြောင်းနိုင်သည်။
ဘာသာစကား
 
အားဖာရ်လူမျိုးစု၏ မိခင်ဘာသာစကားမှာ ၎င်းတို့၏ အားဖာရ်စကားပင်ဖြစ်သည်။ ယင်းစကားသည် အာဖရို-အရှဘာသာစကားမိသားစုကြီး၏ ကူရှီတစ် အုပ်စုခွဲမှ ဆင်းသက်လာခြင်းဖြစ်သည်။ အားဖာရ်စကားကို အီသီယိုးပီးယား အားဖာရ်ဒေသ သာမက အီရီထြီးယားနှင့် ဂျီဘူတီမြောက်ပိုင်းတို့တွင်ပြောဆိုကြသည်။ အားဖာရ်လူမျိုးစုသည် ခေတ်ဦးကာလကတည်းက ရေကြည်ရာမြက်နုရာရွှေ့ပြောင်းနေထိုင်တတ်သည့် ဓလေ့စရိုက်ရှိရာ ၎င်းတို့၏ ဘာသာစကားသည်လည်း နေရာအတော်တော်များများကို ပျံ့နှံ့ရောက်ရှိထားသည်ဟု သတ်မှတ်နိုင်သည်။
ဘာသာတရား
 
အားဖာရ်တို့သည် အစ္စလာမ်ဘာသာကိုးကွယ်သည့် စွန္နီမွတ်စလင်များဖြစ်ကြသည်။ သို့ရာတွင် ၎င်းတို့၏ ယုံကြည်ကိုးကွယ်မှုတွင် ရိုးရာအစွဲများစွာပါဝင်နေသည်။ ခရစ်ယာန်နှင့် ရိုးရာနတ်များကိုးကွယ်သည့် အားဖာရ်အနည်းစုလည်းရှိသည်။
အဖ်ဖာလူမျိုးများ၏ ရွှေခေတ် (သို့မဟုတ်) Aussa Sultanate
 
အားဖာရ်စူလတန်ဘုရင့်နိုင်ငံ (အော့ဆာစူလတန်ဘုရင့်နိုင်ငံ) သည် မူလတည်ထောင်ထားသည့် အော့ဆာအီမာမိတ် (Imamate of Aussa) နိုင်ငံ၏ အမွေဟုဆိုရပေမည်။ နိုင်ငံသစ်ဖြစ်သည့် အော့ဆာစူလတန်နိုင်ငံကို မုဟမ္မဒ် ဂျာဆာ က ၁၅၇၇ ခုနှစ်တွင် တည်ထောင်ခဲ့ပြီး ယခင်မြို့တော်ဟောင်း ဟရားရ်အစား အော့ဆာကို နိုင်ငံ၏မြို့တော်အဖြစ် ပြောင်းလဲသတ်မှတ်ခဲ့သည်။ ၁၆၇၂ ခုနှစ်တွင် အော့ဆာနိုင်ငံ နေ၀င်ချိန်ရောက်ခဲ့သည်။
 
အော့ဆာစူလတန်နိုင်ငံအပြီးပြိုကွဲမသွားစေရန် ၁၇၃၄ ခုနှစ်ဝန်းကျင်တွင် ကီဒါဖူက ပြန်လည်စုဝေးထူထောင်ခဲ့ပြီး ၎င်းနောက်တွင်နန်းမွေဆက်ခံသည့် မူဒီယာတိုမင်းဆက်က ဆက်လက်ထိန်းကျောင်းအုပ်ချုပ်ခဲ့သည်။ နိုင်ငံ့အမှတ်အသားသင်္ကေတမှာ မှော်အစွမ်းများကိန်းအောင်းနေသည်ဟု အယူရှိကြသော ငွေကျိုင်းတုတ်တော်ဖြစ်သည်။
အားဖာရ်လွတ်မြောက်ရေးတပ်ဦး (Afar Liberation Front)
 
စူလတန် အလီမီရဟ် ဟန်ဖဒီ ဦးဆောင်သည့် အားဖာရ်ပုန်ကန်မှု မအောင်မမြင်ဖြစ်ခဲ့ရပြီး နောက် ၁၉၇၅ ခုနှစ်တွင် အားဖာရ်လူမျိုးအကျိုးစီးပွားကို မြှင့်တင်ပေးမည်ဆိုသည့် ခံယူချက်နှင့်အတူ အားဖာရ်လွတ်မြောက်ရေးတပ်ဦး ပေါ်ပေါက်လာခဲ့သည်။ ထို့နောက်မကြာမီပင် စူလတန်ဟန်ဖဒီက ပြည်ပြေးဘ၀ဖြင့် ဆော်ဒီအာရေးဗျသို့ သွားရောက်ခိုလှုံခဲ့သည်။
ထိုစဉ်က ကွန်မြူနစ် ဒါးဂ်အစိုးရအုပ်ချုပ်သည့် အီသီယိုးပီးယားနိုင်ငံသည် အာဆဗ် ကိုယ်ပိုင်အုပ်ချုပ်ခွင့်ဒေသအဖြစ် ထူထောင်ပေးခဲ့သည်။ ယခုအခါ အာဆဗ်သည် အီရီထြီးယားနိုင်ငံအတွင်းတည်ရှိသည်။ ကိုယ်ပိုင်အုပ်ချုပ်ခွင့်ဒေသရရှိခဲ့သော်လည်း ၉၀ပြည့်နှစ်များအတွင် မကြာမကြာဆိုသလို ပုန်ကန်မှုများပြုလုပ်ခဲ့ကြသေးသည်။
 
ဂျီဘူတီနိုင်ငံတွင်လည်း ၈၀နှစ်များတစ်လျှောက်လုံး အလားတူပုန်ကန်မှုများပေါ်ပေါက်ခဲ့သည်။ ၁၉၉၁ခုနှစ်အရောက်တွင် အားဖရ်ပုန်ကန်မှုဆုံးခန်းတိုင်သည်။ ထိုနှစ်မှာပဲ ကွန်မြူနစ်ဒါးဂ်အစိုးရပြုတ်ကျသွားခဲ့ပြီးနောက် ပြည်ပြေးစူလတန် ဟန်ဖဒီက ပြည်တော်ပြန်ခဲ့သည်။
 
၁၉၉၃ ခုနှစ် မတ်လတွင် တော်လှန်သော အားဖာရ်ဒီမိုကရက်တစ်တပ်ဦး (ARDUF) ကို ဖွဲ့စည်းထူထောင်ခဲ့သည်။ ယင်းအဖွဲ့သည် အားဖာရ်အဖွဲ့အစည်းသုံးခု ညွှန့်ပေါင်းဖွဲ့စည်းထားခြင်းဖြစ်သည်။ ထိုသုံးဖွဲ့မှာ ၁၉၉၁ ခုနှစ်တွင် မိုဟာမူဒါ ဂါးစ် ဦးဆောင်ထူထောင်ခဲ့သော တော်လှန်သော အားဖာရ် ဒီမိုကရက်တစ် ညီညွတ်ရေး အဖွဲ့ (ARDUU)၊ Afar Ummatah Demokrasiyyoh Focca (AUDF) အဖွဲ့နှင့် အားဖာရ်တော်လှန်ရေးအင်အားစုများ (ARF) အဖွဲ့တို့ ဖြစ်သည်။ ထို့အပြင် အားဖာရ်အကျိုးစီးပွားအတွက် နိုင်ငံရေးပါတီတစ်ပါတီကိုလည်းဖွဲ့စည်းခဲ့သည်။ ၂၀၁၂ ခုနှစ်အရောက်တွင် ARDUF အဖွဲ့သည် အီသီယိုးပီးယား အတိုက်အခံညွှန့်ပေါင်းပါတီဖြစ်သည့် ညီညွတ်သောအီသီယိုးပီးယား ဒီမိုကရက်တစ်အင်အားစုများ (UEDF) ၏ အစိတ်အပိုင်းတစ်ခုအဖြစ် ပါဝင်လာခဲ့သည်။
 
Ref: Wikipedia, orvillejenkins, african.culturextourism
 (ရာဇာရေးသည်)
ဧပြီလထုတ် ဉာဏ်အလင်း အတွဲ(၁) အမှတ် (၅) ကို အခမဲ့ Download ရယူရန် –
Mediafire – http://bit.ly/2oN7U1f
Pcloud – http://bit.ly/2nP162Y
Dropbox – http://bit.ly/2otKFN1